रोमी 12:3 - कोन्छ्‌योककी सुङ

³ कोन्‍छ्‍योककी ङला नङ्‍गुप कटिन नेसुर ङ ख्‍यिराङ रे रेला ठाकुरे सिनी गोङ्‍बा शोयी। ख्‍यिराङ छ्‍युङा यिन्‍सिनाङ, खुरुङ राङ छ्‍ये यिन सिनी सु साङ नासाम मातोङ। यिने कोन्‍छ्‍योककी ख्‍यिराङला चो तेपा नङ वे, ती ति ल्‍यामो हाक्‍कोनी ती दोके मिजी क्‍योङ।

रोमी 12:3 Iomraidhean Croise

लूका 18:11

तमा फरिसी ति खोक लानी सेमला दुक सिनी मोपोर क्‍यासुङ, ‘कोन्‍छ्‍योक, ङ थुचिछे बुलिन। ङ याङ मी यम्‍बी ति ठोकुप ताङ जिनोक जोप ताङ शम्‍डेन कितुप मी दोके मे, दी से दुतुप दोके साङ मे।

यूहन्‍ना 3:34

कोन्‍छ्‍योककी तङ्‍गुप तीकी कोन्‍छ्‍योककी सुङ लप्‍किवी, च्‍यिलासिसिन कोन्‍छ्‍योककी तीला खोकी थु चाङ्‍मा छासे मङ्‍मु नङ्‍गुप तप्‍की यिन।

रोमी 1:5

यहूदी मिन्‍दुप मिरिक यम्‍बाकी मीतिवी येशूला तेपा क्‍यानी खोकी सुङला ङ्‍येन्‍शी सिनी ङला खो नेमा कटिन ङ्‍येनी खोला शब्‍ज्‍यी कितुपला खोकी लोमा छ्‍ये च्‍युङ्‍गुप यिन।

रोमी 11:20

ती ताम्‍ङे ति टेङ्‍बु राङ यिन। यहूदीतिवी तेपा माक्‍यावु तप्‍की वुतुङ्‍की जैतुन दोङ्‍बी येल्‍कातिवा च्‍येतुप दोके गलुप यिन। यिने ख्‍यिराङ ति तेपा क्‍यावु तप्‍की वुतुङ्‍की जैतुन दोङ्‍बुला थितुप दोके यिन। तुक क्‍यानी ख्‍यिराङ ङराङ यिन सिनी अम्‍बारङ्‍शिङ माकी, यिने ज्‍यिवा क्‍यानी दे।

रोमी 11:25

अच्‍युनुपतिवा, ख्‍यिराङ अम्‍बारङ्‍शिङ क्‍यानी खुरुङ राङ रिक्‍पा वोतुप यिन सिनी नो मिकिशी सिनी इस्राएलकी मीतिवी कोर्ला छ्‍याकला वोतुप कोन्‍छ्‍योककी नोवा ति ङ ख्‍यिराङला सिरिन। ती ति काङ यिन सिसिन, कोन्‍छ्‍योककी पेतुप यहूदी मिन्‍दुप मिरिक यम्‍बाकी मीतिवा अङ्‌टङ तेरी माछेवा सेक्‍ला इस्राएलकी मीतिवी नाङ्‍ला चेयीकी सेम ति क्‍योङ्‍बु डिवी।

रोमी 12:16

तेरीकी मुला सेम च्‍यिक राङ जोनी थिन्‍नी दे, अम्‍बारङ्‍शिङ माकी, यिने मी ङ्‍याम्‍छ्‍युङतिवी दला शु। नाम्‍साङ ङ राङ येन्‍देन वोतुप यिन सिनी नो माकी।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

१ कोरिन्‍थी 3:10

कोन्‍छ्‍योककी ङला नङ्‍गुप कटिनकी राङ ङ ति खाङ्‍बा जोप मी खामु दोके डम्‍ज्‍यी तिङ्‍यिन। तमा यम्‍बातिवी ती डम्‍ज्‍यी खला खाङ्‍बा जेवी। तमा खाङ्‍बा जोपतिवी चुक क्‍यानी जो गोकिवी सिनी नासाम ल्‍यामु तोङ गोकिवी।

१ कोरिन्‍थी 7:17

चोवो येशूकी मीतिवा रे रेला चुकै लाका नङ वे, कङगी थोक्‍ला कताङ नङ वे, ती दोके राङ मिजी क्‍योङ्‍शी। दी ति तेरी चर्चतिवाला ङे लापुप येन्‍देन यिन।

२ कोरिन्थी 10:13

यिने ङ्‍यिराङ याङ ङ्‍यिरा सि गोवु ताम्‍ङेला मिसिन पङगी ताम्‍ङेला तेके मिकिवी। कोन्‍छ्‍योककी ङ्‍यिराङला चो सेक ओङ्‍ज्‍येन नङ वे, ती ताम्‍ङेला तिराङ तेके किवी। ङ्‍यिरा ख्‍यिराङला कोन्‍छ्‍योककी सुङ ख्‍याप्‍टाक क्‍यावु लाका साङ ती ओङ्‍ज्‍येनला राङ क्‍यावु यिन।

२ कोरिन्थी 12:13

ख्‍यिराङला ङे थोक्‍ला डोसुम नाङ सिनी ताम्‍ङे माक्‍यावु ति मिसिन ङे यम्‍बा चर्चकी मीतिवाला सिनाङ ख्‍यिराङला काङ मेलोक्‍पा क्‍यासुङ रो? तुकै यिन्‍सिन तीकी कोर्ला ङे ख्‍यिराङला माफ लोङ गोकिवी।

२ कोरिन्थी 12:7

यिने ङे छासे हलेवु ताम्‍ङे थोङ्‍सुङ सिनी ङराङ यिन सिरुप नेसुर ग्‍येकुपला कोन्‍छ्‍योककी ङे जुला छेर्माङ सुकुप दोके छेटाङला ख्‍येल च्‍यिसुङ। ती छेटाङ ति शैतानकी लेन क्‍योलुप तीकी ख्‍येल च्‍यितुप यिन। तीकी ङला छासे सुक कि च्‍यिनी ङराङ यिन सिरुप नेसुर क्‍येक्‍सुङ।

गलाती 6:3

दोजो मी ललाइकी खोरुङ ति काङ दोके मिन्‍सिनाङ खक्‍छ्‍येवु यिन सिनी नोकिवी सिसिन तीकी खुरुङला राङ जिनोक जोवु यिन।

एफिसी 3:2

ख्‍यिराङ यहूदी मिन्‍दुप मिरिक यम्‍बातिवाला लेन ल्‍यामु ख्‍याप्‍टाक कितुपला कोन्‍छ्‌योककी ङला चेक तेतुप कटिनकी कोर्ला वुतुङ के ख्‍यिरा थोनी वे सिरुप ति ङला नोवा वे।

एफिसी 3:4

ती ङे टिवु ताम्‍ङे ति ख्‍यिरा रासिन ख्रीष्‍टकी छ्‍याकला वोतुप ताम्‍ङेकी कोर्ला ङे चो हाक्‍कोनोक सिरुप ति ख्‍यिरा साङ हाक्‍कोकितो।

एफिसी 4:16

ती गो नेसुर दाक्‍पी जुकी तेरी थिन्‍जामतिवा थिनी जु च्‍यिक च्‍युङ्‍गिवी। तमा जुला वोतुप तेरी येन्‍लकतिवी दाक दाक्‍पी लाका ल्‍यामु क्‍यासिमा जु ति मङ रम्‍बु डिवी। तमा च्‍यिककी च्‍यिकला ङ्‍यिङ्‍ज्‍ये कियी ती जु ति खोरुङ राङ फरिन डिवी।

फिलिप्पी 2:13

च्‍यिलासिसिन कोन्‍छ्‍योककी ख्‍यिराङला खोरे नोवाला वोतुप दोके कितुप नासाम तोङ्‍गुप ताङ ती दोके लाका कितुप ओङ नाङ्‍नी ख्‍यिरा मिजी नेमा लाका कियी वे।

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

कलस्सी 2:13

ख्‍यिरा दिक्‍पा क्‍यावु ताङ दुक्‍टा कितुप किताङ नालु माक्‍युरुप तप्‍की थेङ्‍मा यी ख्‍यिराङ शिनी वोतुप्‍जा, यिने त याङ कोन्‍छ्‍योककी ख्रीष्‍टकी मुला राङ ख्‍यिराङला सेन्‍बु लाङ वे। तमा ख्‍यिरा तेरी दिक्‍पातिवा ता च्‍यिनी वे।

१ तिमोथी 1:14

चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।

१ तिमोथी 2:15

यिने पुम्‍पेजातिवी येशूला तेपा कितुप ताङ ङ्‍यिङ्‍ज्‍ये कितुप ताङ टेङ्‍बुकी मिजी क्‍याङ्‍सुङ सिसिन आङा क्‍येप पेला कोन्‍छ्‍योककी तिवाला र्‍होकिवी।

१ तिमोथी 2:9

तुक राङ क्‍यानी पुम्‍पेजातिवी साङ छ्‍येजु कितुप मिन, कुसु ज्‍यम्‍बु क्‍यानी दाक दाक्‍पुला पोमु वुङ्‍गुप मज्‍यातिवा कोन्‍शी। र्‍ह ल्हामा ल्हानी मज्‍या ल्‍यामु कोन्‍नी छ्‍यानी सेर ताङ मोती ताङ गोङ नावु मज्‍यातिवा कोन्‍नी मिन,

तीतस 2:12

ती कटिनकी राङ दाक्‍पु ति कोन्‍छ्‍योकला गा मलङ्‍गुप लाका ताङ तेपा मिकिवु मीतिवी दोके जम्‍बुलिङकी च्‍यालकतिवाला ङ्‍यिङ्‍ज्‍ये कितुप क्‍युर्नी दी जम्‍बुलिङला देतुप पेला खुरुङला डेकला ज्‍योकुप ताङ टेङ्‍बु वोतुप कोन्‍छ्‍योकला गा लङ्‍गुप मिजी क्‍योङ्‍गुपला येन्‍देन नङ्‍गिवी।

तीतस 2:2

मी गावातिवाला कुसुमी देतुप ताङ ताङ्‍देन कि छ्‍योवु ताङ खुरुङला डेकला ज्‍योक थुपुप जो। तमा तिवाला तेपा रम्‍बु ताङ ङ्‍यिङ्‍ज्‍ये कितुप ताङ हम क्‍यानी दे थुपुप वुङ गोकिवी सिनी लोप।

तीतस 2:4

तुक राङ क्‍यानी मी गामातिवी पुम्‍पेजा ज्‍येन्‍दातिवाला दाक दाक्‍पी ख्‍योवा ताङ पेजातिवाला ङ्‍यिङ्‍ज्‍ये कितुप ताङ

तीतस 2:6

तुक राङ क्‍यानी ख्‍योक्‍पेजा ज्‍येन्‍दातिवाला साङ डेकला दे सिनी टोङ्‍गु बिन।

याकूब 4:6

यिने खोकी दाक्‍पुला छासेकी कटिन नङ्‍गिवी। ती तप्‍की कोन्‍छ्‍योककी सुङला दुक सिनी टि वे, “अम्‍बारङ्‍शिङ कितुपतिवाला कोन्‍छ्‍योक गा मालङ्‍गिवी, यिने सेम बोल्‍मु वोतुपतिवाला कटिन नङ्‍गिवी।”

१ पत्रुस 1:13

तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।

१ पत्रुस 4:11

सी कोन्‍छ्‍योककी सुङ ख्‍याप्‍टाक किवे, तीकी कोन्‍छ्‍योक नेमा थोपुप ओङ नेसुर राङ ख्‍याप्‍टाक की। सी शब्‍ज्‍यी किवे, तीकी कोन्‍छ्‍योक नेमा वावु ओङ नेमा शब्‍ज्‍यी की। तमा ख्‍यिरा क्‍यावु तेरी लाका नेसुर येशू ख्रीष्‍टकी छ्‍योक ने कोन्‍छ्‍योकला सोवा वुङ्‍शी। तमा तेरी मोवा ताङ ओङ ति नाम्‍साङ मोतोरुप तुजे सेक कोन्‍छ्‍योकला वुङ्‍शी, आमिन।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

१ पत्रुस 5:5

तमा नाज्‍युङतिवा, गावागुवातिवी ओङला देता। च्‍यिक ताङ च्‍यिककी ओङला देनी छ्‍येजु मिकिवु वुङ गोकितो। च्‍यिलासिसिन “छ्‍येजु कितुप मीतिवाला कोन्‍छ्‍योककी गा मलाङ्‍गिवी, यिने छ्‍येजु मिकिवु मीतिवाला खोकी कटिन नङ्‍गिवी।” सिनी कोन्‍छ्‍योककी सुङला साङ टि वे।

१ पत्रुस 5:8

च्‍याङ्‍से देता, ङ्‍यी मालोक्‍नी देता! च्‍यिलासिसिन ख्‍यिरा ड शैतान ति सुला थेप्‍किवे, तीला साप सिनी वोरुप सेङ्‍गी दोके वोरिन वोतो।

३ यूहन्‍ना 1:9

ङे ख्‍योरो चर्चकी तेपा कितुप मीतिवी थोक्‍ला ताम्‍ङे चेयी टिनी तङ्‍यिन, यिने ख्‍यिरा पर्ला छ्‍ये कितुप छोलुप डियोत्रिफसकी ङे सिक्‍यावु ताम्‍ङेला मेङ्‍येन्‍दिवी।