रोमी 12:16 - कोन्छ्‌योककी सुङ

¹⁶ तेरीकी मुला सेम च्‍यिक राङ जोनी थिन्‍नी दे, अम्‍बारङ्‍शिङ माकी, यिने मी ङ्‍याम्‍छ्‍युङतिवी दला शु। नाम्‍साङ ङ राङ येन्‍देन वोतुप यिन सिनी नो माकी।

रोमी 12:16 Iomraidhean Croise

मत्ती 11:5

‘मिक मोथोङ्‍गुपतिवा मिक थोङ थुप्‍किवी, थेङ्‍बातिवा युक थुप्किवी, जे ग्‍यपुप नेजु वोतुपतिवा टेक ज्‍यिकिवी, वोन्‍बातिवा थो थुप्‍किवी, शेपतिवा सेन्‍बु लोङ्‍गिवी, तमा पेराङ्‍बुतिवाला लेन ल्‍यामु ख्‍याप्‍टाक कियी वे।’

मत्ती 26:11

पेराङ्‍बुतिवा याङ ख्‍यिरा मुला नरी लुकिवी, यिने ङ याङ ख्‍यिरा मुला नरी मुलुवी।

लूका 14:13

बोरु ख्‍योरो डेन कितुप पेला पेराङ्‍बुतिवा, युक मुथुवुतिवा, थेङ्‍बातिवा ताङ मिक शर्वातिवाला केच्‍या की।

लूका 6:20

तमा येशूकी खोरो लोमातिवी थाकाला ल्‍हयी सिरा सुङ्‍सुङ, “ख्‍यिराङ पेराङ्‍बुतिवाला मोलाम थोपुप यिनो, च्‍यिलासिसिन कोन्‍छ्‍योककी ग्‍येल्‍खाप ति ख्‍यिरा ति यिनो।

लोमा छ्‍येतिवी लाका 4:32

तमा तेपा कितुपतिवा तेरी सेम च्‍यिक राङ च्‍युङ्‍नी थिन देकिनोक। तिवा सी साङ खोप्‍रे नोर टोङ्‍बातिवा “दी ङे ति”, “ती ख्‍योरो ति” सिनी मिसिर्नोक। यिने तेरीकी खोप्‍रे च्‍यालकतिवा पिर्मा किनोक।

रोमी 11:20

ती ताम्‍ङे ति टेङ्‍बु राङ यिन। यहूदीतिवी तेपा माक्‍यावु तप्‍की वुतुङ्‍की जैतुन दोङ्‍बी येल्‍कातिवा च्‍येतुप दोके गलुप यिन। यिने ख्‍यिराङ ति तेपा क्‍यावु तप्‍की वुतुङ्‍की जैतुन दोङ्‍बुला थितुप दोके यिन। तुक क्‍यानी ख्‍यिराङ ङराङ यिन सिनी अम्‍बारङ्‍शिङ माकी, यिने ज्‍यिवा क्‍यानी दे।

रोमी 11:25

अच्‍युनुपतिवा, ख्‍यिराङ अम्‍बारङ्‍शिङ क्‍यानी खुरुङ राङ रिक्‍पा वोतुप यिन सिनी नो मिकिशी सिनी इस्राएलकी मीतिवी कोर्ला छ्‍याकला वोतुप कोन्‍छ्‍योककी नोवा ति ङ ख्‍यिराङला सिरिन। ती ति काङ यिन सिसिन, कोन्‍छ्‍योककी पेतुप यहूदी मिन्‍दुप मिरिक यम्‍बाकी मीतिवा अङ्‌टङ तेरी माछेवा सेक्‍ला इस्राएलकी मीतिवी नाङ्‍ला चेयीकी सेम ति क्‍योङ्‍बु डिवी।

रोमी 12:3

कोन्‍छ्‍योककी ङला नङ्‍गुप कटिन नेसुर ङ ख्‍यिराङ रे रेला ठाकुरे सिनी गोङ्‍बा शोयी। ख्‍यिराङ छ्‍युङा यिन्‍सिनाङ, खुरुङ राङ छ्‍ये यिन सिनी सु साङ नासाम मातोङ। यिने कोन्‍छ्‍योककी ख्‍यिराङला चो तेपा नङ वे, ती ति ल्‍यामो हाक्‍कोनी ती दोके मिजी क्‍योङ।

रोमी 15:5

ती दाक्‍पुला हम क्‍यानी दे थुपुप ताङ टोङ्‍गु नङ्‍गुप कोन्‍छ्‍योककी ख्‍यिराङ तेरीला येशू ख्रीष्‍टकी क्‍यावु दोके च्‍यिककी च्‍यिकला सेम थिन्‍नी मिजी क्‍योङ्‍गुपला दाल्‍जा किटे किशी।

रोमी 6:2

तुकै मिन, काङ दिक्‍पी जोसालेन्‍सिन दाक्‍पु शिसुङ, यिने च्‍यिला येलुङ दिक्‍पा क्‍या क्‍यावा राङ देकिवी?

१ कोरिन्‍थी 1:10

अच्‍युनुपतिवा, चोवो येशू ख्रीष्‍टकी मिङला ङ ख्‍यिराङला ठाकुरे सिरिन। ख्‍यिराङ च्‍यिक ताङ च्‍यिककी मुला थिन्‍नी दे। ख्‍यिरा पर्ला ख्‍ये पेतुप लाका माकी, यिने सेम च्‍यिक राङ च्‍युङ्‍नी दे।

१ कोरिन्‍थी 3:18

सी साङ खोरो राङ खुरुङला क्‍येन फोकुप मोजोशी। ख्‍यिराङ सु दी जम्‍बुलिङला रिक्‍पा वोतुप यिन सिनी नोकिवे, ती ति रिक्‍पा मेतुप दोके च्‍युङ्‍शी। तुक क्‍यासिन ख्‍यिराङ रिक्‍पा वोतुप च्‍युङ्‍गिवी।

१ कोरिन्‍थी 4:10

ए, ङ्‍यिराङ याङ ख्रीष्‍टकी थोक्‍ला रिक्‍पा मेतुप च्‍युङ्‍सुङ, यिने ख्‍यिराङ ति खोकी जोसालेन्‍सिन रिक्‍पा वोतुप च्‍युङ्‍सुङ। ङ्‍यिराङ ङार मेतुप गल वे, यिने ख्‍यिराङ ति ङार वोतुप गल वे। ख्‍यिराङला ताङ्‍देन ङ्‍येनी वे, यिने ङ्‍यिराङला याङ मीतिवी मारे ताङ्‍सुङ।

१ कोरिन्‍थी 6:5

दी ताम्‍ङे ति ङ ख्‍यिराङला ङोछा लोङ्‍गुपला सिरिन। ख्‍यिरा पर्ला खाँदा शोर्सिन डिङ तेरुप रिक्‍पा वोतुप मी ति ख्‍यिरा पर्ला च्‍यिक साङ मे रो?

१ कोरिन्‍थी 8:2

दोजो मी ललाइकी खुरुङ ति तेरी शेवु यिन सिनी नोकिवी सिसिन तीकी शे गोवु ति माशेवु गिवी।

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

फिलिप्पी 3:16

काङ यिन्‍सिनाङ दाक्‍पु दे सेक लेप्‍नी वे, तीला राङ रम्‍बु क्‍यानी मिजी क्‍योङ्‍गुप।

फिलिप्पी 4:2

इयोदिया ताङ सुन्‍तुखेला ङ छासे क्‍यानी गोङ्‍बा शोयिन, ख्‍यिराङ ङ्‍यिकर चोवोकी मीतिवा यिन्‍दुप तप्‍की थिन्‍नी देता।

हिब्रू 13:5

ख्‍यिरा मिजी ति टङ्‍गा डेवाला चा कितुप नेसुर कुतुक दे। ख्‍यिरा मुला चो नोके तोजोयीला राङ सेम लोदिमु च्‍युङ्‍नी दे, च्‍यिलासिसिन कोन्‍छ्‍योककी दुक सुङ्‍नी वे, “ङ ख्‍युरुङला नाम्‍साङ पि मोतोङ, तमा क्‍युर्नी साङ मोज्‍योक।”

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

१ पत्रुस 5:3

ख्‍यिराङला चेक तेन ज्‍यकुप मीतिवाला ओङ्‍ज्‍येन क्‍यानी मिन, यिने ख्‍यिरा मिजी ति तिवी थोक्‍ला पङ्‍बु च्‍युङ गोकितो।

३ यूहन्‍ना 1:9

ङे ख्‍योरो चर्चकी तेपा कितुप मीतिवी थोक्‍ला ताम्‍ङे चेयी टिनी तङ्‍यिन, यिने ख्‍यिरा पर्ला छ्‍ये कितुप छोलुप डियोत्रिफसकी ङे सिक्‍यावु ताम्‍ङेला मेङ्‍येन्‍दिवी।