रोमी 12:2 - कोन्छ्‌योककी सुङ

² तमा दी जम्‍बुलिङकी किताङ नालुला येनी मादे, यिने रङगी सेम ति सम्‍बा फोनी ख्‍यिरा थोक्‍ला कोन्‍छ्‍योककी नोवाला ल्‍यामु वोतुप ति काङ यिन, चुक क्‍यानी खोला गा लोङ्‍गुप, चुक क्‍यानी खोकी नोवा दोके क्‍यानी मिजी क्‍योङ्‍गुप, ती तेरी हाक्‍कोवा की।

रोमी 12:2 Iomraidhean Croise

मत्ती 13:22

तमा छेर्माङ दोङ्‍बी पर्ला ख्‍येलुप सेन ति दी मी दोके यिन। तीकी सुङ ङ्‍येन्‍गिवी, यिने दी जम्‍बुलिङकी पप ताङ टोङ्‍बाकी नासामकी ती सुङला क्‍येक्‍नी डेलु मोगोर्वी।

मर्कूस 4:19

यिने जम्‍बुलिङकी पप ताङ टोङ्‍बाकी नासाम ताङ यम्‍बा ताम्‍ङेकी देर्पाकी ती सुङला क्‍येक्‍नी डेलु मोगोर्वी।

यूहन्‍ना 14:30

त याङ ङ ख्‍यिरा मुला ताम्‍ङे अला मलाप, च्‍यिलासिसिन दी जम्‍बुलिङला ओङ्ज्‍येन कितुप शैतान ति वुङ्‍यिन नोक। तीकी ङला काङ साङ ओङ्ज्‍येन कितुप ङार मे।

यूहन्‍ना 15:19

ख्‍यिराङ जम्‍बुलिङकी ति यिन्सिन जम्‍बुलिङकी मीतिवी ख्‍यिराङला खोरो मी यिन सिनी ङ्‍यिङ्‍ज्‍ये कितुप्‍जा। यिने ख्‍यिराङ ति जम्‍बुलिङकी ति मिन, ङे ख्‍यिराङला दी जम्‍बुलिङ ने पेतिन। ती तप्‍की जम्‍बुलिङकी मीतिवी ख्‍यिराङला ङ्‍यिङ्‍मर किवी।

यूहन्‍ना 17:14

पपी ङला सुङ्‍गुप सुङ ति ङे तिवाला सिक्‍यायिन, तमा जम्‍बुलिङकी मीतिवी तिवाला ङ्‍यिङ्‍मर क्‍यासुङ। च्‍यिलासिसिन ङ जम्‍बुलिङकी मी मिन्‍दुप दोके तिवा साङ जम्‍बुलिङकी मी मिन्‍दुप तप्‍की यिन।

यूहन्‍ना 7:7

जम्‍बुलिङकी मीतिवी ख्‍यिराङला ङ्‍यिङ्‍मर कि मुथुपी, यिने ङला याङ ङ्‍यिङ्‍मर किवी, च्‍यिलासिसिन जम्‍बुलिङकी मीतिवी किताङ नालु दुक्‍टा वे सिनी ङे पङ्‍बु बिनिन।

रोमी 12:1

तुक क्‍यानी अच्‍युनुपतिवा, च्‍यम्‍बा वोतुप कोन्‍छ्‍योक नेसुर ङ ख्‍यिराङला ठाकुरे सिरिन। ख्‍यिरा दाक दाक्‍पी मिजी ति कोन्‍छ्‍योकला गा लङ्‍गुप ताङ चाङ्‍मा वोतुप जिन्‍बा पुल। तुक क्‍यावु ति ख्‍यिरा सेमगी दिङ नेज्‍युनी खोला सोवा तेकुप यिन।

रोमी 13:14

यिने ख्‍यिराङ काङ क्‍यासिनाङ चोवो येशू ख्रीष्‍टकी दोके की, तमा दिक्‍पा कितुप जुकी किताङ नालुला वोतुप नासाम मेलोवा मातोङ।

रोमी 7:12

तुक क्‍यानी मोशाकी ठिम ति टेङ्‍बु यिन, ठिमला वोतुप क साङ चाङ्‍मा ताङ टेङ्‍बु ताङ ल्‍यामु वे।

रोमी 7:14

ठिम ति कोन्‍छ्‍योककी थु चाङ्‍माकी नङ्‍गुप यिन सिरुप ति दाक्‍पुला छ्‍या वे। यिने ङ ति चाङ्‍मा मेतुप तप्‍की दिक्‍पाकी योक्‍पु च्‍युङ्‍गुप यिन।

रोमी 7:22

ङे सेमगी दिङ नेज्‍युनी कोन्‍छ्‍योककी ठिमला वोतुप दोके लाका कितुप गा लासिनाङ

१ कोरिन्‍थी 3:19

च्‍यिलासिसिन दी जम्‍बुलिङकी रिक्‍पा ति कोन्‍छ्‍योककी थोङ्‍दाङला काङ साङ मिन। ती तप्‍की कोन्‍छ्‍योककी सुङला दुक सिनी टि वे, “रिक्‍पा वोतुपतिवी च्‍यङ्‍बु क्‍यानी लाका मेलोवा क्‍यावु तप्‍की ती ति खुरुङ राङ ना डिवी”

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

२ कोरिन्थी 5:17

तुक क्‍यानी सी ख्रीष्‍टला तेपा क्‍यावे, ती ति मिजी सम्‍बा फोवु यिन। गोमी मिजी ति तोर्नी गाल्‍सुङ। ल्‍होसा, त याङ मिजी सम्‍बा च्‍युङ वे।

गलाती 1:4

येशू ख्रीष्‍ट ति दाक्‍पी पपा कोन्‍छ्‍योककी नोवा नेसुर दी दुक्‍टाकी क्‍येङ्‍गुप जम्‍बुलिङ ने दाक्‍पुला थर्वा नङ्‍गुपला दाक्‍पी दिक्‍पी थोक्‍ला टुङ्‍सुङ।

एफिसी 1:18

ख्‍योरो सेम पेनी चुका रेवाकी थोक्‍ला कोन्‍छ्‌योककी ख्‍यिराङला कताङ वे, तमा खोला तेपा कितुपतिवाला खोकी नङ्‍गुप हलेवु मोलाम ति ग्‍यक्‍चे वे सिरुप ति ख्‍यिरा हाक्‍को थुप्‍शी सिनी ङ मोपोर कितिन।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 5:17

तुक क्‍यानी अम्‍बारङ्‍शिङ माकी, यिने कोन्‍छ्‌योककी नोवा काङ यिनोक सिनी हाक्‍कोवा की।

कलस्सी 1:9

ती ताम्‍ङे थो नेज्‍युनी ख्‍यिरा थोक्‍ला नरी ङ्‍यिराङ कोन्‍छ्‍योकला मोपोर कियी वे। ख्‍यिराङ कोन्‍छ्‍योककी थु चाङ्‍माकी च्‍यु ताङ रिक्‍पा नेसुर खोकी नोवा काङ यिन सिनी ल्‍यामु हाक्‍कोशी सिनी ङ्‍यिराङ नरी मोपोर कितिन।

कलस्सी 3:10

ख्‍यिरा रङगी मिजी सम्‍बा फोनी वे। तुक क्‍यानी ख्‍यिराङ जो नङ्‍गुप कोन्‍छ्‍योककी ख्‍यिरा मिजी साङ खोकी किताङ नालु दोके मङ मङ सम्‍बा जो नङ्‍गिवी। तमा ख्‍यिरा खोकी रिक्‍पाकी कोर्ला ल्‍यामो क्‍यानी हाक्‍कोकिवी।

कलस्सी 4:12

ख्‍यिरा मु नेसुर वावु इपाफ्रासकी ख्‍यिराङला टसी देलेक सिनी तङ वोतो। ती ति येशू ख्रीष्‍टकी थोक्‍ला शब्‍ज्‍यी कितुप मी यिन। तीकी ख्‍यिराङ तेपा रम्‍बु ताङ डेकला देनी कोन्‍छ्‍योककी नोवा ति काङ यिन सिनी तेन्‍तेन हाक्‍को थुप्‍शी सिनी नरी ख्‍यिरा थोक्‍ला मोपोर क्‍या क्‍यावा देकिवी।

१ थेसलोनिकी 4:3

च्‍यिलासिसिन कोन्‍छ्‍योककी नोवा ति ख्‍यिराङ चाङ्‍मा देशी सिरुप यिन। तीकी तेन्‍दोक ति ख्‍यिराङ शम्‍डेन माकी,

तीतस 3:5

दाक्‍पुला थर च्‍यिसुङ। ती ति दाक्‍पी लाका टेङ्‍बु क्‍यावु तप्‍की मिन, खोला च्‍यम्‍बा वोतुप तप्‍की यिन। खोकी दाक्‍पुला चाङ्‍मा जोनी मिजी सम्‍बा नङ्‍गुप ताङ खोकी थु चाङ्‍मा नेसुर दाक्‍पुला सम्‍बा फोनी थर च्‍यितुप यिन।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

याकूब 4:4

ओ शम्‍डेन कितुप टेङ, कोन्‍छ्‍योकला तेपा क्‍यानी साङ जम्‍बुलिङला गा कितुप ति कोन्‍छ्‍योक ताङ मुला डला गलुप यिन सिरुप ति ख्‍यिराङला छ्‍या मे? सु दी जम्‍बुलिङला गा किवे, ती ति कोन्‍छ्‍योक ताङ मुला डला गलुप यिन।

१ पत्रुस 1:14

ख्‍यिराङ कोन्‍छ्‍योककी कला ङ्‍येन्‍दुप खोकी पुज्‍युङपुमतिवा यिन्‍दुप तप्‍की गोमाला कोन्‍छ्‍योकला ङो माशेवु पेला क्‍यावु दोके सेम नोजु कितुप क्‍युर।

१ पत्रुस 1:18

ख्‍यिराङला छ्‍या वे, ख्‍यिरा पगावा हङ्‍गावातिवा नेसुर वावु तेर्मेकी किताङ नालुतिवा नेसुर ख्‍यिराङ रङ्‍ज्‍येन थोप्‍सुङ। ती ति ना डोप सेर ताङ ङुलतिवा दोके गोङ तेनी ख्‍यिराङला थोपुप मिन,

१ पत्रुस 4:2

तमा तीकी खोरो मिजी वोता सेक दुक्‍टा कितुप नोवाला मिन, यिने कोन्‍छ्‍योककी नोवाला मिजी क्‍योङ्‍गिवी।

२ पत्रुस 1:4

खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।

२ पत्रुस 2:20

दोजो तिवी दाक्‍पुला दिक्‍पा ने थर ज्‍यितुप चोवो येशू ख्रीष्‍टला ङो शेनी दी जम्‍बुलिङकी मेटेङ्‍बु वोतुप च्‍यालक नेसुर थेन्‍सिमा येलुङ गोमी किताङ नालुला लोक्‍नी ती दिक्‍पी ओङला राङ डिवी सिसिन तिवा गोमी ति सिनाङ ज्‍युक्‍ला मङ मेलोक्‍पा डिवी।

१ यूहन्‍ना 3:13

तुक क्‍यानी ङे ङ्‍यिङ्‍ज्‍येवु अच्‍युनुपतिवा, जम्‍बुलिङकी मीतिवी ख्‍यिराङला ङ्‍यिङ्‍मर क्‍यासिन ख्‍यिराङ हलेवा माकी।

१ यूहन्‍ना 5:19

दाक्‍पु ति कोन्‍छ्‍योककी पुज्‍युङपुमतिवा यिन सिनी दाक्‍पुला छ्‍या वे। यिने दी जम्‍बुलिङ ति तेरी दुक्‍टाकी ओङला शोर्नी वे।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।

ज्‍यल्‍का 13:8

तुक क्‍यानी सेतुप लुक रुककी मिजीकी थेप नाङ्‍ला जम्‍बुलिङ ज्‍येङ्‍गुप गोमाला के मिङ टिनी वोतुप मीतिवा मिसिन यम्‍बा जम्‍बुलिङला वोतुप मीतिवा तेरीकी ती सेम्‍ज्‍येनला राङ ताङ्‍देन किवी।