रोमी 1:5 - कोन्छ्‌योककी सुङ

⁵ यहूदी मिन्‍दुप मिरिक यम्‍बाकी मीतिवी येशूला तेपा क्‍यानी खोकी सुङला ङ्‍येन्‍शी सिनी ङला खो नेमा कटिन ङ्‍येनी खोला शब्‍ज्‍यी कितुपला खोकी लोमा छ्‍ये च्‍युङ्‍गुप यिन।

रोमी 1:5 Iomraidhean Croise

यूहन्‍ना 1:16

खोकी छाछिङी नेमा दाक्‍पुला नरीकी नरी कटिन मङ्‍मु थोप्‍नी वे।

लोमा छ्‍येतिवी लाका 1:25

तमा ती पेतुप मी ति लोमा छ्‍येकी छापला देनी शब्‍ज्‍यी कितुप लाका कि थुप्‍शी। च्‍यिलासिसिन ती शब्‍ज्‍यी बुलुप लाका ति यहूदाकी क्‍युर ज्‍याक्‍नी ती ति ङ्‍येलाला गाल।”

लोमा छ्‍येतिवी लाका 15:14

यहूदी मिन्‍दुप मिरिक यम्‍बाकी मीतिवी पर नेमा कोन्‍छ्‍योककी खोरो थोक्‍ला गिपा मिरा च्‍यिक पेतुप ताम्‍ङे ति सिमोन पत्रुसकी सिक्‍या वे।

लोमा छ्‍येतिवी लाका 6:7

तुक राङ क्‍यानी कोन्‍छ्‍योककी सुङ ति फेल गल्‍नी यरूशलेमला साङ कोन्‍छ्‍योकला तेपा कितुपतिवा बङी गाल। तमा यहूदी ल्‍हङाङकी कोङ्‍यारतिवी नाङ ने बङीकी तिवी क्‍यावु तेपा ति सेमला लासुङ।

लोमा छ्‍येतिवी लाका 9:15

यिने चोवोकी हननियाला सुङ्‍सुङ, “ख्‍युरुङ ग्‍युक! गल्‍नी ङे काङ सिक्‍यावे, ती ति की! च्‍यिलासिसिन शाऊल ति मिरिक यम्‍बातिवा ताङ ग्‍येल्‍वुतिवा ताङ इस्राएल मीतिवाला ङे सुङ ख्‍याप्‍टाक कितुपला पेतुप मी यिन।

रोमी 12:3

कोन्‍छ्‍योककी ङला नङ्‍गुप कटिन नेसुर ङ ख्‍यिराङ रे रेला ठाकुरे सिनी गोङ्‍बा शोयी। ख्‍यिराङ छ्‍युङा यिन्‍सिनाङ, खुरुङ राङ छ्‍ये यिन सिनी सु साङ नासाम मातोङ। यिने कोन्‍छ्‍योककी ख्‍यिराङला चो तेपा नङ वे, ती ति ल्‍यामो हाक्‍कोनी ती दोके मिजी क्‍योङ।

रोमी 16:26

यिने त याङ ती छ्‍याकला वोतुप लेन ल्‍यामु ति कोन्‍छ्‍योककी लुङ्‍तेम्‍बातिवी टिवु खोकी सुङला ल्‍यामो क्‍यानी ठछ्‍येली हाक्‍को थुपुप गल वे। तमा नरीकी नरी लुवु कोन्‍छ्‍योककी क नेसुर यहूदी मिन्‍दुप मिरिक यम्‍बाकी मीतिवा तेरीकी तेपा क्‍यानी खोकी सुङला ङ्‍येन्‍सुङ।

रोमी 3:29

काङ कोन्‍छ्‍योक ति यहूदीतिवी तिराङ कोन्‍छ्‍योक यिन रो? यहूदी मिन्‍दुप मिरिक यम्‍बाकी मीतिवी कोन्‍छ्‍योक मिन रो? वुतुङ के खो यहूदी मिन्‍दुप मिरिक यम्‍बाकी मीतिवी कोन्‍छ्‍योक साङ यिन।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

१ कोरिन्‍थी 9:2

मी यम्‍बी ङला लोमा छ्‍ये मिन सिक्‍यासिनाङ ख्‍यिरा थोक्‍ला ति ङ लोमा छ्‍ये यिन, च्‍यिलासिसिन ङे ख्‍यिराङला चोवो येशूकी कोर्ला लेन ल्‍यामु ख्‍याप्‍टाक क्‍यासिमा ख्‍यिरा खोला तेपा क्‍यावु तप्‍की ख्‍यिरा ङला लोमा छ्‍ये यिन सिनी पङ्‍बु तेर्किवी।

एफिसी 1:12

तुक क्‍यानी दाक्‍पु गोमाला नेज्‍युनी ख्रीष्‍टला रेवा कितुपतिवा तेरीकी कोन्‍छ्‌योकला मोवा ताङ सोवा देकुपला खोकी पेन नङ्‍गुप यिन।

एफिसी 1:6

तुक क्‍यानी खोकी ङ्‍यिङ्‍ज्‍येवु सेवु नेसुर दाक्‍पुला तुक राङ नङ्‍गुप खोकी मोवा वोतुप कटिनकी थोक्‍ला सोवा देकुप।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।