रोमी 1:23 - कोन्छ्‌योककी सुङ

²³ तिवी नाम्‍साङ ना मोडोवु कोन्‍छ्‍योकला मोवा माक्‍यानी ना डोप मी ताङ च्‍यच्‍युम ताङ ठेक्‍पा ज्‍यी चुनी युकुप छ्‍युङ्‍मा ताङ जु टिन युकुप सेम्‍ज्‍येन दोके कु जोनी तिवाला मोवा कितुप गल वे।

रोमी 1:23 Iomraidhean Croise

लोमा छ्‍येतिवी लाका 10:12

ती च्‍यादार खला जम्‍बुलिङकी नम्‍बा कुतुक कुतुक ठेक्‍पा ज्‍यी चुनी युकुप सेम्‍ज्‍येन ताङ जु टिनी युकुप बु ताङ नामला फुरुप च्‍यच्‍युमतिवा तेरी नोक।

लोमा छ्‍येतिवी लाका 17:29

दाक्‍पु कोन्‍छ्‍योककी गिपातिवा यिन्‍दुप तप्‍की खो ति मी लाक्‍पी लक्‍शी नेसुर नासाम तङ्‍नी सेर, ङुल ताङ दो थ्‍योनी जोवु दोके यिन सिनी नासाम तोङ्‍गुप मेङ्‍गिवी।

रोमी 1:25

तिवा कोन्‍छ्‍योक टेङ्‍बुला ति मेटेङ्‍बु जोनी जम्‍बुलिङ ज्‍येङ्‍गुप कोन्‍छ्‍योकला ति मोवा माक्‍यानी खोकी ज्‍ये नङ्‍गुप च्‍यालकतिवाला के सोवा देकुप ताङ शब्‍ज्‍यी कितुप छाल्‍सुङ। जम्‍बुलिङ तेरी ज्‍येङ्‍गुप कोन्‍छ्‍योकला नरी सोवा वुङ्‍शी, आमिन!

१ कोरिन्‍थी 12:2

ख्‍यिराङ कोन्‍छ्‍योकला ङो माशेवु पेला ताम्‍ङे लप मुथुपुप कुतिवाला सोवा देकुपला तिवी थाकाला गलुप ति ख्‍यिराङला छ्‍या वे।

१ पत्रुस 4:3

तोङ्‍ला याङ ख्‍यिराङ साङ यहूदी मिन्‍दुप मिरिक यम्‍बाकी मीतिवा दोके दुक्‍टा कितुप ताङ नासाम मेलोक्‍पा तोङ्‍गुप ताङ छ्‍याङ्‍गेले कितुप ताङ ङ्‍याम तोङ्‍गुप ताङ सज्‍युरे कितुप ताङ कुतिवाला तेन्‍नी ङोछा लङ्‍गुप लाका क्‍यानी बङी लाताक च्‍यक्‍सुङ।

ज्‍यल्‍का 9:20

दुका छेटाङ नेसुर मासेनी लुवु मीतिवी खोप्‍रे लाक्‍पी क्‍यावु लाका नेसुर सेम माग्‍युर्नोक। तमा तिवी डेतिवाला तेन्‍दुप ताङ, सेर ताङ ङुल ताङ सेर्मु ताङ दो ताङ शिङगी कुला तेन्‍दुप क्‍युर्नी माज्‍याक। तिवा ति थोङ्‍गुप साङ मोथोङ्‍गुप ताङ थो साङ मुथुपुप ताङ युक साङ मुथुपुप यिन।