रोमी 12:11 - कोन्छ्‌योककी सुङ

¹¹ हुर्ताक कितुपला तिङ छ्‍येनी मादे, यिने कोन्‍छ्‍योककी थु चाङ्‍माकी ओङ नेसुर वुङ्‍गुप नासाम ताङ्‍नी कोन्‍छ्‍योककी थोक्‍ला शब्‍ज्‍यी पुल।

रोमी 12:11 Iomraidhean Croise

मत्ती 24:12

दुक्‍टा कितुप मीतिवा मङ बङी गलुप तप्‍की मीतिवा बङीकी ङि्‍यङ्‍ज्‍ये अला मिकिवी।

मत्ती 25:26

तुक सिक्‍यासिमा ज्‍यिन्‍दाक तीकी तीला सिक्‍यासुङ, ‘ख्‍यो दुक्‍टा ताङ छेर्शिक्‍पा वोतुप लावा, ख्‍युरुङ ङला माचुवु दासा नेसुर ङकुप ताङ मातपुप दासा नेसुर रुकुप मी यिन सिनी छ्‍या वोतुप यिन्‍सिन

लोमा छ्‍येतिवी लाका 18:25

कोन्‍छ्‍योककी सुङ टेङ्‍बुकी कोर्ला तीकी येन्‍देन ङ्‍येनोक। तुक क्‍यानी ती ति छासे सेम गा क्‍यानी येशूकी कोर्ला ताम्‍ङे लपुप ताङ ताम्‍ङे टेङ्‍बु तिराङ लोपुप किनोक। यिने तीला यूहन्‍नाकी बप्‍तिस्‍माकी कोर्ला तिराङ छ्‍या नोक।

लोमा छ्‍येतिवी लाका 20:19

ती पेला यहूदीतिवी ङला सेतुपला केवुल क्‍यानी छासे दुक्‍पा वोसिनाङ ङे कुसु ज्‍यम्‍बु क्‍यानी ङुयी सिरा टेमु क्‍यानी कोन्‍छ्‍योकला शब्‍ज्‍यी कितुप माक्‍युर।

१ कोरिन्‍थी 7:22

च्‍यिलासिसिन कोन्‍छ्‍योककी कताङ नङ्‍गुप पेला सु योक्‍पु नोके, ती ति त याङ थर्नी कोन्‍छ्‍योककी गिपा च्‍युङ्‍गुप यिन। तुक राङ क्‍यानी सु मी यम्‍बी ओङला मेवे, तिवाला कोन्‍छ्‍योककी कताङ नङ्‍गुप पेला ख्रीष्‍टकी थोक्‍ला शब्‍ज्‍यी कितुप योक्‍पु यिन।

एफिसी 4:28

कुन कितुपतिवी साङ तफेन्‍ला कुन मिकिशी। तीकी लाका टेमु क्‍यानी सशी, तमा कतुकारला ख्‍येलुपतिवाला तेर थुप्‍शी।

कलस्सी 4:1

ज्‍यिन्‍दाकतिवा, ख्‍यिरा साङ देवाच्‍येनला रङगी ज्‍यिन्‍दाक वे सिरुप ति हाक्‍कोनी रङगी लावातिवाला ख्‍ये मापेवा क्‍यानी टेङ्‍बु किसा।

१ तिमोथी 5:13

तोजो तिराङ मिन, तिवा खाङ्‍बा खाङ्‍बाला युकुप ताङ छेरा कितुप ताङ ताम्‍ङे क्‍योलुप ताङ मी लाकाला लाक्‍पा जिम्‍बुप ताङ लप मोगोवु ताम्‍ङेतिवा लपुप डिवी।

हिब्रू 12:28

तुक क्‍यानी योक मुथुपुप कोन्‍छ्‍योककी ग्‍येल्‍खाप थोपुप तप्‍की दाक्‍पु कोन्‍छ्‍योकला थुचिछे बुलुप। तमा खोला नरी ज्‍यिवा ताङ ताङ्‍देन कियी सिरा खोकी सेमला डोप सोवा बुलुप।

याकूब 5:16

ती तप्‍की ख्‍यिराङ च्‍यिककी च्‍यिकला ङे दिक्‍पा क्‍यावु यिन सिनी सेम ग्‍युर, तमा च्‍यिककी च्‍यिकला मोपोर की। तुक क्‍यासिन चोवोकी ख्‍यिराङला टेक ज्‍यिकिवी। च्‍यिलासिसिन कोन्‍छ्‍योककी थोङ्‍दाङला टेङ्‍बु वोतुप मीतिवी क्‍यावु मोपोर ति ङार छ्‍येवु गिवी।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 4:8

ख्‍यिराङ तेरी सिनाङ मङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ङ्‍यिङ्‍ज्‍येकी राङ दिक्‍पातिवा बङी ताकिवी।

ज्‍यल्‍का 2:4

यिन्‍सिनाङ ख्‍योरो तेन्‍दोकला ङे सि गोवु ताम्‍ङे च्‍यिक वे। ती ति काङ यिन सिसिन ख्‍योरो ङला गोमाला दोके ङ्‍यिङ्‍ज्‍ये कितुप क्‍युर्नी ज्‍याक्‍सुङ।