रोमी 15:12 - कोन्छ्‌योककी सुङ

¹² येलुङ कोन्‍छ्‍योककी लुङ्‍तेम्‍बा यशैयाकी दुक सिनी टि वे, “यिशैकी गिपा नेसुर मिरा च्‍यिक फेप्‍नी यहूदी मिन्‍दुप मिरिक यम्‍बाकी मीतिवाला ओङ्‍ज्‍येन क्‍या नङ्‍गिवी, तमा यहूदी मिन्‍दुप मिरिक यम्‍बाकी मीतिवी खोला रेवा किवी।”

रोमी 15:12 Iomraidhean Croise

मत्ती 12:21

तमा तेरी मिरिककी मीतिवा तीकी मिङला रेवा किवी।”

१ कोरिन्‍थी 15:19

दोजो दाक्‍पी ख्रीष्‍टला रेवा क्‍यावु ति दी जम्‍बुलिङला देतुप पेला तिराङ यिन सिसिन दाक्‍पु ति तेरी मी यम्‍बातिवा सिनाङ मङ दुङलला ख्‍येलुप्‍जा।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ यूहन्‍ना 3:3

तमा खो टेङ्‍बु वोतुप दोके, दाक्‍पु खोला रेवा क्‍यानी देतुपतिवा तेरीकी टेङ्‍बु जोनी दे गोकिवी।

ज्‍यल्‍का 22:16

“ङ येशू यिन, ङे राङ दी ताम्‍ङेतिवा चर्चतिवाला पङ्‍बु तेरुपला ङरा लेन क्‍योलुप थुतिवा तिवी ते तङ्‍गुप यिन। ङ ग्‍येल्‍वु दाऊदकी गिपा नेसुर वावु मी यिन, टोपला शरुप वो ग्‍यकुप कर्ज्याङ साङ यिन।”

ज्‍यल्‍का 5:5

तमा ते ग्‍येल्‍ठिकला देन वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीकी पर नेमा मिरा च्‍यिककी ङला “ख्‍युरुङ माङु। ल्‍होसा, यहूदाकी गिपा नेमा ग्‍येल्‍वु दाऊदकी गिपाला क्‍येवु सेङ्‍गी सिरुप मिरा च्‍यिक ग्‍येल वे। खोकी दी लज्‍युर दिनतिवा तोल्‍नी शुकी बिटप बे थुप्‍किवी।” सिनी सिक्‍यासुङ।