रोमी 10:9 - कोन्छ्‌योककी सुङ

⁹ दोजो ख्‍योरो मीतिवी मिङ्‍गाला येशूला चोवो यिन सिनी ख नेमा सिवी, तमा कोन्‍छ्‍योककी खोला शेप ने ङोसु लङ्‍गुप यिन सिनी सेमला तेपा क्‍यासिन ख्‍युरुङ दिक्‍पा ने थर्किवी।

रोमी 10:9 Iomraidhean Croise

लूका 12:8

“ङ ख्‍यिराङला सिरिन, चुका मीकी मीतिवी मिङ्‍गाला ङला तेपा किवी सिवे, ङ मी पुज्‍युङकी साङ कोन्‍छ्‍योककी लेन क्‍योलुप थुतिवी मिङ्‍गाला तीला ङे मी यिन सिनी सिरिन।

यूहन्‍ना 9:22

तीकी पपाआमा ति यहूदी गोमा कितुप छ्‍येतिवाला ज्‍यिवा लावु तप्‍की तुक सिक्‍यानोक, च्‍यिलासिसिन येशूला ख्रीष्‍ट यिन सिनी सिरुपतिवा सुला साङ यहूदी छ्‍योखाङ नेमा तेन तोङ्‍गुप सिनी तिवी तेन्‍तेन क्‍यानोक।

लोमा छ्‍येतिवी लाका 16:31

पावल ताङ सिलासकी “चोवो येशूला तेपा क्‍यासिन ख्‍युरुङ ताङ ख्‍योरो मिछाङ तेरी दिक्‍पा ने थर्किवी।” सिनी सिक्‍यासुङ।

लोमा छ्‍येतिवी लाका 2:24

येशूकी छेटाङ बङी खुर्नी टुङ्‍सिनाङ कोन्‍छ्‍योककी खोला टुङ्‍गुप ने ङोसु लाङ्‍सुङ। च्‍यिलासिसिन खो शेप ति शितोक दे मुथुपी।

लोमा छ्‍येतिवी लाका 2:32

ती येशूला राङ कोन्‍छ्‍योककी ङोसु लाङ्‍सुङ। ती ताम्‍ङेकी कोर्ला दाक्‍पु तेरी पङ्‍बु वे।

लोमा छ्‍येतिवी लाका 8:36

तेसुर तिवा डोयी कितुप पेला छ्‍यु वोतुप दासा यीला लेप्‍सुङ। तमा ती मी तीकी फिलिपला “ल्‍हो ताङ, दे छ्‍यु नोक। काङ ङला बप्‍तिस्‍मा तेर थुप्‍किवी?” सिनी सिक्‍यासुङ।

रोमी 10:10

च्‍यिलासिसिन सी खोला सेम नेज्‍युनी तेपा किवे, ती ति कोन्‍छ्‍योककी थोङ्‍दाङला टेङ्‍बु ङ्‍येकिवी। सी मीतिवी मिङ्‍गाला खोला तेपा कितिन सिनी सिवे, तीला दिक्‍पा ने थर ज्‍यिकिवी।

रोमी 14:11

ती तप्‍की कोन्‍छ्‍योककी सुङला दुक सिनी टि वे, “चोवो कोन्‍छ्‍योककी दुक सुङ्‍गिवी, ङ ङोसु वोतुप कोन्‍छ्‍योक यिन। तुक क्‍यानी तेरी मीतिवा ङे दोङ्‍ला पुमुङ सला जुकिवी। तमा तेरी मीतिवी ङला राङ कोन्‍छ्‍योक यिन सिनी सोवा देकिवी।”

रोमी 14:9

ख्रीष्‍ट साङ तीकी तेन्‍दोकला राङ टुङ्‍नी ङोसु लासुङ। तुक क्‍यानी ख्रीष्‍ट ति शेप ताङ ङोसु वोतुपतिवा ङ्‍यिकरकी चोवो च्‍युङ्‍सुङ।

रोमी 4:24

येशू ख्रीष्‍टला शेप ने ङोसु लोङ्‍गुप कोन्‍छ्‍योकला तेपा क्‍यानी खोकी थोङ्‍दाङला टेङ्‍बु ङ्‍येतुप दाक्‍पु तेरीकी थोक्‍ला साङ टिवु यिन।

रोमी 8:34

तुक क्‍यानी सी तिवाला क्‍येन तेर्किवी? येशू ख्रीष्‍ट ति मीतिवी दिक्‍पी थोक्‍ला टुङ्‍सिमा ङोसु लानी तन्‍दा कोन्‍छ्‍योककी छ्‍याक यावी थाकाला ज्‍युनी दाक्‍पी छापला मोपोर कियी वे।

१ कोरिन्‍थी 12:3

तुक क्‍यानी ख्‍यिरा दी ताम्‍ङे ति हाक्‍कोवा की। कोन्‍छ्‍योककी थु चाङ्‍मा नेमा ताम्‍ङे कितुप सी साङ “येशूला मोताप सुकुप यिन।” सिनी सि मुथुपी। तमा खोकी थु चाङ्‍मा नेमा तिराङ मिसिन यम्‍बा सी साङ “येशू ति चोवो यिन।” सिनी सि मुथुपी।

फिलिप्पी 2:11

तमा पपा कोन्‍छ्‍योककी मोवाकी थोक्‍ला तेरीकी ख नेमा येशू ख्रीष्‍ट राङ चोवो यिन सिनी मी मिङ्‍गाला खलाङ किवी।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ यूहन्‍ना 4:15

चुका मी तीकी येशू ति कोन्‍छ्‍योककी सेवु यिन सिनी मी मिङ्‍गाला सिवे, तीकी मुला कोन्‍छ्‍योक ज्‍युकिवी, तमा ती मी ति कोन्‍छ्‍योककी मुला वे सिरुप ति हाक्‍कोकिवी।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।