रोमी 11:11 - कोन्छ्‌योककी सुङ

¹¹ तुक क्‍यानी ङ येलुङ ख्‍यिराङला टेयिन, काङ इस्राएलकी मीतिवा दोला नर्तुक ग्‍यप्‍नी तला ग्‍यप्‍सिमा लङ मुथुपी रो? वुतुङ के तुकै मिन। इस्राएलकी मीतिवी येशूला तेपा माक्‍यानी लाका दुक्‍टा क्‍यासिमा यहूदी मिन्‍दुप मिरिक यम्‍बाकी मीतिवी तेपा क्‍यावु तप्‍की तिवा दिक्‍पा ने थर्नी वे। ती थोङ्‍नी इस्राएलकी मीतिवा ठतोक लानी खोला तेपा किशी सिरुप ति कोन्‍छ्‍योककी नोवा यिन।

रोमी 11:11 Iomraidhean Croise

लूका 20:16

ती ति वानी पिज्‍यिङ्‍बातिवाला सेकिवी, तमा गुन्‍डुम शिङ ति यम्‍बा पिज्‍यिङ्‍बातिवाला राङ तोङ्‍गिवी।” ती थोनी मीतिवी सिक्‍यासुङ, “दुकै याङ नाम्‍साङ मेङ्‍शी।”

लोमा छ्‍येतिवी लाका 13:42

ती ज्‍युक्‍ला पावल ताङ बारनाबास यहूदी छ्‍योखाङ नाङ नेमा थेन डोप पेला मीतिवी “ज्‍युककी ङासोप ङ्‍यिमाला साङ दी ताम्‍ङे सुङ्‍डे की।” सिनी तिवाला गोङ्‍बा शुसुङ।

लोमा छ्‍येतिवी लाका 18:6

यिने यहूदीतिवा पावलकी तेन्‍दोकला लानी मर्च्या क्‍यासुङ। तमा पावलकी ख्‍युर ग्‍युर्नी तिवाला “ख्‍यिराङला कोन्‍छ्‍योक नेमा ख्‍येलुप पर्च्या ति ख्‍यिरा क्‍येन यिन, ङे ति मिन। त याङ ङ यहूदी मिन्‍दुप मिरिक यम्‍बाकी मीतिवी ते डोयी।” सिनी खोरो मज्‍यी लोकी थल्‍दुक र्‍हुन ज्‍याक्‍नी गाल्‍सुङ।

रोमी 10:19

येलुङ ङ ख्‍यिराङला ताम्‍ङे यी टेयी, काङ ती ख्‍याप्‍टाक क्‍यावु सुङ ति इस्राएलकी मीतिवी हाक्‍माको वे रो? मिन, हाक्‍को वे। तीकी कोर्ला मोशाकी दुक सिक्‍या वे, “ङे मी मिन्‍दुप मीतिवा वासिमा ख्‍यिराङला ङ ठतोक कितुप जोयी। तमा अम्‍बारङ्‍शिङ वोतुप मीतिवा वासिमा ख्‍यिराङला ङ ङ्‍यिर्मु कितुप जोयी।”

रोमी 11:1

तुक क्‍यानी ङ ख्‍यिराङला टेयिन, “काङ कोन्‍छ्‍योककी खोरो पेतुप मीतिवाला क्‍युर्नी ज्‍याक्‍सुङ रो?” मिन, वुतुङ के खोकी तिवाला नाम्‍साङ क्‍युर्नी माज्‍याक। ङ साङ अब्राहामकी गिपा यिन, तमा बेन्‍यामीन मिछाङकी मी यिन।

रोमी 11:12

इस्राएलकी मीतिवी लाका दुक्‍टा क्‍यासिमा मोलाम ति जम्‍बुलिङकी मीतिवाला थोप्सुङ। तमा तिवा लम्‍सुला मागलुप मोलाम ति यहूदी मिन्‍दुप मिरिक यम्‍बाकी मीतिवाला थोप्‍सुङ सिसिन तेरी इस्राएलकी मीतिवी तेपा क्‍यासियाङ तिवाला मङ छासे मोलाम थोप्‍किवी।

रोमी 11:14

मिरिक यम्‍बाकी मीतिवी थोक्‍ला यहूदीतिवी पर्ने मी ललाइ ठतोक लानी कोन्‍छ्‍योककी थाकाला लोक्‍नी थर्वा ङ्‍येशी सिरुप ति ङे रेवा यिन।

रोमी 11:31

तुक राङ क्‍यानी तन्‍दा खोकी कला माङ्‍येन्‍दुप यहूदीतिवी ख्‍यिराङला खोकी च्‍यम्‍बा नङ्‍गुप थोङ्‍सिमा ती च्‍यम्‍बा ति खोप्‍राङला साङ थोप्‍शी सिनी ज्‍युक्‍ला खोकी कला ङ्‍येन्‍दुप डिवी।