रोमी 15:3 - कोन्छ्‌योककी सुङ

³ च्‍यिलासिसिन ख्रीष्‍टकी साङ खोरुङ तिराङ गा माक्‍या। ती तप्‍की कोन्‍छ्‍योककी सुङला दुक सिनी टि वे, “चोवोकी तेन्‍दोकला लानी बिन्‍दुप क्‍येन ति तन्‍दा ङला फोक्‍सुङ।”

रोमी 15:3 Iomraidhean Croise

मत्ती 10:25

लोमा खोरो गेकेन दोके ताङ लावा खोरो ज्‍यिन्‍दाक दोके च्‍युङ्‍सिन टेके गिवी। तिवी खाङ्‍बी ज्‍यिन्‍दाकला बालजिबुल सिनी सिसिन ती खाङ्‍बी मीतिवाला याङ मङ चुका मेलोक्‍पा मिसिर्वी रो?”

मत्ती 26:39

तमा खो ति चेयी फेचेक फेप्‍नी खवुतुङ्‍मा ज्‍युनी दुक सिनी मोपोर क्‍या नाङ्‍सुङ, “ओ ङे पपा, च्‍युङ थुप्‍सिन दी छेटाङकी कोरा ति ङ नेसुर दोनी नाङ। यिन्‍सिनाङ ङे नोवा दोके मिन, पपी नोवा दोके राङ च्‍युङ्‍शी।”

मत्ती 26:42

येलुङ येशू फेचेक फेप्‍नी, “ओ ङे पपा, दी छेटाङकी कोरा ति ङे माथुवा क्‍यानी दोनी डो मुथुपी सिसिन पपी नोवा दोके राङ च्‍युङ्‍शी।” सिनी मोपोर क्‍यासुङ।

मत्ती 27:44

तमा येशूकी मुला ग्‍यङ्‍शिङला कलुप च्‍याक्‍पातिवी साङ तुक राङ सिनी खोला मारे ताङ्‍सुङ।

यूहन्‍ना 15:10

ङ पपी कला ङ्‍येन्‍नी खोकी ङ्‍यिङ्‍ज्‍येला देतुप दोके ख्‍यिराङ ङे कला ङ्‍येन्‍सुङ सिसिन ङे ङ्‍यिङ्‍ज्‍येला देकिवी।

यूहन्‍ना 15:24

दोजो ङे सी साङ माक्‍यावु लाका ति तिवी पर्ला माक्‍यावु यिन्‍सिन तिवाला दिक्‍पाकी क्‍येन मोफोकुप्‍जा। यिने त याङ तिवी ङे क्‍यावु ती हलेवु लाकातिवा थोङ्‍सुङ, यिन्‍सिनाङ तिवी ङ ताङ ङे पपा ङ्‍यिकरला ङ्‍यिङ्‍मर क्‍यासुङ।

यूहन्‍ना 4:34

तमा येशूकी लोमातिवाला सुङ्‍सुङ, “ङे समा ति ङला तोङ्‍गुप कोन्‍छ्‍योककी नोवाला वोतुप दोके कितुप ताङ खोकी ङला कि ज्‍यितुप लाका तेरी कितुप यिन।

यूहन्‍ना 5:30

“ङ ङरा राङ काङ साङ कि मुथुपी, यिने पपी ङला काङ क नङ वे, ती दोके क्‍यानी ठिम कितिन। ङे कितुप ठिम ति टेङ्‍बु वे, च्‍यिलासिसिन ङ ङे नोवाला मिन, यिने ङला तोङ्‍गुप तीकी नोवाला दोके कितुप तप्‍की यिन।”

यूहन्‍ना 6:38

च्‍यिलासिसिन ङ ति ङे नोवा छे ज्‍यितुपला देवाच्‍येन नेमा वावु मिन, यिने ङला तोङ्‍गुप कोन्‍छ्‍योककी नोवा छे ज्‍यितुपला वावु यिन।

यूहन्‍ना 8:29

ङला तोङ्‍गुप ति ङे मुला ज्‍यु वे। खोकी ङला च्‍यिक राङ क्‍युन माज्‍याक वे, च्‍यिलासिसिन ङ नरी खोला गा लङ्‍गुप लाका कितिन।”

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

फिलिप्पी 2:5

ख्‍यिरा सेम ति येशू ख्रीष्‍टला वोतुप दोके वुङ गोकिवी।

फिलिप्पी 2:8

तमा खोरुङला मो पाप्‍नी शि राङ गोसिनाङ कोन्‍छ्‍योककी कला ङ्‍येन्‍सुङ। तीकी तेन्‍दोक ति ग्‍यङ्‍शिङला कल्‍नी टुङ्‍गुप यिन।