रोमी 13:10 - कोन्छ्‌योककी सुङ

¹⁰ ख्‍योरो सेमला ङ्‍यिङ्‍ज्‍ये वोसिन ख्‍योरो युल्‍वातिवाला साङ मेलोवा मिकिवी। ती तप्‍की ङ्‍यिङ्‍ज्‍ये कितुप ति ठिमला वोतुप कतिवा तेरी छे ज्‍यितुप यिन।

रोमी 13:10 Iomraidhean Croise

मत्ती 7:12

मी यम्‍बी ख्‍यिराङला चुकै किशी सिरुप नो किवे, तुकै राङ ख्‍यिरा तिवाला की। दी ति मोशाकी ठिम ताङ कोन्‍छ्‍योककी लुङ्‍तेम्‍बातिवी बिन्‍दुप खक्‍छ्‍येवु येन्‍देन यिन।”

यूहन्‍ना 13:34

ङ ख्‍यिराङला क सम्‍बा यी तेरिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की। ङे ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

रोमी 13:8

ख्‍यिराङ च्‍यिककी च्‍यिकला ङ्‍यिङ्‍ज्‍ये कितुप ति मिसिन यम्‍बा सी मुला साङ छ्‍यावा मालाङ। च्‍यिककी च्‍यिकला ङ्‍यिङ्‍ज्‍ये कितुप ति मोशाकी ठिमला वोतुप कला सिक्‍यावु तेरी छे ज्‍यितुप यिन।

गलाती 5:14

तेरी ठिमतिवा ति क च्‍यिककी नाङ्‍ला वे, ती ति रङगी युल्‍वातिवाला खुरुङला दोके ङ्‍यिङ्‍ज्‍ये कितुप यिन।

याकूब 2:8

कोन्‍छ्‍योककी सुङला साङ “खोरो युल्‍वातिवाला रङला दोके ङ्‍यिङ्‍ज्‍ये की।” सिनी टि वे। वुतुङ के ख्‍यिरा ती कोन्‍छ्‍योककी सुङला वोतुप खक्‍छ्‍येवु कला ङ्‍येन्‍सुङ सिसिन ख्‍यिरा ल्‍यामु राङ क्‍यावु यिन।