रोमी 10:8 - कोन्छ्‌योककी सुङ

⁸ यिने तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप मीतिवी काङ सिवी सिसिन “कोन्‍छ्‍योककी सुङ ति ख्‍योरो चिप्‍ला राङ वे, ती सुङ ति ख्‍योरो खला वे, तमा ख्‍योरो सेमला राङ वे।” ती सुङ ति ङ्‍यिरा ख्‍यिराङला ख्‍याप्‍टाक क्‍यावु तेपाकी कोर्ला सिक्‍यावु सुङ यिन।

रोमी 10:8 Iomraidhean Croise

लोमा छ्‍येतिवी लाका 10:43

खोला तेपा कितुपतिवा तेरीला खोकी मिङ नेमा तिवी क्‍यावु दिक्‍पा ने थर ज्‍यिकिवी सिनी तेरी कोन्‍छ्‍योककी लुङ्‍तेम्‍बातिवी खोकी कोर्ला सिक्‍या वे।”

लोमा छ्‍येतिवी लाका 16:31

पावल ताङ सिलासकी “चोवो येशूला तेपा क्‍यासिन ख्‍युरुङ ताङ ख्‍योरो मिछाङ तेरी दिक्‍पा ने थर्किवी।” सिनी सिक्‍यासुङ।

रोमी 10:17

तुक क्‍यानी तेपा ति कोन्‍छ्‍योककी सुङ थोसिमा गिवी, तमा ती थोवु सुङ ति ख्रीष्‍टकी सुङ नेसुर गिवी।

गलाती 3:2

ङ ख्‍यिराङला ताम्‍ङे यी टेयिन। ती ति काङ यिन सिसिन, ख्‍यिरा कोन्‍छ्‍योककी थु चाङ्‍मा ति मोशाकी ठिमकी लाका क्‍यानी थोपुप यिन की, कोन्‍छ्‍योककी सुङला तेपा क्‍यानी थोपुप यिन?

गलाती 3:5

दी ख्‍यिरा मिजीला वोतुप खोकी थु चाङ्‍माकी लाका ताङ हलेवु लाका ति ख्‍यिरा मोशाकी ठिमला तेन्‍नी थोपुप यिन की, येशू ख्रीष्‍टकी लेन ल्‍यामुला थोनी तेपा क्‍यानी थोपुप यिन?

एफिसी 5:26

खोकी तुक क्‍या नङ्‍गुप ति चर्चला खोकी सुङ नेसुर चाङ्‍मा ताङ टेङ्‍बु जो नाङ्‍शी,

१ तिमोथी 4:6

ती येन्‍देन ति ख्‍योरो अच्‍युनुपतिवाला साङ लाप्‍सुङ सिसिन ख्‍योरो तेपा क्‍यावु सुङ ताङ येन्‍देन टेङ्‍बुला सिक्‍यावु दोके मङ रम्‍बु च्‍युङ्‍नी ख्‍युरुङ येशू ख्रीष्‍टकी थोक्‍ला लाका ल्‍यामु कितुप डिवी।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ पत्रुस 1:25

यिने कोन्‍छ्‍योककी सुङ ति नरीकी नरी लुकिवी।” ख्‍यिराङला ख्‍याप्‍टाक क्‍यावु सुङ ति दी राङ यिनो।