ज्‍यल्‍का 9:20 - कोन्छ्‌योककी सुङ

²⁰ दुका छेटाङ नेसुर मासेनी लुवु मीतिवी खोप्‍रे लाक्‍पी क्‍यावु लाका नेसुर सेम माग्‍युर्नोक। तमा तिवी डेतिवाला तेन्‍दुप ताङ, सेर ताङ ङुल ताङ सेर्मु ताङ दो ताङ शिङगी कुला तेन्‍दुप क्‍युर्नी माज्‍याक। तिवा ति थोङ्‍गुप साङ मोथोङ्‍गुप ताङ थो साङ मुथुपुप ताङ युक साङ मुथुपुप यिन।

ज्‍यल्‍का 9:20 Iomraidhean Croise

मत्ती 21:32

च्‍यिलासिसिन यूहन्‍ना ख्‍यिरा ते वानी ख्‍यिराङला मिजी टेङ्‍बु क्‍योङ्‍गुप लाम छ्‍या तेन्‍सिनाङ ख्‍यिरा तीला तेपा माक्‍या। यिने से दुतुपतिवा ताङ छ्‍येमुतिवी तीला तेपा क्‍यासुङ। तमा ख्‍यिरा तिवी तेपा क्‍यावु थोङ्‍सिमा साङ सेम ग्‍युर्नी खोला तेपा माक्‍या।”

लोमा छ्‍येतिवी लाका 17:29

दाक्‍पु कोन्‍छ्‍योककी गिपातिवा यिन्‍दुप तप्‍की खो ति मी लाक्‍पी लक्‍शी नेसुर नासाम तङ्‍नी सेर, ङुल ताङ दो थ्‍योनी जोवु दोके यिन सिनी नासाम तोङ्‍गुप मेङ्‍गिवी।

लोमा छ्‍येतिवी लाका 19:26

एफिसस ताङ एशियाला वोतुप मीतिवा तेरीला ‘लाक्‍पी जोवु कुतिवा काङ साङ मिन।’ सिनी पावलकी मी बङीला लुनी टिन गलुप ति ख्‍यिरा थोङ्‍गुप ताङ थोनी राङ वे।

लोमा छ्‍येतिवी लाका 7:41

तमा ती ज्‍युक्‍ला तिवी पिउकी कु यी जोनी तीला जिन्‍बा तङ्‍नी खोप्‍रे जोवु च्‍यालकला गा क्‍यासुङ।

२ कोरिन्थी 12:21

ङ येलुङ ख्‍यिरा ते वुङ्‍गुप पेला कोन्‍छ्‍योककी ख्‍यिरा दोङ्‍ला ङला मो बेप्‍किते यिन्‍दे सिनी ङला ज्‍यिवा लानी वे। तमा गोमाला लाका मेटेङ्‍बु क्‍यावु ताङ शम्‍डेन कितुप ताङ ङोछा लङ्‍गुप लाका क्‍यानी दिक्‍पा कितुप नेसुर सेम मुग्‍युरुपतिवा बङीकी थोक्‍ला ङला छासे पप लानी वे।

१ तिमोथी 4:1

कोन्‍छ्‍योककी थु चाङ्‍माकी टेङ्‍बु सुङ्‍गिवी। तिङ्‍मी तुजेला जिनोक जोप र्‍हेन्‍डी ताङ डेकी ताम्‍ङेला ङ्‍येन्‍नी मी ललाइकी तेपा कितुप क्‍युर्नी ज्‍योकिवी।

ज्‍यल्‍का 15:1

येलुङ ङे देवाच्‍येनला हलेवु त ग्‍येर्पु यी थोङ्‍सुङ। ते देवाच्‍येनकी लेन क्‍योलुप थु मिरा दिनतिवी छेटाङ रे रे खुर्नोक। तिवा ति कोन्‍छ्‍योककी तिङ्‍मी छेटाङतिवा यिन। च्‍यिलासिसिन तिवा नेसुर राङ कोन्‍छ्‍योककी पर्च्याकी छेटाङ ति डुप्‍सुङ।

ज्‍यल्‍का 16:8

ती ज्‍युक्‍ला देवाच्‍येनकी लेन क्‍योलुप थु ज्‍यिवा तीकी खोरो कोरा ति ङ्‍यिमी खला पुसुङ। तमा ङ्‍यिमाला मीतिवा छिकुप ङार ङ्‍येसुङ।

ज्‍यल्‍का 9:19

च्‍यिलासिसिन ती ततिवी ख ताङ ङमाला ङार नोक। तिवी ङमा ति रुल दोके नोक। ती ङमाला गो साङ नोक। ती ङमाकी गो थ्‍वोनी मीतिवाला म देन्‍गिनोक।

ज्‍यल्‍का 9:21

तोजो तिराङ मिन, तिवी खोप्‍रे क्‍यावु मी सेतुप ताङ जिम्‍डुल छ्‍या देन्‍दुप ताङ शम्‍डेन कितुप ताङ कुन कितुप नेसुर सेम माग्‍युर्नोक।