रोमी 12:10 - कोन्छ्‌योककी सुङ

¹⁰ च्‍यिककी च्‍यिकला अच्‍युनुप दोके क्‍यानी ङ्‍यिङ्‍ज्‍ये की। रङला सिनाङ मी यम्‍बाला मङ ताङ्‍देन की।

रोमी 12:10 Iomraidhean Croise

मत्ती 20:26

यिने ख्‍यिरा पर्ला याङ तुकै मेङ्‍गिवी। बोरु सु ख्‍यिरा पर्ला छ्‍ये डोप नो किवे, ती ति ख्‍यिराङ तेरीला शब्‍ज्‍यी कितुप मी च्‍युङ गोकिवी।

लूका 14:10

बोरु ख्‍युरुङला केच्‍या कितुप पेला ख्‍युरुङ गल्‍नी तेरी सिनाङ मला वोतुप दासाला दे। तुक क्‍यासिन केच्‍या कितुप मी ति वानी ख्‍युरुङला ‘ओ दाल्‍जा, येला ज्‍यु।’ सिनी सिवी। तमा तेरी डेन्‍बुतिवी मिङ्‍गाला ख्‍युरुङला ताङ्‍देन ङ्‍येकिवी।

यूहन्‍ना 15:17

दी ति ङे क यिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की।”

यूहन्‍ना 17:21

ओ पपा, पपा ङे मुला वोतुप ताङ ङ पपी मुला वोतुप दोके तिवा तेरी च्‍यिक राङ च्‍युङ्‍नी तिवा साङ दाक्‍पी मुला राङ च्‍युङ्‍शी, तमा पपी ङला तङ्‍गुप यिन सिरुप ति जम्‍बुलिङकी मीतिवी तेपा किशी।

लोमा छ्‍येतिवी लाका 4:32

तमा तेपा कितुपतिवा तेरी सेम च्‍यिक राङ च्‍युङ्‍नी थिन देकिनोक। तिवा सी साङ खोप्‍रे नोर टोङ्‍बातिवा “दी ङे ति”, “ती ख्‍योरो ति” सिनी मिसिर्नोक। यिने तेरीकी खोप्‍रे च्‍यालकतिवा पिर्मा किनोक।

रोमी 13:7

ती तप्‍की ख्‍यिरा ते गोवु काङ रे च्‍यिक रे वोसिन ते। ते गोवु सेतिवा ते। ज्‍यिवा कि गोवुतिवाला ज्‍यिवा की। ताङ्‍देन कि गोवुतिवाला ताङ्‍देन की।

गलाती 5:13

ङे अच्‍युनुपतिवा, कोन्‍छ्‍योककी ख्‍यिराङला कताङ नङ्‍गुप तेन्‍दोक ति ख्‍यिराङला रङ्‍ज्‍येन नङ्‍गुपला यिन। तुक क्‍यानी ख्‍यिराङ दिक्‍पा कितुप क्‍युर्नी च्‍यिककी च्‍यिकला ङ्‍यिङ्‍ज्‍ये क्‍यानी शब्‍ज्‍यी की।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

फिलिप्पी 2:3

खोरो थोक्‍ला तिराङ नासाम तोङ्‍गुप ताङ अम्‍बारङ्‍शिङ कितुप मिन, यिने कुसु ज्‍यम्‍बु क्‍यानी च्‍यिककी च्‍यिकला खुरुङ सिनाङ छ्‍ये यिन सिनी नो की।

कलस्सी 1:4

च्‍यिलासिसिन ख्‍यिरा ख्रीष्‍ट येशूला तेपा क्‍यावु ताङ कोन्‍छ्‍योककी चाङ्‍मा वोतुप मीतिवाला ङ्‍यिङ्‍ज्‍ये क्‍यावु ति ङ्‍यिरा थोसुङ।

१ थेसलोनिकी 4:9

त अच्‍युनुपतिवा ङ्‍यिङ्‍ज्‍येकी कोर्ला याङ सी साङ ख्‍यिराङला टिक गोवु मे। च्‍यिलासिसिन च्‍यिककी च्‍यिकला ङ्‍यिङ्‍ज्‍ये कितुपकी कोर्ला ति ख्‍यिराङला कोन्‍छ्‍योक नेसुर राङ येन्‍देन ङ्‍येतुप तप्‍की

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

हिब्रू 13:1

ख्‍यिराङ च्‍यिककी च्‍यिकला रङगी अच्‍युनुपतिवा दोके क्‍यानी ङ्‍यिङ्‍ज्‍ये किसा।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 2:17

मी तेरीला ताङ्‍देन की, तेपा कितुप अच्‍युनुपतिवाला ङ्‍यिङ्‍ज्‍ये की, कोन्‍छ्‍योककी थोक्‍ला ज्‍यिवा की, चोछ्‍येवु ग्‍येल्‍वुला ताङ्‍देन की।

१ पत्रुस 5:5

तमा नाज्‍युङतिवा, गावागुवातिवी ओङला देता। च्‍यिक ताङ च्‍यिककी ओङला देनी छ्‍येजु मिकिवु वुङ गोकितो। च्‍यिलासिसिन “छ्‍येजु कितुप मीतिवाला कोन्‍छ्‍योककी गा मलाङ्‍गिवी, यिने छ्‍येजु मिकिवु मीतिवाला खोकी कटिन नङ्‍गिवी।” सिनी कोन्‍छ्‍योककी सुङला साङ टि वे।

२ पत्रुस 1:7

कोन्‍छ्‍योककी सुङला युसिमा तेपा कितुप अच्‍युतुपतिवाला च्‍यम्‍बा कि गोकिवी, तेपा कितुप अच्‍युतुपतिवाला च्‍यम्‍बा क्‍यासिमा ङ्‍यिङ्‍ज्‍ये की।

१ यूहन्‍ना 4:11

ङे ङ्‍यिङ्‍ज्‍येवुतिवा, कोन्‍छ्‍योककी दाक्‍पुला छासे ङ्‍यिङ्‍ज्‍ये क्‍या नङ्‍गुप तप्‍की दाक्‍पी साङ च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 4:20

दोजो मी ललाइकी ङ कोन्‍छ्‍योकला ङ्‍यिङ्‍ज्‍ये कितिन सिवी, यिने यम्‍बा अच्‍युनुपतिवाला ङ्‍यिङ्‍मर किवी सिसिन ती ति जिनोक जोप यिन। च्‍यिलासिसिन तीकी खोरो मिककी थोङ्‍गुप अच्‍युनुपतिवाला साङ ङ्‍यिङ्‍ज्‍ये मिकिवी सिसिन मोथोङ्‍गुप कोन्‍छ्‍योकला ङ्‍यिङ्‍ज्‍ये कि मुथुवी।