ज्‍यल्‍का 9:21 - कोन्छ्‌योककी सुङ

²¹ तोजो तिराङ मिन, तिवी खोप्‍रे क्‍यावु मी सेतुप ताङ जिम्‍डुल छ्‍या देन्‍दुप ताङ शम्‍डेन कितुप ताङ कुन कितुप नेसुर सेम माग्‍युर्नोक।

ज्‍यल्‍का 9:21 Iomraidhean Croise

मत्ती 15:19

च्‍यिलासिसिन सेम नेमा नासाम दुक्‍टा थेन्‍गिवी। तिवा ति मी सेतुप ताङ शम्‍डेन कितुप ताङ छ्‍येवु छ्‍येमु कितुप ताङ कुन कितुप ताङ पङ्‍बु मेटेङ्‍बु तेरुप ताङ मीला मारे तोङ्‍गुप यिन।

२ कोरिन्थी 12:21

ङ येलुङ ख्‍यिरा ते वुङ्‍गुप पेला कोन्‍छ्‍योककी ख्‍यिरा दोङ्‍ला ङला मो बेप्‍किते यिन्‍दे सिनी ङला ज्‍यिवा लानी वे। तमा गोमाला लाका मेटेङ्‍बु क्‍यावु ताङ शम्‍डेन कितुप ताङ ङोछा लङ्‍गुप लाका क्‍यानी दिक्‍पा कितुप नेसुर सेम मुग्‍युरुपतिवा बङीकी थोक्‍ला ङला छासे पप लानी वे।

गलाती 5:20

ल्‍हलुला तेन्‍दुप ताङ ङ ग्‍यकुप ताङ डला जोप ताङ थमु ग्‍यकुप ताङ ठतोक कितुप ताङ ङ्‍यिर्मु कितुप ताङ खुरुङला तिराङ च्‍युङ्‍शी नो कितुप ताङ ख्‍ये पेनी दाक दाक्‍पी छोक्‍पा जोप ताङ

ज्‍यल्‍का 13:13

तमा तीकी मीतिवी थोङ्‍दाङला नाम नेमा जम्‍बुलिङला मे क्‍युरुप हलेवु त ग्‍येर्पु ग्‍येर्पुतिवा साङ छ्‍या तेन्‍सुङ।

ज्‍यल्‍का 13:15

ती गोमी सेम्‍ज्‍येनकी कु तीकी ताम्‍ङे लप्‍शी, तमा ती कुला मेतेन्‍दुप मीतिवा तेरी सेशी सिनी ती कुला उ लुकुप ओङ साङ सेम्‍ज्‍येन ङ्‍यिवाला बिन्‍नोक।

ज्‍यल्‍का 13:7

कोन्‍छ्‍योकला तेपा कितुप मीतिवी मुला थमु ग्‍यकुप ताङ तिवी खला ग्‍येलुप ओङ्‍ज्‍येन साङ कोन्‍छ्‍योककी तीला नाङ्‍सुङ। तमा तेरी गिपातिवा ताङ मीतिवा ताङ ग्‍येतामतिवा ताङ मिरिकतिवाला ग्‍येला कितुप ओङ साङ नाङ्‍सुङ।

ज्‍यल्‍का 14:8

ती ज्‍युक्‍ला येलुङ देवाच्‍येनकी लेन क्‍योलुप थु ङ्‍यिवा ति गोमी लेन क्‍योलुप थु तीकी तिङ्‍ला लेसुङ। तमा तीकी “ना गाल्‍सुङ! ग्‍येसा ग्‍येर्पु बेबिलोन ति ना गाल्‍सुङ! तीकी मिरिक मिरिककी मीतिवा तेरीला गुन्‍डुम छ्‍याङ थुङ च्‍यिसुङ। ती गुन्‍डुम छ्‍याङ ति ती ग्‍येसाकी शम्‍डेन क्‍यावु तप्‍की वुङ्‍गुप कोन्‍छ्‍योककी ङ्‍यिर्मु यिन।” सिनी सिक्‍यासुङ।

ज्‍यल्‍का 16:6

च्‍यिलासिसिन ती दुक्‍टातिवी चोवोला तेपा कितुप मीतिवा ताङ चोवोकी सुङ शेतुप लुङ्‍तेम्‍बातिवाला सेनी ठक तेन्‍सुङ। ती ठक ति चोवोकी तिवाला थुङ च्‍यिसुङ। ती ति तिवाला ङ्‍ये गोवु छ्‍येर्पा यिन।”

ज्‍यल्‍का 17:2

जम्‍बुलिङकी ग्‍येल्‍वुतिवी साङ तीकी मुला शम्‍डेन क्‍या वे। तमा जम्‍बुलिङला देतुप मीतिवा साङ तीकी मुला शम्‍डेन क्‍यानी छ्‍याङकी जिवु दोके गाल वे।” सिनी सिक्‍यासुङ।

ज्‍यल्‍का 17:4

ती पुम्‍पेजा तीकी मुक्‍पु ताङ छासे मर्वु वोतुप मज्‍या कोन्‍नी सेर ताङ गोङ नावु यु ताङ मोतीतिवा तानी नोक। तीकी लकला सेरकी कोरा च्‍यिक खुर्नी नोक। ती कोरी नाङ्‍ला क्‍युक्‍टो लङ्‍गुप च्‍यालक ताङ शम्‍डेन क्‍यावु मेचेङ्‍गातिवी क्‍येङ्‍नी नोक।

ज्‍यल्‍का 17:5

तीकी टली लोला छ्‍याकला वोतुप हाक्‍मोकोवु मिङ च्‍यिक टिनी नोक। ती मिङ ति “छ्‍येमुतिवा ताङ जम्‍बुलिङकी क्‍युक्‍टो लङ्‍गुपतिवी आमा बेबिलोन ग्‍येसा ग्‍येर्पु” सिक्‍यावु यिन।

ज्‍यल्‍का 18:3

च्‍यिलासिसिन ती बेबिलोन ग्‍येसाकी मीतिवी शम्‍डेन क्‍यावु तप्‍की कोन्‍छ्‍योक नेमा ख्‍येलुप ङ्‍यिर्मुकी गुन्‍डुम छ्‍याङ ति तेरी मिरिककी मीतिवी थुसुङ। जम्‍बुलिङकी ग्‍येल्‍वुतिवी साङ ती ग्‍येसाकी मीतिवी मुला शम्‍डेन कितुप लाका मेलोक्‍पा क्‍या वे। ती ग्‍येसाकी मीतिवाला गोवु च्‍यालक ख्‍येमुतिवा छोङ क्‍यानी जम्‍बुलिङकी छोङ्मेनतिवा साङ छ्‍युक्‍पु गल वे।”

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।

ज्‍यल्‍का 9:20

दुका छेटाङ नेसुर मासेनी लुवु मीतिवी खोप्‍रे लाक्‍पी क्‍यावु लाका नेसुर सेम माग्‍युर्नोक। तमा तिवी डेतिवाला तेन्‍दुप ताङ, सेर ताङ ङुल ताङ सेर्मु ताङ दो ताङ शिङगी कुला तेन्‍दुप क्‍युर्नी माज्‍याक। तिवा ति थोङ्‍गुप साङ मोथोङ्‍गुप ताङ थो साङ मुथुपुप ताङ युक साङ मुथुपुप यिन।