रोमी 1:26 - कोन्छ्‌योककी सुङ

²⁶ ती तप्‍की कोन्‍छ्‍योककी तिवाला ङोजु मेतुप लाका कि ज्‍यितुपला पि ताङ ताङ्‍सुङ। तिवा पुम्‍पेजातिवी साङ पुम्‍पेजातिवी मुला राङ शम्‍डेन क्‍यानी लाका मेलोवा क्‍यासुङ।

रोमी 1:26 Iomraidhean Croise

रोमी 1:24

तुक क्‍यानी कोन्‍छ्‍योककी तिवाला तिवी सेमला काङ मेलोक्‍पा कियी दे लङ्‍गुप ति किशी नोनी पि ताङ ताङ्‍सुङ। ती तप्‍की तिवा तिवी खोप्‍रे पर्ला राङ ङोछा मेतुप लाकातिवा क्‍यासुङ।

रोमी 1:28

कोन्‍छ्‍योकला तिवी सेमला ज्‍योकुप नो माक्‍यावु तप्‍की खोकी तिवाला खोप्‍रे काङ कियी दे लङ्‍गिवे, तुकै राङ किशी सुङ्‍नी तिवाला मेलोवा कि ज्‍यितुपला क्‍युर्नी ज्‍याक्‍सुङ।

१ कोरिन्‍थी 6:9

दुक्‍टा कितुप मीतिवा कोन्‍छ्‍योककी ग्‍येल्‍खापला लेप मुथुपी सिरुप ति ख्‍यिराङला छ्‍या मे? ल्‍यामु क्‍यानी हाक्‍कोवा की। छ्‍येवु छ्‍येमु कितुपतिवा, कुला छ्‍यो तोङ्‍गुपतिवा, शम्‍डेन कितुपतिवा, ख्‍योक्‍पेजा ख्‍योक्‍पेजी पर्ला राङ शम्‍डेन कितुपतिवा,

एफिसी 4:19

तिवा ङोछा मेतुप ताङ शम्‍डेन कितुप ताङ देर्पाला ख्‍येल्‍नी सेम नोजु कितुप गल वे।

एफिसी 5:12

च्‍यिलासिसिन तुका मीतिवी छ्‌याकला क्‍यावु लाका मेलोक्‍पातिवी कोर्ला ताम्‍ङे कितुप साङ ङोछा यिन।

१ थेसलोनिकी 4:5

कोन्‍छ्‍योकला ङो माशेवु मिरिक यम्‍बातिवा दोके शम्‍डेन माकी सिनी सिक्‍यावु यिन।

१ तिमोथी 1:10

शम्‍डेन कितुपतिवा ताङ ख्‍योक्‍पेजा ख्‍योक्‍पेजी मुला ङोजु मेतुप लाका कितुप ताङ मीतिवाला लुनी चोङ्‍गुपतिवा ताङ जिनोक जोपतिवा ताङ जिनोक जोनी न क्‍योलुपतिवा ताङ येन्‍देन टेङ्‍बुकी तेन्‍दोकला लङ्‍गुपतिवी थोक्‍ला यिन।

यहूदा 1:10

यिने ती मीतिवी याङ खोरो हाक राङ माकोवु ताम्‍ङे चुकै यिन्‍सिनाङ मारे तङ्‍नी क्‍येन तेर्किवी। तमा तिवी तेरी ताम्‍ङेतिवा ल्‍यामु हाक्‍कोकिवी सिनी रिक्‍पा मेतुप छ्‍युङ्‍मातिवा दोके क्‍यानी लाका किवी। तुक क्‍यानी तिवा रिक्‍पा मेतुप लाकाकी तेन्‍दोकला राङ ना डिवी।

यहूदा 1:7

तुक राङ क्‍यानी सदोम ताङ गमोरा ताङ तिवी गारी गुरीकी ग्‍येसाकी मीतिवी साङ रे ताङ ङ्‍यी क्‍यानी छ्‍येवु छ्‍येमु कितुप ताङ ङोजु मेतुप शम्‍डेनतिवा क्‍यासुङ। तमा तिवा नाम्‍साङ मिशिवु मे नाङ्‍ला ख्‍येल्‍नी तिवी क्‍यावु लाका मेलोक्‍पाकी थोक्‍ला तिवाला मेकी छ्‍येर्पा फोकुप नमुना च्‍युङ्‍सुङ।