रोमी 11:12 - कोन्छ्‌योककी सुङ

¹² इस्राएलकी मीतिवी लाका दुक्‍टा क्‍यासिमा मोलाम ति जम्‍बुलिङकी मीतिवाला थोप्सुङ। तमा तिवा लम्‍सुला मागलुप मोलाम ति यहूदी मिन्‍दुप मिरिक यम्‍बाकी मीतिवाला थोप्‍सुङ सिसिन तेरी इस्राएलकी मीतिवी तेपा क्‍यासियाङ तिवाला मङ छासे मोलाम थोप्‍किवी।

रोमी 11:12 Iomraidhean Croise

लोमा छ्‍येतिवी लाका 3:21

ती येशू ति कोन्‍छ्‍योककी तोङ्‍ला नेज्‍युनी पेतुप खोरे लुङ्‍तेम्‍बा टेङ्‍बुतिवी ख नेमा सुङ्‍गुप तेरी च्‍यालकतिवा सम्‍बा जोप तुजे माङुवा सेक्‍ला देवाच्‍येनला राङ ज्‍यु गोकिवी।

रोमी 11:15

च्‍यिलासिसिन कोन्‍छ्‍योककी यहूदीतिवाला क्‍युर्नी ज्‍याक्‍सिमा जम्‍बुलिङकी मीतिवा कोन्‍छ्‍योककी मुला तम्‍जी ल्‍यामु च्‍युङ्‍गिवी सिसिन, कोन्‍छ्‍योककी तिवाला सेमला लासियाङ मङ तिवाला शेप ने थरुप मिजी मोथोपी रो?

रोमी 11:25

अच्‍युनुपतिवा, ख्‍यिराङ अम्‍बारङ्‍शिङ क्‍यानी खुरुङ राङ रिक्‍पा वोतुप यिन सिनी नो मिकिशी सिनी इस्राएलकी मीतिवी कोर्ला छ्‍याकला वोतुप कोन्‍छ्‍योककी नोवा ति ङ ख्‍यिराङला सिरिन। ती ति काङ यिन सिसिन, कोन्‍छ्‍योककी पेतुप यहूदी मिन्‍दुप मिरिक यम्‍बाकी मीतिवा अङ्‌टङ तेरी माछेवा सेक्‍ला इस्राएलकी मीतिवी नाङ्‍ला चेयीकी सेम ति क्‍योङ्‍बु डिवी।

रोमी 11:33

ए कोन्‍छ्‍योककी रिक्‍पा ताङ येन्‍देन ति छासे ग्‍यक्‍चे वे! खोकी तेन्‍तेन क्‍यानी छ्‍या तेन नङ्‍गुप लाम ति सी साङ हाक्‍को मुथुपी। तुक क्‍यानी कोन्‍छ्‍योककी सुङला दुक सिनी टि वे,

रोमी 9:23

तमा खोकी खोरे मोवाकी थोक्‍ला गोमाला के च्‍यम्‍बा नङ्‍गुप टडिक क्‍यावु मीतिवाला छासे मङ्‍मु वोतुप मोवा छ्‍या तेन नङ्‍सिमा दाक्‍पी काङ सि थुप्‍किवी?

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

कलस्सी 1:27

तमा खोकी यहूदी मिन्‍दुप मिरिक यम्‍बाकी मीतिवी पर्ला ती छ्‍याकला वोतुप मोवा ति छासे हलेवु वे सिरुप ताम्‍ङे ति खोरे मीतिवाला हाक्‍को ज्‍यितुपला पेन नङ्‍गुप यिन। ती छ्‍याककी ताम्‍ङे ति ख्‍यिरा मिजीला वोतुप ख्रीष्‍ट यिन। ख्रीष्‍ट ख्‍यिरा मिजीला वोतुप तप्‍की ख्‍यिराङला मोवा वोतुप रेवा ङ्‍येनी वे।