रोमी 14:2 - कोन्छ्‌योककी सुङ

² ललाइ मीतिवी साप समातिवा तेरी साप गिवी सिनी तेपा किवी, यिने तेपा रम्‍बु मेतुपतिवा ललाइकी ङोछेलतिवा तिराङ साप गिवी सिनी तेपा किवी।

रोमी 14:2 Iomraidhean Croise

रोमी 14:1

तेपा रम्‍बु मेतुपतिवाला साङ नासाम तङ्‍नी ल्‍यामु की। तिवी ताम्‍ङेला क्‍येन ग्‍यकुप ति माकी।

रोमी 14:14

चोवो येशूला तेपा क्‍यावु तप्‍की दी ताम्‍ङे ति ङला तेन्‍तेन वे। साप समा ति चुका तिङ मेचेङ्‍गा मेवी, यिने चुका तीकी तीला मेचेङ्‍गा यिन सिनी नासाम तोङ्‍गिवे, तीकी थोक्‍ला मेचेङ्‍गा राङ डिवी।

रोमी 14:20

साप समी थोक्‍ला कोन्‍छ्‍योककी क्‍या नङ्‍गुप लाकाला ना मातोङ। साप समातिवा तेरी चेङ्‍गा राङ यिन। यिने चुका समा सोसिमा मी यम्‍बाला मेलोवा जेवे, ती समा साप ति मेलोवा यिन।

रोमी 15:1

दाक्‍पु तेपा रम्‍बु वोतुपतिवी तेपा रम्‍बु मेतुपतिवी नोरुप लाका क्‍यासिनाङ तिवाला हम क्‍यानी दे गोकिवी। दाक्‍पु तिराङ गा कितुप लाका माकी।

१ कोरिन्‍थी 10:25

श चोङ्‍गुप दासाला गल्‍नी श ङ्‍योप पेला ख्‍योरो सेम लोदिवुला ती श ति कुला पुलुप यिनाङ मिन सिनी काङ साङ माटिवा क्‍यानी ङ्‍योनी सोवा। तुक क्‍यासिन ख्‍योरो सेम ति लो दिकिवी।

१ कोरिन्‍थी 8:9

तुक क्‍यानी ख्‍यिराङ च्‍याङ्‍से देता, ख्‍यिराङ तेपा रम्‍बु वोतुपतिवी काङ सोसिनाङ गिवी, यिने ख्‍यिरा जोसालेन्‍सिन तेपा रम्‍बु मेतुपतिवा दिक्‍पाला ख्‍येल्‍गिवी।

१ कोरिन्‍थी 9:22

तमा तेपा रम्‍बु मेतुपतिवाला ख्रीष्‍टला तेपा कि ज्‍यितुपला ङ साङ तेपा मेतुपतिवा दोके राङ च्‍युङ्‍यिन। मी ललाइ ललाइला ख्रीष्‍टला तेपा कि ज्‍यितुपला ङ ति नम्‍बा तेरीकी मीतिवा दोके राङ च्‍युङ्‍यिन।

गलाती 2:12

ते याकूबकी तङ्‍गुप यहूदी दाल्‍जातिवा वुङ्‍गुप गोमाला पत्रुस ति यहूदी मिन्‍दुप मिरिक यम्‍बाकी मीतिवी मुला देनी साप थुङ्‍गुप क्‍यानोक। यिने तिवा ते वासिमा तीकी तिवी मुला साप थुङ्‍गुप क्‍युर ज्‍याक्‍नी गाल्‍सुङ। च्‍यिलासिसिन ती ति यहूदी च्‍येतुप लुक्‍सु तेन्‍दुपतिवी मुला ज्‍यिवा किनोक।

१ तिमोथी 4:4

कोन्‍छ्‍योककी ज्‍येवु तेरी च्‍यालकतिवा ल्‍यामु वे। तुक क्‍यानी थुचिछे पुल्‍नी सोसिन साप मेवी सिनी सि मोगोवी।

तीतस 1:15

मी टेङ्‍बुतिवाला ताम्‍ङे तेरी टेङ्‍बु राङ गिवी, यिने मी मेटेङ्‍बु ताङ तेपा मिकिवुतिवाला ति तेरी ताम्‍ङे मेटेङ्‍बु तिराङ गिवी। तिवी सेम ताङ नासाम साङ मेलोक्‍पा गिवी।

हिब्रू 13:9

ख्‍यिराङ नम्‍बा कुतुककी येन्‍देन मेटेङ्‍बुला मेख्‍येल्‍शी। साप थुङ्‍गुप लुक्‍सुतिवा तेन्‍नी मिन, यिने कोन्‍छ्‍योककी कटिन नेमा ख्‍यिरा सेम रम्‍बु च्‍युङ्‍गुप ति ल्‍यामु यिन। तुका लुक्‍सुतिवा तेन्‍नी ख्‍यिराङला काङ साङ ख्‍येप्‍साङ मेवी।

हिब्रू 9:10

ती बुल्‍वा ताङ जिन्‍बा पुलुप ति साप थुङ्‍गुप ताङ नम्‍बा कुतुक कुतुककी चाङ्‍मा जोप ठिमतिवा तेन्‍दुप दोके तिराङ यिन। ती ठिमतिवा ति कोन्‍छ्‍योककी नङ्‍गुप यम्‍बा ठिम सम्‍बा माफोवा सेककी थोक्‍ला बिन्‍दुप क तिराङ यिन।