रोमी 10:3 - कोन्छ्‌योककी सुङ

³ तिवी कोन्‍छ्‍योककी थोङ्‍दाङला टेङ्‍बु ङ्‍येतुप ति हाक्‍माकोनी खोप्‍रे राङ टेङ्‍बु कितुप लाका तिराङ क्‍यासिमा खोकी थोङ्‍दाङला टेङ्‍बु ङ्‍येतुपला माङ्‍येन।

रोमी 10:3 Iomraidhean Croise

लूका 10:29

यिने ती यहूदी छ्‍योकी गेकेन तीकी खोरुङला टेङ्‍बु छ्‍या देन्‍दुपला येशूला “तुकै यिन्‍सिन ङे युल्‍वा ति सु यिनाङ?” सिनी टिसुङ।

लूका 16:15

तमा येशूकी तिवाला सुङ्‍सुङ, “ख्‍यिराङ ति मीतिवी मिङ्‍गाला खोरुङ राङ टेङ्‍बु यिन सिनी छ्‍या देन्‍गिवी। यिने कोन्‍छ्‍योककी ख्‍यिरा सेम चुकै वे सिरुप ति हाक्‍कोकिवी। मीतिवी छासे खक्‍छ्‍येवु वे सिनी नो कितुपतिवाला ति कोन्‍छ्‍योककी छासे क्‍युक्‍टो किवी।”

रोमी 1:17

ती लेन ल्‍यामु ति कोन्‍छ्‍योककी थोङ्‍दाङला दाक्‍पु दिक्‍छेनतिवाला चुक क्‍यानी टेङ्‍बु वोतुप जोवु ति छ्‍या तेन्‍सुङ। ती टेङ्‍बु ति दाक्‍पी येशूला तेपा क्‍यासिमा तिराङ गिवी। कोन्‍छ्‍योककी सुङला साङ “खोला तेपा क्‍यानी टेङ्‍बु च्‍युङ्‍गुप मीतिवा ति तिवी क्‍यावु तेपा नेमा मिजी ङ्‍येकिवी।” सिनी टि वे।

रोमी 10:2

ङ दी ताम्‍ङे ति पङ्‍बु तेरिन। ती ति काङ यिन सिसिन, तिवी कोन्‍छ्‍योककी थोक्‍ला ल्‍यामो क्‍यानी शब्‍ज्‍यी कितुपला गा क्‍यासुङ, यिने चुक क्‍यानी खोला शब्‍ज्‍यी कि गोकिवी सिरुप ति तिवाला हाक्‍मोकोनोक।

रोमी 10:20

ती तप्‍की लुङ्‍तेम्‍बा यशैयाकी ङाडेङ क्‍यानी दुक सिक्‍या वे, “ङला मोछोलुप मीतिवाला ङे ठेसुङ, ङला मोलोङ्‍गुप मीतिवाला साङ ङे छ्‍या तेनिन।”

रोमी 11:7

त काङ सिरुप? इस्राएलकी मीतिवी कोन्‍छ्‍योककी थोङ्‍दाङला टेङ्‍बु च्‍युङ्‍गुप छाल्‍सिनाङ टेङ्‍बु च्‍युङ माथुप। यिने खोकी पेतुपतिवा तिराङ टेङ्‍बु वोतुप च्‍युङ्‍सुङ। तमा यम्‍बा लुवुतिवा ति तेरी सेम क्‍योङ्‍बु गाल्‍सुङ।

रोमी 3:22

ती कोन्‍छ्‍योक नेमा वावु टेङ्‍बु ति येशू ख्रीष्‍टला तेपा क्‍यासिमा मी तेरीला वुङ्‍गुप यिन। खोकी सुला साङ नाम्‍साङ ख्‍ये मेबेवी।

रोमी 3:26

खोकी हम क्‍यानी पर्च्या माताङ्‍नी तन्‍दा दी कल्‍वाला टेङ्‍बु वोतुप छ्‍या तेन्‍दुप तेन्‍दोक ति खो टेङ्‍बु वोतुप ताङ येशूला तेपा कितुपतिवा तेरी टेङ्‍बु वोतुप ति मीतिवाला हाक्‍को ज्‍यितुपला यिन।

रोमी 5:19

च्‍यिलासिसिन आदम मी च्‍यिककी कोन्‍छ्‍योककी कला माङ्‍येन्‍दुप तप्‍की मी बङी दिक्‍छेन च्‍युङ्‍गुप दोके त याङ येशू ख्रीष्‍ट मी च्‍यिककी कोन्‍छ्‍योककी कला ङ्‍येन्‍दुप तप्‍की मी बङीला दिक्‍पा ने थर्नी टेङ्‍बु च्‍युङ्‍सुङ।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।