रोमी 14:3 - कोन्छ्‌योककी सुङ

³ तुक क्‍यानी सापतिवी मासावुतिवाला मारे मातोङ। मासावुतिवी साङ सापतिवाला क्‍येन मातेर। च्‍यिलासिसिन कोन्‍छ्‍योककी तिवाला पेन नङ्‍गुप यिन।

रोमी 14:3 Iomraidhean Croise

मत्ती 18:10

“ख्‍यिरा दी छ्‍युङातिवी पर्ला च्‍यिकला साङ ङ्‍यप्‍च्‍ये माकिता। ङ ख्‍यिराङला सिरिन, तिवाला ल्‍हाटे कितुप देवाच्‍येनकी लेन क्‍योलुप थुतिवा देवाच्‍येनला ज्‍युनी वोतुप ङे पपी चिप्‍ला देनी खोकी शालला नरी ल्‍हेवी।

मत्ती 9:14

ङ्‍यिम्‍ज्‍यिक बप्‍तिस्‍मा तेरुप यूहन्‍नाकी लोमातिवा येशूकी चाला वानी दुक सिक्‍यासुङ, “ङ्‍यिराङ ताङ फरिसीतिवा नरी नरी ङ्‍युङ्‍ने र्‍हुङ्‍गिवी, यिने ख्‍योरे लोमातिवा ति च्‍यिला ङ्‍युङ्‍ने मुर्‍हुङ्‍गिवी?”

लूका 18:9

खुरुङला राङ टेङ्‍बु यिन सिनी तेन्‍तेन क्‍यानी मी यम्‍बा तेरीला ङ्‍यप्‍च्‍ये कितुपतिवाला येशूकी दी पे ति शेन नाङ्‍सुङ,

लोमा छ्‍येतिवी लाका 10:34

ती थोसिमा पत्रुसकी सिक्‍यासुङ, “त याङ ङे हाक्‍कोसुङ। कोन्‍छ्‍योककी मी ललाइला ल्‍यामु, मी ललाइला मेलोवा मिकिवी, तेरीला च्‍यिक्‍पा राङ किवी।

लोमा छ्‍येतिवी लाका 10:44

पत्रुसकी ती ताम्‍ङे ति सियी वोतुप पेला ते सुङ ङ्‍येन्‍दुपतिवा तेरीकी खला कोन्‍छ्‍योककी थु चाङ्‍मा पाप्‍नी फेप्‍सुङ।

लोमा छ्‍येतिवी लाका 28:2

तमा तेकी मीतिवी ङ्‍यिराङला छासे च्‍यम्‍बा क्‍यासुङ। च्‍यिलासिसिन छ्‍यर्वा ग्‍यप्‍नी ख्‍येवा वोतुप तप्‍की तिवी ङ्‍यिराङला मे तङ बिन्‍नी गासो शुसुङ।

रोमी 11:15

च्‍यिलासिसिन कोन्‍छ्‍योककी यहूदीतिवाला क्‍युर्नी ज्‍याक्‍सिमा जम्‍बुलिङकी मीतिवा कोन्‍छ्‍योककी मुला तम्‍जी ल्‍यामु च्‍युङ्‍गिवी सिसिन, कोन्‍छ्‍योककी तिवाला सेमला लासियाङ मङ तिवाला शेप ने थरुप मिजी मोथोपी रो?

रोमी 14:1

तेपा रम्‍बु मेतुपतिवाला साङ नासाम तङ्‍नी ल्‍यामु की। तिवी ताम्‍ङेला क्‍येन ग्‍यकुप ति माकी।

रोमी 14:10

ख्‍युरुङ च्‍यिला ख्‍योरो अच्‍युनुपतिवाला क्‍येन तेर्किवी? याङ्‍ना ख्‍योरो अच्‍युनुपतिवाला च्‍यिला मो बेप्‍किवी? दाक्‍पु तेरी ङ्‍यिम्‍ज्‍यिक कोन्‍छ्‍योककी ठिम तोङ्‍गुप दासाला थेङ्‍मा यी लाङ राङ गोकिवी।

रोमी 14:13

ती तप्‍की दाक्‍पु तफेन्‍ला च्‍यिककी च्‍यिकला क्‍येन मातेर। बोरु रङगी अच्‍युनुपतिवा युकुप लामला नर्तुक ग्‍यकुप ताम्‍ङे लपुप ताङ तिवाला तोक्‍सा छोकुप ताम्‍ङे मालाप सिनी तेन्‍तेन कितुप।

रोमी 14:15

दोजो ख्‍योरो सोवु समाकी ख्‍योरो अच्‍युनुपकी सेमला मेलोवा जेवी सिसिन ख्‍युरुङ तिवाला ङ्‍यिङ्‍ज्‍ये माक्‍यावु यिन। तुक क्‍यानी ख्‍योरो सोवु समाकी ख्‍योरो अच्‍युनुपतिवाला मेलोवा मातोङ। च्‍यिलासिसिन येशू ख्रीष्‍ट तिवी थोक्‍ला टुङ्‍गुप यिन।

रोमी 14:21

श साप ताङ गुन्‍डुम छ्‍याङ थुङ्‍गुप ताङ यम्‍बा लाका काङ क्‍यासिनाङ ती लाका क्‍यावु तप्‍की मी यम्‍बाला मेलोवा जेवी सिसिन, तुक माक्‍यावु राङ ल्‍यामु यिन।

रोमी 15:7

तुक क्‍यानी येशू ख्रीष्‍टकी कोन्‍छ्‍योकला मोवा कितुप थोक्‍ला ख्‍यिराङला सेमला लावु दोके ख्‍यिरा साङ च्‍यिककी च्‍यिकला सेमला लङ गोकिवी।