रोमी 12:5 - कोन्छ्‌योककी सुङ

⁵ ती दोके दाक्‍पु बङी वोसिनाङ ख्रीष्‍ट ताङ मुला च्‍यिक्‍पा राङ जोवु तप्‍की जु ति च्‍यिक राङ यिन। तमा दाक्‍पु रे रे च्‍यिक ताङ च्‍यिककी येन्‍लकतिवा यिन।

रोमी 12:5 Iomraidhean Croise

यूहन्‍ना 17:11

ङ याङ जम्‍बुलिङला अला मुलुवी, यिने दिवा याङ जम्‍बुलिङला लुकिवी। त याङ ङ पपी ते वुङ्‍यिन वे। ओ चाङ्‍मा वोतुप पपा, पपी ङला नङ्‍गुप ङार वोतुप मिङ नेमा तिवाला र्‍होक्‍टे क्‍यानी पपा ताङ ङ च्‍यिक राङ वोतुप दोके तिवा साङ च्‍यिक राङ च्‍युङ्‍शी।

रोमी 12:4

दाक्‍पी जुला येन्‍लकतिवा बङी वोसिनाङ तेरी येन्‍लकतिवी ति लाका कुतुक कुतुक गिवी।

१ कोरिन्‍थी 10:17

दाक्‍पु बङी वोसिनाङ दाक्‍पी साप शुब्‍ज्‍याङ ति च्‍यिक राङ वोतुप तप्‍की दाक्‍पी जु ति च्‍यिक राङ यिन। च्‍यिलासिसिन दाक्‍पु तेरीकी शुब्‍ज्‍याङ च्‍यिक नेसुर मुला राङ सेवी।

१ कोरिन्‍थी 10:33

तुक राङ क्‍यानी ङे साङ काङ क्‍यासिनाङ मी तेरीला सेम गा लोङ्‍गुप नो क्‍यायी। ङ ङरा थोक्‍ला तिराङ मिन, यिने मी तेरीला ल्‍यामु च्‍युङ्‍शी सिरुप नो कितिन। तुक क्‍यानी ती मीतिवा साङ दिक्‍पा ने थर्शी।

१ कोरिन्‍थी 12:20

तुक क्‍यानी जुला येन्‍लकतिवा बङी वोसिनाङ जु ति च्‍यिक राङ यिन।

१ कोरिन्‍थी 6:15

ख्‍यिरा जु ति चोवो येशू ख्रीष्‍टकी येन्‍लक यिन सिरुप ति ख्‍यिराङला छ्‍या मे? काङ ङ ति खोकी जु ति छ्‍येमुतिवी मुला शम्‍डेन कितुप जोप्‍जा? मिन, तुकै नाम्‍साङ कितुप मेङ्‍गिवी।

एफिसी 1:23

चर्च ति ख्रीष्‍टकी जु यिन, ती चर्चला ख्रीष्‍टकी तेरी छेङ्‍मा जो नङ्‍गिवी।

एफिसी 4:12

खोकी तुक क्‍या नङ्‍गुप ति तिवा तेरीकी खोकी लाका ल्‍यामो कितुप जोनी ख्रीष्‍टकी जु यिन्‍दुप चर्च ति येर फर्शी सिनी यिन।

एफिसी 4:25

तुक क्‍यानी ख्‍यिराङ जिनोक जोप क्‍युर्नी रङगी मीतिवी मुला ताम्‍ङे टेङ्‍बु लोप। च्‍यिलासिसिन दाक्‍पु तेरी जु च्‍यिककी येन्‍लकतिवा यिन।

एफिसी 5:23

च्‍यिलासिसिन ख्रीष्‍ट ति चर्चकी गो यिन्‍दुप दोके पेर्मीकी गो ति ख्‍योवा यिन। तमा चर्च ति ख्रीष्‍टकी जु यिन, खो ति चर्चला थर ज्‍यितुप यिन।

एफिसी 5:30

च्‍यिलासिसिन दाक्‍पु ति खोकी जुकी येन्‍लक यिन।

कलस्सी 1:24

त याङ ङ ख्‍यिरा थोक्‍ला दुक्‍पा खुरुपला गा कितिन। तमा ख्रीष्‍टकी जु यिन्‍दुप चर्चकी थोक्‍ला खुर गोवु दुक्‍पा ताङ छेटाङ ति ङे जुला खुर्नी तेरी कितिन।

कलस्सी 2:19

तमा ख्रीष्‍ट ताङ मुला तम्‍जी माजोनी कुतुक देकिवी। यिने ख्रीष्‍टकी ओङला देसिन तीकी तेरी जु ति थिन्‍जाम ताङ चतिवा टेक टेक थिनी ख्रीष्‍टकी ङार नेसुर कोन्‍छ्‍योककी नोवाला वोतुप दोके फेलिन डिवी।