रोमी 10:4 - कोन्छ्‌योककी सुङ

⁴ च्‍यिलासिसिन कोन्‍छ्‍योककी ठिमला गोवु तेरी ताम्‍ङेतिवा ख्रीष्‍टकी छे च्‍यिसुङ। तुक क्‍यानी सी खोला तेपा किवे, तिवा कोन्‍छ्‍योककी थोङ्‍दाङला टेङ्‍बु ङ्‍येकिवी।

रोमी 10:4 Iomraidhean Croise

मत्ती 3:15

यिने येशूकी “तन्‍दा ति दुकै राङ कि च्‍यी। दाक्‍पी दुक राङ क्‍यानी कोन्‍छ्‍योककी नोवा तेरी कितुप ति ल्‍यामु यिन।” सिनी सुङ्‍सुङ। तुक क्‍यानी यूहन्‍नाकी येशूला बप्‍तिस्‍मा तेरुप ङ्‍येन्‍सुङ।

यूहन्‍ना 1:17

कोन्‍छ्‍योककी ठिम ति मोशा नेमा राङ ङ्‍येतुप यिन, यिने कटिन ताङ टेङ्‍बु ति येशू ख्रीष्‍ट नेमा वावु यिन।

रोमी 3:22

ती कोन्‍छ्‍योक नेमा वावु टेङ्‍बु ति येशू ख्रीष्‍टला तेपा क्‍यासिमा मी तेरीला वुङ्‍गुप यिन। खोकी सुला साङ नाम्‍साङ ख्‍ये मेबेवी।

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

गलाती 3:24

तुक क्‍यानी मोशाकी ठिम ति दाक्‍पु येशूला तेपा क्‍यानी टेङ्‍बु माच्‍युङा सेक दाक्‍पुला गोमा कितुप गेकेन दोके यिन।

गलाती 4:5

तीकी तेन्‍दोक ति मोशाकी ठिमकी ओङला वोतुप मीतिवाला थर ज्‍यितुप ताङ दाक्‍पु कोन्‍छ्‍योककी थाक्‍छ्‍येन नङ्‍गुप पेजा च्‍युङ्‍गुपला यिन।

कलस्सी 2:10

तमा ख्‍यिरा खोला तेपा क्‍यावु तप्‍की खोला वोतुप तेरी किताङ नालुतिवा ति ख्‍यिरा मिजीला थोप्‍नी वे। खो ति तेरी ओङ्‍ज्‍येन ताङ ङारतिवी खला चोछ्‍ये वे।

कलस्सी 2:17

ती तेरी ताम्‍ङेतिवा ज्‍युक्‍ला वुङ्‍गुप ताम्‍ङेकी र्‍हिप्‍च्‍याङ तिराङ यिन, यिने वुतुङ्‍की ति ख्रीष्‍ट राङ यिन।

हिब्रू 10:14

तमा खो च्‍यिक राङ जिन्‍बा च्‍युङ्‍नी दिक्‍पा नेसुर चाङ्‍मा जोवु मीतिवा तेरीला नरीकी थोक्‍ला टेङ्‍बु जो नाङ्‍सुङ।