रोमी 13:12 - कोन्छ्‌योककी सुङ

¹² त याङ नुप गल सिन्‍नी नाम लङ्‍गुप छाल्‍सुङ। तुक क्‍यानी दाक्‍पु नक्‍तोमीला कितुप लाका दुक्‍टा क्‍युर्नी ठछ्‍येलीला लाका टेङ्‍बु कितुपला कोन्‍छ्‍योककी नङ्‍गुप लाक्‍च्‍ये खुर्नी यु।

रोमी 13:12 Iomraidhean Croise

रोमी 13:14

यिने ख्‍यिराङ काङ क्‍यासिनाङ चोवो येशू ख्रीष्‍टकी दोके की, तमा दिक्‍पा कितुप जुकी किताङ नालुला वोतुप नासाम मेलोवा मातोङ।

१ कोरिन्‍थी 10:11

तिवाला तुकै च्‍युङ्‍गुप ति दाक्‍पी थोक्‍ला येन्‍देन तेरुपला यिन। तमा ती ताम्‍ङेतिवा कोन्‍छ्‍योककी सुङला टिवु ति दाक्‍पुला च्‍याङ्‍से दे ज्‍यितुपला यिन। च्‍यिलासिसिन त याङ जम्‍बुलिङ ना डोप तुजे छे वे।

१ कोरिन्‍थी 7:29

अच्‍युनुपतिवा, ङे सिक्‍यावु ताम्‍ङे ति दी राङ यिन। तिङ्‍मी तुजे वा वे। तफेन्‍ला पेर्मी वोतुपतिवा पेर्मी मेतुप दोके क्‍यानी कोन्‍छ्‍योककी थोक्‍ला शब्‍ज्‍यी पुल्‍नी दे।

२ कोरिन्थी 10:4

ङ्‍यिरा थमु ग्‍यकुप लक्‍च्‍येतिवा ति दी जम्‍बुलिङकी दोके मिन, यिने कोन्‍छ्‍योककी ङार यिन। तीकी कोन्‍छ्‍योककी तेन्‍दोकला लङ्‍गुप दुक्‍टाकी ओङ्‍ज्‍येनतिवा तेरी ना तोङ्‍गिवी, तमा तेन्‍दोक मेतुप खाँदा लोङ्‍गुप ताम्‍ङेतिवा साङ ना तोङ्‍गिवी।

२ कोरिन्थी 6:7

सुङ टेङ्‍बु तेरुप ताङ कोन्‍छ्‍योककी नङ्‍गुप ङारला ती लाका तेरी किवी। सु ताङ मुला थमु ग्‍यक गोसिनाङ ङ्‍यिरा टेङ्‍बु वोतुप लक्‍च्‍ये थ्‍वोनी

एफिसी 4:22

तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

एफिसी 5:11

नक्‍तोमी वुङगी तेर्मे वोतुप लाकातिवाला माशुक, बोरु तुका लाका ति मेलोक्‍पा यिन सिनी छ्‌या तेन।

एफिसी 5:8

च्‍यिलासिसिन तोङ्‍ला कोन्‍छ्‌योकला ङो माशेवु पेला ख्‍यिराङ नकतोमीला युवु यिन, त याङ ख्‍यिराङला खोकी ठछ्‍येली जो नाङ्‍सुङ। तुक क्‍यानी ख्‍यिराङ ठछ्‍येलीला युसा।

हिब्रू 10:25

मी ललाइकी मुला राङ जोम्‍नी डिक्‍जोम कितुप क्‍युर्किवी, यिने दाक्‍पु ति डिक्‍जोम कितुप क्‍युर्नी मोज्‍योक। यिने चोवो फेपुप तुजे चिप्‍ला राङ वावु ति हाक्‍कोवा क्‍यानी च्‍यिककी च्‍यिकला मङ तेपा रम्‍बु जोपला टोङ्‍गु तेरुप।

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

याकूब 5:8

ती दोके क्‍यानी ख्‍यिराङ सेम थिला ज्‍याक्‍नी चोवो फेवु तुजेकी थोक्‍ला हम क्‍यानी गुनी देता, च्‍यिलासिसिन चोवो ङमु राङ फेप्‍कितो।

१ पत्रुस 2:1

तुक क्‍यानी ख्‍यिराङ लाका दुक्‍टा कितुप ताङ जिनोक जोप ताङ खोनक्‍पु कितुप ताङ ठतोक ङर्केल कितुप ताङ मीला मारे तोङ्‍गुप ताम्‍ङे तेरी क्‍युर।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

२ पत्रुस 3:11

दी तेरी च्‍यालकतिवा ना डिवी सिरुप हाक्‍कोनी ख्‍यिरा मिजी ति चुक क्‍यानी टेङ्‍बु ताङ कोन्‍छ्‍योककी सुङला युक गोकिवी सिरुप ति नासाम तोङ।

२ पत्रुस 3:9

चोवोकी थाक्‍छ्‍येन नङ्‍गुप सुङ ति फिमु क्‍या नङ्‍गिवी सिनी ललाइकी सिक्‍यासिनाङ खो नाम्‍साङ फिमु मिकिवी। यिने मी सु साङ ना मोडोशी, तेरी मीतिवी सेम ग्‍युर्शी सिनी ख्‍यिरा थोक्‍ला खो हम क्‍यानी ज्‍युवु यिन।

१ यूहन्‍ना 2:18

आङातिवा, जम्‍बुलिङ ना डोप तुजे ति तन्‍दा राङ यिन। ख्रीष्‍टकी तेन्‍दोकला लङ्‍गुप ति वुङ्‍यिन वे सिरुप ति ख्‍यिरा साङ थोनी वे। तिवा ति तन्‍दा राङ बङी वा वे। तुक क्‍यानी जम्‍बुलिङ ना डोप तिङ्‍मी तुजे ति दी राङ यिन सिनी ख्‍यिरा हाक्‍कोकिवी।

ज्‍यल्‍का 1:3

मीतिवाला दी थेपकी नाङ्‍ला वोतुप कोन्‍छ्‍योककी लुङ्‍तेम्‍बाकी सुङतिवा रानी तेरुप मी ताङ दी सुङतिवा ङ्‍येन्‍दुप मीतिवा ताङ ती सुङला सिक्‍यावु दोके क्‍यानी मिजी क्‍योङ्‍गुप मीतिवाला मोलाम थोपुप यिनो। च्‍यिलासिसिन दी थेप नाङ्‍ला वोतुप ताम्‍ङेकी तुजे ति ङमु राङ छेकिवी।

ज्‍यल्‍का 22:10

येलुङ तीकी ङला दुक साङ सिक्‍यासुङ, “दी थेप नाङ्‍ला वोतुप नम्‍दर शेतुप सुङ ति बानी माज्‍योक। च्‍यिलासिसिन त याङ तुजे वानी साङ वे।