रोमी 11:6 - कोन्छ्‌योककी सुङ

⁶ दोजो ती मीतिवा लुवु ति खोकी कटिन नेसुर यिन्‍सिन ती ति तिवी लाका नेसुर मिन, लाका नेसुर यिन्‍सिन कटिन ति कटिन राङ मिन।

रोमी 11:6 Iomraidhean Croise

लूका 6:13

नाम लासिमा खोकी खोरो लोमातिवाला कताङ्‍नी तिवी पर नेमा मिरा च्‍यिङ्‍ङी पेनी तिवाला लोमा छ्‍ये सिनी मिङ ज्‍याक्‍सुङ।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

गलाती 2:21

त ङ कोन्‍छ्‍योककी नङ्‍गुप कटिनला तेर्मे जो मुथुपी। च्‍यिलासिसिन मोशाकी ठिमकी लाकाकी दाक्‍पुला टेङ्‍बु जो थुप्‍सिन ख्रीष्‍ट टुङ्‍गुप ति तेर्मे डिवी।

गलाती 5:4

ख्‍यिराङ खुरुङला टेङ्‍बु जोपला मोशाकी ठिमला तेन्‍नी देसुङ सिसिन ख्रीष्‍टकी मुला तम्‍जी मे, तमा खोकी कटिन साङ ङ्‍ये मुथुपी।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

तीतस 3:5

दाक्‍पुला थर च्‍यिसुङ। ती ति दाक्‍पी लाका टेङ्‍बु क्‍यावु तप्‍की मिन, खोला च्‍यम्‍बा वोतुप तप्‍की यिन। खोकी दाक्‍पुला चाङ्‍मा जोनी मिजी सम्‍बा नङ्‍गुप ताङ खोकी थु चाङ्‍मा नेसुर दाक्‍पुला सम्‍बा फोनी थर च्‍यितुप यिन।