रोमी 1:1 - कोन्छ्योककी सुङ1 रोमला वोतुप मीतिवा तेरीला टसी देलेक! दी यिकी ति येशू ख्रीष्टकी थोक्ला लावा च्युङ्गुप ङ पावलकी टिवु यिनो। ङ ति कोन्छ्योककी लेन ल्यामु ख्याप्टाक कितुप ताङ लोमा छ्ये च्युङ्गुपला खोकी पेन नङ्गुप यिन। Faic an caibideil |
रोमी 1:1
73 Iomraidhean Croise
कोन्छ्योककी ङला नङ्गुप कटिनकी जोसालेन्सिन ङ ति येशू ख्रीष्टकी थोक्ला शब्ज्यी बुलुप मी च्युङ्नी यहूदी मिन्दुप मिरिक यम्बाकी मीतिवाला लेन ल्यामु ख्याप्टाक कितुप कोङ्यारकी लाकातिवा कितुपला पेन नङ्गुप यिन। तुक क्यानी यहूदी मिन्दुप मिरिक यम्बाकी मीतिवा साङ खोकी थु चाङ्माकी ओङला टेङ्बु च्युङ्नी खोला गा लङ्गुप बुल्वा च्युङ थुप्शी।
गोमाला ङ्यिराङ फिलिप्पीला वोतुप पेला छेटाङ खुरुप ताङ तेकी मीतिवी ङ्यिराङला ङ्यिङ्मर क्यावु ति ख्यिराङला छ्या वे। ङ्यिराङ थेसलोनिकेला वासिमा साङ तेकी मीतिवा ङ्यिरा तेन्दोकला लासुङ, यिन्सिनाङ कोन्छ्योककी ङ्यिराङला ङाडेङ नङ्गुप तप्की खोकी लेन ल्यामु ति ख्यिराङला ख्याप्टाक क्यायिन।
दी थेप नाङ्ला वोतुप ताम्ङेतिवा ति येशू ख्रीष्टकी हाक्को च्यितुप ताम्ङे यिन। कोन्छ्योककी खोला शब्ज्यी कितुपतिवाला दी जम्बुलिङला ङमु राङ च्युङ्गुप ताम्ङेतिवी कोर्ला हाक्को ज्यितुपला खोरे सेवु येशू ख्रीष्टला दी ताम्ङे ति सुङ्गुप यिन। तमा येशूकी देवाच्येनकी लेन क्योलुप थु च्यिक यूहन्नाकी चाला ताङ्नी ती तेरी ताम्ङेतिवा यूहन्नाला ठछ्येली हाक्को च्यिसुङ।
ती ज्युक्ला देवाच्येनकी लेन क्योलुप थु तीकी ङला दुक सिक्यासुङ, “वुतुङ के ख्योरो थोवु सुङतिवा तेरी खोङ्तेर्मु ताङ टेङ्बु वे। लुङ्तेम्बातिवाला खोरे थु नङ्गुप चोवो कोन्छ्योककी खोरुङला शब्ज्यी कितुपतिवाला ङमु राङ तेन्तेन च्युङ्गुप ताम्ङेकी कोर्ला हाक्को ज्यितुपला खोरे लेन क्योलुप थुतिवा ताङ्सुङ।”
Sanasan