रोमी 13:7 - कोन्छ्‌योककी सुङ

⁷ ती तप्‍की ख्‍यिरा ते गोवु काङ रे च्‍यिक रे वोसिन ते। ते गोवु सेतिवा ते। ज्‍यिवा कि गोवुतिवाला ज्‍यिवा की। ताङ्‍देन कि गोवुतिवाला ताङ्‍देन की।

रोमी 13:7 Iomraidhean Croise

मत्ती 17:25

तमा पत्रुसकी “यिन, खोकी तेकिवी।” सिनी सिक्‍यासुङ। पत्रुस खाङ्‍बा शुनी ती ताम्‍ङे कितुप सिनाङ गोमाला राङ येशूकी तीला “सिमोन, ख्‍योरो नासामला चुकै वे? जम्‍बुलिङकी ग्‍येल्‍वुतिवी सु नेसुर से दुकिवी? खोरो पुज्‍युङतिवा नेसुर दुकिवी ताङ की, मी यम्‍बातिवा नेसुर दुकिवी?” सिनी सुङ्‍सुङ।

मत्ती 22:21

येशूकी तुक सुङ्‍सिमा तिवी “कैसरकी ति यिन।” सिनी सिक्‍यासुङ। तमा येशूकी तिवाला सुङ्‍सुङ, “तुकै यिन्‍सिन कैसरकी ति कैसरला ते, कोन्‍छ्‍योककी ति कोन्‍छ्‍योकला राङ पुल।”

मर्कूस 12:17

येशूकी तिवाला सुङ्‍सुङ, “कैसरकी ति कैसरला ते, तमा कोन्‍छ्‍योककी ति कोन्‍छ्‍योकला पुल।” खोकी दुक सुङ्‍गुप थोनी तिवा हलेवा क्‍यासुङ।

लूका 20:22

ङ्‍यिरा रोमी ग्‍येल्‍वु कैसरला से तेतुप ति दाक्‍पी ठिमला डिकी ताङ मिडिकिवी?”

लूका 20:25

तमा येशूकी तिवाला सुङ्‍सुङ, “तुकै यिन्‍सिन कैसरकी ति कैसरला राङ ते, कोन्‍छ्‍योककी ति कोन्‍छ्‍योकला राङ पुल।”

लूका 23:2

तमा तिवी खोकी तेन्‍दोकला दुक सिनी क्‍येन ग्‍यप्‍सुङ, “दी मी तीकी याङ ङ्‍यिरा मिरिककी मीतिवाला लुतिन नोक, रोमी ग्‍येल्‍वुला से तेतुप मेङ्‍गिवी सिनोक, तमा खोरुङ ति ग्‍येल्‍वु ख्रीष्‍ट यिन सिनोक।”

रोमी 12:10

च्‍यिककी च्‍यिकला अच्‍युनुप दोके क्‍यानी ङ्‍यिङ्‍ज्‍ये की। रङला सिनाङ मी यम्‍बाला मङ ताङ्‍देन की।

रोमी 13:6

ती तप्‍की ख्‍यिरा तिवाला से ते गोकिवी, च्‍यिलासिसिन तिवा तीकी थोक्‍ला नरी कोन्‍छ्‍योकला शब्‍ज्‍यी कितुप मीतिवा यिन।

एफिसी 5:33

काङ यिन्‍सिनाङ ख्‍यिराङ तेरीकी दाक दाक्‍पी पेर्मीला रङला दोके ङ्‍यिङ्‍ज्‍ये किशी, पेर्मीतिवी साङ रङगी ख्‍योवाला ताङ्‍देन किशी।

एफिसी 6:5

ख्‍यिराङ योक्‍पुतिवा, ख्रीष्‍टला ताङ्‍देन क्‍यावु दोके दी जम्‍बुलिङकी ख्‍यिरा ज्‍यिन्‍दाकतिवी सिक्‍यावु ताम्‍ङे ति ज्‍यिवा क्‍यानी र्‍हुकिन सिरा सेमगी दिङ नेज्‍युनी की।

१ तिमोथी 5:13

तोजो तिराङ मिन, तिवा खाङ्‍बा खाङ्‍बाला युकुप ताङ छेरा कितुप ताङ ताम्‍ङे क्‍योलुप ताङ मी लाकाला लाक्‍पा जिम्‍बुप ताङ लप मोगोवु ताम्‍ङेतिवा लपुप डिवी।

१ तिमोथी 5:17

चर्चला ल्हाटे क्‍यानी गोमा कितुप मीतिवाला तेरीकी दोम्‍बा ङ्‍यी ताङ्‍देन कि गोकिवी। खक्‍छ्‍येवुला कोन्‍छ्‍योककी सुङ ख्‍याप्‍टाक कितुप ताङ लोपुप मीतिवाला मङ ताङ्‍देन की।

१ तिमोथी 6:1

तेपा कितुप योक्‍पुला देतुपतिवा तेरीकी दाक दाक्‍पी ज्‍यिन्‍दाकला ताङ्‍देन की। तुक क्‍यासिन सी साङ कोन्‍छ्‍योककी मिङ ताङ दाक्‍पी बिन्‍दुप येन्‍देनला मारे मोतोङ्‍गिवी।

१ पत्रुस 3:7

तुक राङ क्‍यानी ख्‍योवातिवी साङ रङगी पेर्मी ति रम्‍बु मेतुप यिन सिमाक्‍यानी तिवाला ताङ्‍देन क्‍यानी मुला राङ मिजी क्‍योङ, च्‍यिलासिसिन ख्‍योवा ताङ पेर्मी ति कोन्‍छ्‍योककी कटिन नङ्‍गुप मिजी मुला राङ क्‍योङ्‍गुपला जो नङ्‍गुप यिन। तुक क्‍यासिन ख्‍यिराङ मोपोर कितुप पेला ख्‍यिराङला कले मेङ्‍शी।