रोमी 1:12 - कोन्छ्‌योककी सुङ

¹² तुक क्‍यासिन ख्‍यिरा क्‍यावु तेपाकी ङला ङाडेङ ङ्‍येशी, ङे क्‍यावु तेपाकी ख्‍यिराङला ङाडेङ ङ्‍येशी सिनी ङला रेवा वे।

रोमी 1:12 Iomraidhean Croise

लोमा छ्‍येतिवी लाका 11:23

बारनाबास ते लेप्‍सिमा तेकी मीतिवाला कोन्‍छ्‍योककी कटिन थोपुप थोङ्‍नी गा क्‍यासुङ। तमा सेमगी दिङ नेज्‍युनी चोवो येशूला तेपा रम्‍बु क्‍यानी दे गोकितो सिनी तिवाला टोङ्‍गु बिन्‍सुङ।

रोमी 1:11

ङ ख्‍यिराङला ठेतुप छासे नो क्‍यावु तेन्‍दोक ति ख्‍यिराङला तेपा रम्‍बु जोपला कोन्‍छ्‍योककी थु चाङ्‍मा नेमा वुङ्‍गुप कटिनकी ङ्‍येम्‍बा ति ख्‍यिराङला साङ शेतुप सिनी यिन।

रोमी 1:13

अच्‍युनुपतिवा, दी ताम्‍ङे ति ख्‍यिरा ल्‍यामु हाक्‍कोशी सिरुप ति ङे नोवा वे। काङ यिन सिसिन ङ ति थेङ्‍मा अलायी सेक ख्‍यिराङला ठेतुपला वुङ्‍गुप नो क्‍यायी। च्‍यिलासिसिन ङ ख्‍यिराङला गल्‍नी यहूदी मिन्‍दुप मिरिक यम्‍बाकी मीतिवी पर्ला तेपा रम्‍बु वोतुप मीतिवा अलायी ल्‍हावु दोके ख्‍यिराङ रोमला वोतुपतिवी पर नेमा साङ तेपा रम्‍बु वोतुप मीतिवा ल्‍हाप ङला नो वे। यिने तन्‍दा सेक ङला देराङ क्‍येक्‍नी ज्‍याङ वे।

रोमी 15:24

ङ स्‍पेनला डोप पेला ख्‍यिराङला साङ ठेनी ख्‍यिरा मुला चेयी पर सेक लोदिमु कितुप नो क्‍यायी। तमा ङ स्‍पेनला डोप पेला ख्‍यिरा ङला दाल्‍जा किवी सिरुप ति ङला रेवा वे।

रोमी 15:32

तमा कोन्‍छ्‍योककी नोवा वोसिन ङ ख्‍यिरा ते वासिमा ख्‍यिरा मुला सेम गा क्‍यानी च्‍यिककी च्‍यिकला टोङ्‍गु तेर थुप्‍शी सिनी मोपोर क्‍या नाङ।

२ कोरिन्थी 7:13

ती तेरी हाक्‍कोसिमा ङ्‍यिराङला छासे टोङ्‍गु ङ्‍येसुङ। तोजो तिराङ मिन, ख्‍यिराङ तेरीकी तीतसला गासो शुनी तीकी सेमला लोदिमु जोवु तप्‍की ङ्‍यिराङला मङ छासे गा लाङ्‍सुङ।

एफिसी 4:5

चोवो कोन्‍छ्‌योक ताङ तेपा ताङ बप्‍तिस्‍मा च्‍यिक राङ यिन।

२ तिमोथी 1:4

ख्‍योरो सेम्‍दुक क्‍यानी मिक्‍च्‍युर तङ्‍गुप ति नासाम शर्नी ङ ख्‍युरुङला ठेयिन्‍दे लङ्‍गिनोक। ख्‍युरुङला ठेतुप ङ्‍येसिन ङला छासे सेम लोदिमु गिवी।

तीतस 1:4

येशू ख्रीष्‍टला तेपा कितुप च्‍यिक राङ वोतुप ङे आङ तीतसला दी यिकी टिवु यिनो। पपा कोन्‍छ्‍योक ताङ दाक्‍पुला दिक्‍पा ने थर ज्‍यितुप येशू ख्रीष्‍टकी कटिन ताङ लोदिमु ख्‍युरुङला नङ्‍शी।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

२ यूहन्‍ना 1:4

ख्‍योरो पुज्‍युङपुमतिवा ललाइ ललाइ पपा कोन्‍छ्‍योककी नङ्‍गुप कला वोतुप दोके क्‍यानी खोकी सुङ टेङ्‍बुला युवु ति ङ्‍यिरा हाक्‍कोसुङ। तुक क्‍यानी ङ्‍यिराङला छासे गा लानी वोतो।

यहूदा 1:3

ङे ङ्‍यिङ्‍ज्‍येवु अच्‍युनुपतिवा, दाक्‍पु तेरीला थोपुप थर्वाकी कोर्ला ङ ख्‍यिराङला टिकुपला छासे नो लासुङ। यिने त याङ कोन्‍छ्‍योककी खोरे मीतिवाला थेङ्‍मा च्‍यिक नङ्‍सिमा नरीकी नरी लुवु तेपा ति ख्‍यिरा छासे रम्‍बु क्‍यानी र्‍होक सिनी ङाडेङ तेरुपला ङे दी यिकी टिकुप ति ल्‍यामु यिन सिनी नोसुङ।