रोमी 1:8 - कोन्छ्‌योककी सुङ

⁸ थल्‍माला ख्‍यिराङ तेरीकी थोक्‍ला येशू ख्रीष्‍टकी छ्‍योक नेमा ङ ङे कोन्‍छ्‍योकला थुचिछे बुल्‍गिवी, च्‍यिलासिसिन ख्‍यिरा खोला तेपा क्‍यावु ताम्‍ङे ति जम्‍बुलिङ तेरीला टम वे।

रोमी 1:8 Iomraidhean Croise

मत्ती 24:14

तमा दी कोन्‍छ्‍योककी ग्‍येल्‍खापकी लेन ल्‍यामु ति तेरी जम्‍बुलिङला ख्‍याप्‍टाक क्‍यानी तेरी मिरिककी मीतिवाला पङ्‍बु तेर्किवी। ती ज्‍युक्‍ला दी जम्‍बुलिङकी तिङ्‍मी तुजे गिवी।”

लूका 2:1

ती पेला रोमी ग्‍येल्‍वु अगस्‍टसकी खोरे लुङ्‍बी तेरी मीतिवाला दाक दाक्‍पी क्‍येवु दासाला मिङ टिनी थो ग्‍योप सिनी क बिन्‍नोक।

लोमा छ्‍येतिवी लाका 11:28

तिवी पर्ला अगाबस सिरुप कोन्‍छ्‍योककी लुङ्‍तेम्‍बा मिरा च्‍यिककी रोमकी लुङ्‍बा तेरीला छासे ङ्‍यिमा मर्वु शर्कितो सिनी कोन्‍छ्‍योककी थु चाङ्‍मा नेमा नम्‍दर शेसुङ। ती ति रोमकी ग्‍येल्‍वु क्‍लौडियसकी ङोला च्‍युङ्‍गिनोक।

लोमा छ्‍येतिवी लाका 28:22

यिने अच्‍युकी नासाम ति काङ नोक सिनी अच्‍युकी ख नेमा राङ ङ्‍येन्‍दुप ङ्‍यिरा नो वे। च्‍यिलासिसिन कनी साङ मीतिवा अच्‍युकी छोक्‍पाकी कोर्ला ताम्‍ङे मेलोवा तिराङ किवी सिरुप ति ङ्‍यिराङला छ्‍या वे।”

रोमी 10:18

यिने ङ ख्‍यिराङला ताम्‍ङे यी टेयी, काङ यहूदीतिवी खोकी सुङ माथोवु यिन रो? वुतुङ के तिवी खोकी सुङ थो वे। च्‍यिलासिसिन “कोन्‍छ्‍योककी सुङ ति जम्‍बुलिङ तेरीला ख्‍याप्‍टाक क्‍या वे, खोकी सुङ ति जम्‍बुलिङकी अन्‍तिम सेक्‍ला टम वे।” सिनी कोन्‍छ्‍योककी सुङला टि वे।

रोमी 16:19

ख्‍यिराङ खला ङ्‍येमु वोतुप ति तेरी मीतिवाला छ्‍या वे। तुक क्‍यानी ख्‍यिरा थोक्‍ला ङ छासे सेम गा लानी वे। यिने ख्‍यिराङ चुका ति टेङ्‍बु नोके, तीला राङ च्‍यङ्‍बु वुङ गोकिवी। चुका ति दुक्‍टा नोके, ती नेसुर कुतुक दे गोकिवी।

रोमी 6:17

यिने कोन्‍छ्‍योकला थुचिछे बुल गोकिवी, च्‍यिलासिसिन तोङ्‍ला ख्‍यिराङ थेङ्‍मा यी दिक्‍पाकी योक्‍पु च्‍युङ्‍नी वे, यिने त याङ ङ्‍यिरा ख्‍यिराङला कोन्‍छ्‍योककी कोर्ला नङ्‍गुप येन्‍देन ति टेङ्‍बु नोक सिनी ख्‍यिरा सेमगी दिङ नेज्‍युनी ङ्‍येन्‍दुप तप्‍की

१ कोरिन्‍थी 1:4

ङ ख्‍यिरा थोक्‍ला कोन्‍छ्‍योकला नरी थुचिछे बुलिन, च्‍यिलासिसिन येशू ख्रीष्‍ट नेसुर खोकी ख्‍यिराङला कटिन नङ वे।

२ कोरिन्थी 2:14

यिने कोन्‍छ्‍योकला थुचिछे, च्‍यिलासिसिन खोकी ङ्‍यिराङला शैतानकी खला ओङ्‍ज्‍येन कितुपला नरी ख्रीष्‍ट नेसुर गोमा किवी। तमा खोकी ख्रीष्‍टकी कोर्ला वोतुप रिक्‍पा ति छो ज्‍यीला फेल ज्‍यितुपला ङ्‍यिराङला दाल्‍जा किवी। ती रिक्‍पा ति टी जङ्‍बु खाप यिन।

एफिसी 1:15

तुक क्‍यानी ङ मोपोर कितुप पेला नरी ख्‍यिराङला टेन्‍नी कोन्‍छ्‌योकला थुचिछे बुलिन। च्‍यिलासिसिन चोवो येशूला ख्‍यिरा तेपा क्‍यावु ताङ तेरी तेपा कितुप मीतिवाला ख्‍यिरा च्‍यम्‍बा क्‍यावु ति ङे हाक्‍कोसुङ।

एफिसी 3:21

ती कोन्‍छ्‌योकला राङ थल्‍मा नेज्‍युनी तिङ्‍मा सेक चर्च ताङ येशू ख्रीष्‍ट नेसुर नरीकी नरी मोवा वुङ्‍शी। आमिन।

एफिसी 5:20

नरी तेरी ताम्‍ङेकी थोक्‍ला दाक्‍पी चोवो येशू ख्रीष्‍टकी मिङला पपा कोन्‍छ्‌योकला थुचिछे पुल।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

फिलिप्पी 1:3

नाम्‍साङ ख्‍यिराङला टेन्‍दुप पेला ङ ङे कोन्‍छ्‍योकला थुचिछे बुलिन।

कलस्सी 1:3

ङ्‍यिराङ ख्‍यिरा थोक्‍ला मोपोर कितुप पेला दाक्‍पी चोवो येशू ख्रीष्‍टकी पपा कोन्‍छ्‍योकला नरी थुचिछे बुल्‍गिवी।

१ थेसलोनिकी 1:2

ङ्‍यिराङ मोपोर कितुप पेला कोन्‍छ्‍योकला नरी थुचिछे पुल्‍नी ख्‍यिराङ तेरीला टेन्‍दा किवी,

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

२ तिमोथी 1:3

ङ ङ्‍यी ताङ नुप्‍ज्‍या मोपोर कितुप पेला ख्‍युरुङला नासाम तङ्‍नी चोवो कोन्‍छ्‍योकला थुचिछे बुलिन। ती कोन्‍छ्‍योकला ङे पगावा हङ्‍गावातिवी शब्‍ज्‍यी पुलुप दोके ङ साङ सेम टेङ्‍बु क्‍यानी शब्‍ज्‍यी बुलिन।

फिलेमोन 1:4

आङ फिलेमोन, ङ मोपोर कितुप पेला ख्‍युरुङला टेन्‍नी कोन्‍छ्‍योकला नरी थुचिछे बुलिन।

हिब्रू 13:15

तुक क्‍यानी दाक्‍पु येशू नेसुर नरी कोन्‍छ्‍योकला सोवा देकिन सिरा खोला जिन्‍बा तोङ्‍गुप। तुक क्‍यावु ति दाक्‍पी खोला चोवो कोन्‍छ्‍योक यिन सिनी मी यम्‍बाला पङ्‍बु तेरुप यिन।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।

१ पत्रुस 4:11

सी कोन्‍छ्‍योककी सुङ ख्‍याप्‍टाक किवे, तीकी कोन्‍छ्‍योक नेमा थोपुप ओङ नेसुर राङ ख्‍याप्‍टाक की। सी शब्‍ज्‍यी किवे, तीकी कोन्‍छ्‍योक नेमा वावु ओङ नेमा शब्‍ज्‍यी की। तमा ख्‍यिरा क्‍यावु तेरी लाका नेसुर येशू ख्रीष्‍टकी छ्‍योक ने कोन्‍छ्‍योकला सोवा वुङ्‍शी। तमा तेरी मोवा ताङ ओङ ति नाम्‍साङ मोतोरुप तुजे सेक कोन्‍छ्‍योकला वुङ्‍शी, आमिन।