रोमी 13:1 - कोन्छ्‌योककी सुङ

¹ तेरी मीतिवा लुङ्‍बाकी ओङ्‍ज्‍येन कितुपतिवी ओङला देशी। च्‍यिलासिसिन कोन्‍छ्‍योक नेमा वावु ओङ्‍ज्‍येन मिसिन यम्‍बा सी साङ ओङ्‍ज्‍येन कितुप मेङ्‍येवी। तिवा कोन्‍छ्‍योककी राङ पेन नङ्‍गुप यिन।

रोमी 13:1 Iomraidhean Croise

मत्ती 6:13

ङ्‍यिराङला शैतानकी खोक्‍पा ल्‍हापला ख्‍येल माज्‍यी, यिने दुक्‍टा नेसुर र्‍होक्‍टे की। ग्‍येल्‍खाप ताङ ङार ताङ मोवा ति नरी पपा कोन्‍छ्‍योककी ति यिन। आमिन।’

यूहन्‍ना 19:11

तमा येशूकी पिलातसला “दोजो कोन्‍छ्‍योककी दुक कितुप ओङ ख्‍युरुङला मानाङ्‍सुङ सिसिन ख्‍योरो ङला काङ साङ कि मुथुपुप्‍जा। तुक क्‍यानी ङला ख्‍योरो लकला चेक तेतुप मी तीला मङ दिक्‍पाकी क्‍येन फोकिवी।” सिनी सुङ्‍सुङ।

लोमा छ्‍येतिवी लाका 2:41

तमा सु सुकी पत्रुसकी सिक्‍यावु सुङ थोवे, तिवी बप्‍तिस्‍मा लासुङ। ती छेर्मु तो मिसिन मी तोङ्‍डा सुम चोयी तिवी दला शुसुङ।

रोमी 12:21

दुक्‍टाकी ख्‍योरो खला ग्‍येल माज्‍यी, यिने ख्‍यिराङ लाका ल्‍यामु क्‍यानी दुक्‍टाकी खला ग्‍येला की।

रोमी 13:2

तुक क्‍यानी लुङ्‍बाला ओङ्‍ज्‍येन कितुपतिवी तेन्‍दोकला लङ्‍गुप तीकी कोन्‍छ्‍योककी पेतुप मीतिवी तेन्‍दोकला लङ्‍गुप यिन। तिवाला कोन्‍छ्‍योककी पर्च्या तोङ्‍गिवी।

एफिसी 5:21

येशू ख्रीष्‍टला ताङ्‍देन क्‍यानी च्‍यिक ताङ च्‍यिककी ओङला देता।

१ तिमोथी 2:2

तमा ग्‍येल्‍वुतिवा ताङ ग्‍येल्‍वी ओङला लाका कितुप मी छ्‍येतिवा तेरीकी थोक्‍ला साङ मोपोर की। तुक क्‍यासिन दाक्‍पु लोदिमु क्‍यानी कोन्‍छ्‍योकला सोवा देकुप ताङ ल्‍यामु वोतुप मिजी क्‍योङ थुप्‍शी।

तीतस 3:1

ओङ्‍ज्‍येन कितुपतिवा ताङ मी छ्‍येतिवी ओङला देनी तिवी खला ङ्‍येन्‍दुप ताङ लाका टेङ्‍बु कितुपला नाम्‍साङ तिङ माछे सिनी मीतिवाला टोङ्‍गु बिन।

यहूदा 1:8

तुक राङ क्‍यानी तिवी साङ मिलाम थोङ्‍नी खोप्‍रे जु ति मेटेङ्‍बु जेवी, तमा चोवोकी ओङ्‍ज्‍येनला साङ मेङ्‍येन्‍दिवी, देवाच्‍येनकी लेन क्‍योलुप थुतिवाला साङ मारे तोङ्‍गिवी।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 19:16

खोकी मज्‍या ताङ खोकी फिली लोला “ग्‍येल्‍वी खकी ग्‍येल्‍वु” ताङ “चोवो खकी चोवो” सिरुप मिङ टि वे।