रोमी 12:9 - कोन्छ्‌योककी सुङ

⁹ ख्‍यिराङ मी यम्‍बाला ङ्‍यिङ्‍ज्‍ये कितुप ति मीला छ्‍या देन्‍दुपला तिराङ माकी। चुका ति दुक्‍टा नोके तीला ति ङ्‍यिङ्‍मर की, चुका ति ल्‍यामु नोके तीला राङ शु।

रोमी 12:9 Iomraidhean Croise

मत्ती 26:49

ते लेप्‍सिमा यहूदा ति शार्क्येक येशूकी चाला गल्‍नी खोला “टसी देलेक, गेकेन!” सिनी पुका क्‍यासुङ।

यूहन्‍ना 12:6

तीकी तुक सिक्‍यावु ति पेराङ्‍बुतिवाला नासाम ताङ्‍नी सिक्‍यावु मिन, यिने खोरुङ राङ कुर्मेन यिन्‍दुप तप्‍की यिन। ती ति टङ्‍गा ज्‍योकुप मी यिन्‍सिनाङ तीकी पर्चिक पर्चिक टङ्‍गा ज्‍योकुप छयी नङ नेसुर खोरो थोक्‍ला टङ्‍गा थेन्‍गिनोक।

लोमा छ्‍येतिवी लाका 11:23

बारनाबास ते लेप्‍सिमा तेकी मीतिवाला कोन्‍छ्‍योककी कटिन थोपुप थोङ्‍नी गा क्‍यासुङ। तमा सेमगी दिङ नेज्‍युनी चोवो येशूला तेपा रम्‍बु क्‍यानी दे गोकितो सिनी तिवाला टोङ्‍गु बिन्‍सुङ।

२ कोरिन्थी 6:6

ङ्‍यिराङ टेङ्‍बु ताङ कोन्‍छ्‍योककी नङ्‍गुप रिक्‍पा ताङ हम क्‍या देतुप ताङ च्‍यम्‍बा ताङ कोन्‍छ्‍योककी थु चाङ्‍मा नेमा वावु ओङ ताङ ङ्‍यिङ्‍ज्‍ये टेङ्‍बु ताङ

२ कोरिन्थी 8:8

दी ताम्‍ङे ति ङे ख्‍यिराङला क तेरुपला सिक्‍यावु मिन। यिने मी यम्‍बी सेम्‍बा सेमगी दाल्‍जा कितुप लाकाला चो ङ्‍यम्‍ले क्‍यासुङ ती ति ख्‍यिराङला सिक्‍यानी ख्‍यिरा ङ्‍यिङ्‍ज्‍ये क्‍यावु ति टेङ्‍बु यिनोक मिनोक हाक्‍कोवुला सिक्‍यावु यिन।

१ थेसलोनिकी 2:3

ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु ति ङ्‍यिरा नासाम मेलोवा ताङ्‍नी क्‍यावु मिन, सेम मेटेङ्‍बु क्‍यानी क्‍यावु साङ मिन, ताम्‍ङे जोनी ख्‍यिराङला केन्‍दुपला साङ मिन।

१ थेसलोनिकी 5:15

ख्‍यिराङ सी साङ मेलोक्‍पाकी थोक्‍ला मेलोक्‍पा माकी, यिने च्‍यिककी च्‍यिकला ताङ तेरीला ल्‍यामु कितुप नासाम तोङा।

१ थेसलोनिकी 5:21

तेरी ताम्‍ङेतिवा ल्‍यामु वोतुप मेतुप ल्‍होसा। तमा चुका ताम्‍ङे ति ल्‍यामु नोके, तीला राङ युसा।

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

हिब्रू 1:9

चोवोकी ताम्‍ङे टेङ्‍बुला सेमला डिवी, ताम्‍ङे मेटेङ्‍बुला ङ्‍यिङ्‍मर क्‍या नङ्‍गिवी। तुक क्‍यानी कोन्‍छ्‍योक, कोन्‍छ्‍योककी चोवोला पेनी चोवोकी दाल्‍जातिवाला सिनाङ मङ गा ताङ ताङ्‍देन क्‍या नाङ्‍सुङ।”

हिब्रू 12:14

तेरी मीतिवी मुला लोदिमु क्‍यानी थिन्‍नी दे थुपा की, तमा टेङ्‍बु क्‍यानी मिजी क्‍योङ थुपा की। टेङ्‍बु मेसिन सी साङ कोन्‍छ्‍योकला मोथोङ्‍गिवी।

याकूब 3:17

यिने देवाच्‍येन नेमा वावु रिक्‍पा ति गोमाला टेङ्‍बु वोतुप ताङ तिङ्‍ला लोदिमु वोतुप ताङ सेम बोल्‍मु ताङ मी यम्‍बी सिक्‍यावु ताम्‍ङेला ङ्‍येन्‍दुप ताङ च्‍यम्‍बा वोतुप ताङ डेलु ल्‍यामु गरुप दोङ्‍बु दोके मिजी ल्‍यामु क्‍योङ्‍गुप गिवी। यम्‍बा देवाच्‍येन नेमा वावु रिक्‍पा ति ललाइला ल्‍यामु ललाइला मेलोवा मिकिवु ताङ खोनक्‍पा मेतुप गिवी।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 4:8

ख्‍यिराङ तेरी सिनाङ मङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ङ्‍यिङ्‍ज्‍येकी राङ दिक्‍पातिवा बङी ताकिवी।