रोमी 1:3 - कोन्छ्‌योककी सुङ

³ ती येशू ख्रीष्‍ट ति जम्‍बुलिङकी ताम्‍ङे कितुप पेला ग्‍येल्‍वु दाऊदकी गिपा नेमा क्‍येवु यिन।

रोमी 1:3 Iomraidhean Croise

मत्ती 1:1

येशू ख्रीष्‍ट ति अब्राहाम ताङ ग्‍येल्‍वु दाऊदकी गिपा यिन। दिवा ति अब्राहाम ताङ ग्‍येल्‍वु दाऊदकी गिपा येशू ख्रीष्‍टकी पगावा हङ्‍गावातिवा यिन।

मत्ती 1:16

याकूबकी पुज्‍युङ ति योसेफ नोक। योसेफकी पेर्मी ति मरियम नोक। तमा ती मरियम नेमा येशू क्‍येवु यिन। ती येशूला ख्रीष्‍ट सिनी सिवी।

मत्ती 1:6

यिशैकी पुज्‍युङ ति ग्‍येल्‍वु दाऊद नोक। दाऊदकी पुज्‍युङ ति सोलोमन नोक। सोलोमनकी आमा ति गोमाला उरियाहकी पेर्मी यिनोक।

मत्ती 12:23

ती थोङ्‍सिमा मी माङ्‍छ्‍योक हलेवा लानी, “काङ दी याङ ग्‍येल्वु दाऊदकी गिपा यिन्‍दे की?” सिनी सिक्‍यासुङ।

मत्ती 15:22

ती लुङ्‍बाला राङ कनानी पुम्‍पेजा यी येशूकी चाला वानी च्‍यार ग्‍यकिन सिरा “ओ चोवो, दाऊदकी गिपा, ङला च्‍यम्‍बा किटे की। ङे पुमला डे ग्‍यप्‍नी छासे छेटाङ ख्‍येल्‍नी वे।” सिनी सिक्‍यासुङ।

मत्ती 26:63

यिने येशू खरक्‍पा ज्‍युसुङ। येलुङ तेरी सिनाङ कोङ्‍यार छ्‍ये तीकी येशूला “ख्‍युरुङ ङोसु वोतुप कोन्‍छ्‍योकला न क्‍यल्‍नी ङ्‍यिराङला टेङ्बु सी। काङ ख्‍युरुङ कोन्‍छ्‍योककी सेवु ख्रीष्‍ट राङ यिन?” सिनी टिसुङ।

मत्ती 27:43

दीकी कोन्‍छ्‍योकला रेवा क्‍यासुङ। दोजो कोन्‍छ्‍योककी नोवा वोसिन खोकी राङ दीला र्‍होकिते यिन्‍दे, च्‍यिलासिसिन दीकी ‘ङ कोन्‍छ्‍योककी पुज्‍युङ यिन।’ सिनी सिक्‍या वे।”

मत्ती 3:17

ती पेला देवाच्‍येन नेमा “दी ति ङे ङ्‍यिङ्‍ज्‍येवु पुज्‍युङ यिनो। ङ दीकी मुला छासे गा लानी वे।” सिरुप वोरु यी ग्‍यप्‍सुङ।

मत्ती 9:27

तेसुर येशू फेपिन कितुप पेला मिक मोथोङ्‍गुप मी मिरा ङ्‍यीकी “ओ दाऊदकी गिपा येशू! ङ्‍यिराङला च्‍यम्‍बा की।” सिनी वोरु देनिन सिरा खोकी तिङ्‍ला तिङ्‍यासुङ।

लूका 1:35

देवाच्‍येनकी लेन क्‍योलुप थु तीकी तीला सिक्‍यासुङ, “कोन्‍छ्‍योककी थु चाङ्‍मा ख्‍योरो खला फेप्‍कितो, तमा चोछ्‍येवु कोन्‍छ्‍योककी ओङ ति ख्‍योरो खला ख्‍येल्‍गितो। तुक क्‍यानी क्‍येप आङा ति चाङ्‍मा वोतुप यिन, मीतिवी खोला कोन्‍छ्‍योककी सेवु सिनी सितो।

लूका 1:69

खोकी खोरो लावा दाऊदकी गिपा नेमा दाक्‍पुला दिक्‍पा ने थर ज्‍यितुप ओङ छ्‍येवु मिरा च्‍यिक ताङ वे।

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 1:34

ती ताम्‍ङे ति ङे थोङ्‍सुङ, तुक क्‍यानी खो ति कोन्‍छ्‍योककी सेवु यिन सिनी ङे पङ्‍बु बिनिन।”

यूहन्‍ना 1:49

तमा नथानेलकी येशूला “रब्‍बी, रब्‍बी याङ कोन्‍छ्‍योककी सेवु के यिन, तमा इस्राएलकी ग्‍येल्‍वु के यिनोक।” सिनी सिक्‍यासुङ।

यूहन्‍ना 10:30

ङ ताङ पपा ति च्‍यिक राङ यिन।”

यूहन्‍ना 10:36

तुकै यिन्‍सिन पपी पेनी दी जम्‍बुलिङला तङ्‍गुप तीकी ‘ङ कोन्‍छ्‍योककी पुज्युङ यिन।’ सिनी सिक्‍यावु ताम्‍ङेला ख्‍यिरा च्‍यिला दीकी कोन्‍छ्‍योकला मारे तङ्‍गुप यिन सिनी क्‍येन बिन्‍दुप यिन?

यूहन्‍ना 20:28

तमा थोमाकी खोला “ओ ङे चोवो, ओ ङे कोन्‍छ्‍योक।” सिनी सिक्‍यासुङ।

यूहन्‍ना 20:31

यिने दी थेप टिवु तेन्‍दोक ति येशू ति ख्रीष्‍ट राङ यिन्‍दुप ताङ कोन्‍छ्‍योककी सेवु यिन्‍दुप ति ख्‍यिरा तेपा किशी, तमा खोला तेपा क्‍यानी ख्‍यिराङला नाम्‍साङ मिशिवु मिजी ङ्‍येशी सिनी यिन।

यूहन्‍ना 5:25

“ङ ख्‍यिराङला टेङ्‍बो सिरिन, तुजे यी वुङ्‍यिन वे। ती तुजे ति वानिङ सिन वे। ती तुजेला शेपतिवी कोन्‍छ्‍योककी पुज्‍युङकी वोरु थोकिवी, तमा ती वोरु थोवुतिवा ति शेप ने सेन्‍बु लङ्‍गिवी।

यूहन्‍ना 7:42

कोन्‍छ्‍योककी सुङला ख्रीष्‍ट याङ ग्‍येल्‍वु दाऊदकी गिपा नेसुर गितो, तमा दाऊदकी युल बेथलेहेमला क्‍येकितो सिनी सुङ्‍गुप मिन रो?” सिनी सिक्‍यासुङ।

लोमा छ्‍येतिवी लाका 2:30

खो कोन्‍छ्‍योककी लुङ्‍तेम्‍बा यी यिन्‍दुप तप्‍की खोरे गिपा नेमा राङ मिरा च्‍यिक ग्‍येला कितुप मी क्‍येनी खोरे ठीला देकिवी सिरुप दाऊदला छ्‍या नोक। दी ति कोन्‍छ्‍योककी दाऊद ताङ मुला थाक्‍छ्‍येवु यिन।

लोमा छ्‍येतिवी लाका 3:13

अब्राहाम ताङ इसहाक ताङ याकूब ताङ दाक्‍पी पगावा हङ्‍गावाकी कोन्‍छ्‍योककी खोला शब्‍ज्‍यी बुलुप येशूला मोवा कि छ्‍योवु जो नाङ्‍सुङ। ती येशूला राङ ख्‍यिरा पिलातसकी लकला चेक तेतुप यिन। तमा पिलातसकी खोला पिताङ तोङ्‍गुप सिक्‍यासिनाङ ख्‍यिराङ माङ्‍येन।

लोमा छ्‍येतिवी लाका 8:36

तेसुर तिवा डोयी कितुप पेला छ्‍यु वोतुप दासा यीला लेप्‍सुङ। तमा ती मी तीकी फिलिपला “ल्‍हो ताङ, दे छ्‍यु नोक। काङ ङला बप्‍तिस्‍मा तेर थुप्‍किवी?” सिनी सिक्‍यासुङ।

लोमा छ्‍येतिवी लाका 9:20

ते शार्क्येक तीकी येशू ति कोन्‍छ्‍योककी सेवु राङ यिन सिनी यहूदी छ्‍योखाङतिवी नाङ्‍ला ख्‍याप्‍टाक कितुप छाल्‍सुङ।

रोमी 1:9

ङ ङे सेमगी दिङ नेज्‍युनी खोकी सेवु येशू ख्रीष्‍टकी थोक्‍ला लेन ल्‍यामु ख्‍याप्‍टाक क्‍यानी खोला शब्‍ज्‍यी क्‍यावु तप्‍की ङे नरी ख्‍यिराङला टेन्‍नी ङ्‍यी ताङ नुप्‍ज्‍या ख्‍यिरा थोक्‍ला मोपोर क्‍यावु ति कोन्‍छ्‍योकला राङ छ्‍या वे।

रोमी 4:1

तुक क्‍यानी दाक्‍पी हङ्‍गावा अब्राहाम ति कोन्‍छ्‍योककी थोङ्‍दाङला टेङ्‍बु वोतुप कोर्ला काङ हाक्‍कोसुङ?

रोमी 9:3

ङरा यहूदी अच्‍युनुपतिवी थोक्‍ला यिन्‍सिन ङला काङ मोताप तप्‍सिनाङ, ख्रीष्‍ट नेसुर क्‍युन ज्‍याक्‍सिनाङ ङला गा लङ्‍गिवी।

रोमी 9:5

ती तिराङ मिन, तिवा ति अब्राहाम ताङ इसहाक ताङ याकूबकी गिपातिवा यिन। येशू ख्रीष्‍ट साङ तिवी गिपा नेमा राङ क्‍येवु यिन। ती येशू ख्रीष्‍ट ति जम्‍बुलिङ तेरीकी खला चोछ्‍ये वोतुप कोन्‍छ्‍योक यिन। खोला राङ नरी सोवा वुङ्‍शी, आमिन।

१ कोरिन्‍थी 1:9

कोन्‍छ्‍योक ति खोङ्‍तेर्मु वे। खोकी खोरे सेवु दाक्‍पी चोवो येशू ख्रीष्‍टकी मुला डिक्‍जोम कितुपला ख्‍यिराङला कताङ नङ वे।

१ कोरिन्‍थी 10:18

इस्राएलकी मिरिकतिवाला नासाम तोङ। कोन्‍छ्‍योककी थोक्‍ला जिन्‍बा पुलुप श साप ति जिन्‍बा बुलुप मीतिवी मुला दला शुकुप यिन।

गलाती 4:4

यिने तुजे छेसिमा कोन्‍छ्‍योककी खोरे सेवुला दी जम्‍बुलिङला तङ्‍नी पुम्‍पेजा यीकी खोक नेमा मोशाकी ठिमकी ओङला क्‍येसुङ।

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

१ तिमोथी 2:5

कोन्‍छ्‍योक ति च्‍यिक राङ ज्‍यु वे। तमा कोन्‍छ्‍योक ताङ मीतिवी पर्ला डिक्‍नी तम्‍जी ल्‍यामु जोप मिरा च्‍यिक वे। ती मी ति ख्रीष्‍ट येशू यिन।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

२ तिमोथी 2:8

ग्‍येल्‍वु दाऊदकी गिपाला क्‍येवु येशू ख्रीष्‍टला नरी नासाम तोङ। कोन्‍छ्‍योककी खोला टुङ्‍गुप ने ङोसु लङ्‍गुप यिन। ङे ख्‍याप्‍टाक क्‍यावु लेन ल्‍यामु ति दी राङ यिन।

१ यूहन्‍ना 1:3

ङ्‍यिरा काङ थोङ्‍गुप ताङ थोवु ति ख्‍यिराङला सिरिन वे। च्‍यिलासिसिन ख्‍यिराङ ङ्‍यिरा मुला डिक्‍जोम च्‍युङ्‍नी तम्‍जी ल्‍यामु वुङ्‍शी। तमा ङ्‍यिरा डिक्‍जोम ति पपा कोन्‍छ्‍योक ताङ खोकी सेवु येशू ख्रीष्‍टकी मुला जो वे।

१ यूहन्‍ना 3:23

खोकी दाक्‍पुला नङ्‍गुप क ति दी यिन। दाक्‍पी येशू ख्रीष्‍टला तेपा कि गोकिवी, तमा येशू ख्रीष्‍टकी दाक्‍पुला सुङ्‍गुप दोके च्‍यिककी च्‍यिकला ङ्‍यिङ्‍ज्‍ये कि गोकिवी।

१ यूहन्‍ना 3:8

सी दिक्‍पा किवे, ती ति डेकी ति यिन। च्‍यिलासिसिन डेकी गोमा नेज्‍यु दिक्‍पा कियी वे। तुक क्‍यानी डेकी लाकातिवा ना तोङ्‍गुपला राङ कोन्‍छ्‍योककी सेवु येशू ख्रीष्‍ट फेवु यिन।

१ यूहन्‍ना 4:15

चुका मी तीकी येशू ति कोन्‍छ्‍योककी सेवु यिन सिनी मी मिङ्‍गाला सिवे, तीकी मुला कोन्‍छ्‍योक ज्‍युकिवी, तमा ती मी ति कोन्‍छ्‍योककी मुला वे सिरुप ति हाक्‍कोकिवी।

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।

१ यूहन्‍ना 5:5

जम्‍बुलिङला ग्‍येलुप ति सु यिन सिसिन, येशू ति कोन्‍छ्‍योककी सेवु यिन सिनी तेपा कितुप तिराङ जम्‍बुलिङला ग्‍येलुप यिन।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।

ज्‍यल्‍का 2:18

“थिआटीराला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति मे बरुप दोके मिक ताङ काँसा शिनी वो ग्‍यकुप दोके शाप वोतुप कोन्‍छ्‍योककी सेवुकी सुङ्‍गुप यिन।