रोमी 1:17 - कोन्छ्‌योककी सुङ

¹⁷ ती लेन ल्‍यामु ति कोन्‍छ्‍योककी थोङ्‍दाङला दाक्‍पु दिक्‍छेनतिवाला चुक क्‍यानी टेङ्‍बु वोतुप जोवु ति छ्‍या तेन्‍सुङ। ती टेङ्‍बु ति दाक्‍पी येशूला तेपा क्‍यासिमा तिराङ गिवी। कोन्‍छ्‍योककी सुङला साङ “खोला तेपा क्‍यानी टेङ्‍बु च्‍युङ्‍गुप मीतिवा ति तिवी क्‍यावु तेपा नेमा मिजी ङ्‍येकिवी।” सिनी टि वे।

रोमी 1:17 Iomraidhean Croise

यूहन्‍ना 3:36

सी कोन्‍छ्‍योककी सेवुला तेपा किवे, तीला नाम्‍साङ मिशिवु मिजी थोप्‍किवी। यिने सी कोन्‍छ्‍योककी सेवुला तेपा मिकिवे, तीला ती मिजी मोथोपिवी, बोरु कोन्‍छ्‍योककी पर्च्या तीकी खला ख्‍येल्‍गिवी।”

रोमी 10:3

तिवी कोन्‍छ्‍योककी थोङ्‍दाङला टेङ्‍बु ङ्‍येतुप ति हाक्‍माकोनी खोप्‍रे राङ टेङ्‍बु कितुप लाका तिराङ क्‍यासिमा खोकी थोङ्‍दाङला टेङ्‍बु ङ्‍येतुपला माङ्‍येन।

रोमी 3:21

यिने त याङ मोशाकी ठिम मेसिनाङ कोन्‍छ्‍योक नेमा वावु टेङ्‍बु ति छ्‍या तेन वे। तीकी कोर्ला मोशाकी ठिम ताङ कोन्‍छ्‍योककी लुङ्‍तेम्‍बातिवी गोमाला के पङ्‍बु बिन वे।

रोमी 3:22

ती कोन्‍छ्‍योक नेमा वावु टेङ्‍बु ति येशू ख्रीष्‍टला तेपा क्‍यासिमा मी तेरीला वुङ्‍गुप यिन। खोकी सुला साङ नाम्‍साङ ख्‍ये मेबेवी।

रोमी 3:3

दोजो तिवा ललाइकी ती सुङला तेपा माक्‍यासिन तिवी तेपा माक्‍यावु तप्‍की कोन्‍छ्‍योक ति खोङ्‍तेर्मु मेतुप कोन्‍छ्‍योक यिन रो?

रोमी 9:30

तुक क्‍यानी दाक्‍पु काङ सिरुप? यहूदी मिन्‍दुप मिरिक यम्‍बाकी मीतिवी कोन्‍छ्‍योककी ठिमला सिक्‍यावु दोके माक्‍यासिनाङ खोकी थोङ्‍दाङला टेङ्‍बु च्‍युङ वे। ती टेङ्‍बु ति तेपा क्‍यावु तप्‍की च्‍युङ्‍गुप यिन।

२ कोरिन्थी 3:9

दोजो मीला क्‍येन तेरुप शब्‍ज्‍यीकी लाकाला साङ तुका वोसिर वोसिन मीला टेङ्‍बु जोप शब्‍ज्‍यी कितुप लाकाला याङ मङ चोके वोसिर ग्यकुप वोते।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

गलाती 3:11

दी तेरी ल्‍हानी काङ हाक्‍कोकिवी सिसिन, कोन्‍छ्‍योककी थोङ्‍दाङला मीतिवा सु साङ ठिमला तेन्‍नी टेङ्‍बु च्‍युङ मुथुपी, च्‍यिलासिसिन “टेङ्‍बु ति तेपा क्‍यानी तिराङ च्‍युङ थुप्‍किवी।” सिनी सुङला टि वे।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।

हिब्रू 10:38

ङे थोङ्‍दाङला टेङ्‍बु च्‍युङ्‍गुप मीतिवा ति ङला तेपा क्‍यानी सेन्‍बु लुकिवी, यिने ङला तेपा कितुप क्‍युर्नी ज्‍योकुप तीकी मुला ति ङ गा मिकी।” सिनी टि वे।