ज्‍यल्‍का 9:17 - कोन्छ्‌योककी सुङ

¹⁷ तमा ङे कोन्‍छ्‍योक नेमा वावु ज्‍यल्‍काला ततिवा ताङ ते खला शेन्‍दुपतिवा थोङ्‍सुङ। ती ते खला शेन्‍दुपतिवी छेकोकला ग्‍यपुप च्‍याकी लिङ ति मे दोके मर्वु ताङ ङोन्‍बु ताङ सेर्वु नोक। ती ततिवी गो ति सेङ्‍गीकी गो दोके नोक। तमा तिवी ख नेसुर मे ताङ तुता ताङ गन्‍धक थेन्‍गिनोक।

ज्‍यल्‍का 9:17 Iomraidhean Croise

ज्‍यल्‍का 11:5

दोजो मी ललाइकी तिवाला ना तोङ्‍गुप नो क्‍यासिनाङ तिवी ख नेसुर थेन्‍दुप मेकी तिवी डतिवाला ना तोङ्‍गिवी। तमा सी तिवाला ना तोङ्‍गुप नोकिवे, तिवाला तुक राङ क्‍यानी सेकिवी।

ज्‍यल्‍का 14:10

तिवाला कोन्‍छ्‍योककी ङ्‍यिर्मुकी गुन्‍डुम छ्‍याङ थुङ ज्‍यिकिवी। खो छासे ङ्‍यिर्मु लावु तप्‍की खोकी छासे क्‍यानी पर्च्या तोङ्‍गिवी। तमा तिवा चाङ्‍मा वोतुप देवाच्‍येनकी लेन क्‍योलुप थुतिवा ताङ लुक रुककी दोङ्‍ला मे ताङ तुसोककी नाङ्‍ला छेटाङ खुर्किवी।

ज्‍यल्‍का 19:20

ते ती सेम्‍ज्‍येन ताङ तीकी दोङ्‍ला हलेवु ततिवा छ्‍या देन्‍दुप लुङ्‍तेम्‍बा मेटेङ्‍बु ङ्‍यिकरला जिम्‍सुङ। ती लुङ्‍तेम्‍बा तीकी हलेवु ततिवा छ्‍या तेन्‍नी मीतिवाला ती सेम्‍ज्‍येनकी लज्‍युर ग्‍यक ज्‍यितुप ताङ कुला तेन ज्‍यितुपला लुनोक। तुक क्‍यानी तिवा ङ्‍यिकरला सेन्‍बु राङ मे कशेन बरुप तुसोककी चो दोके वोतुप ते क्‍युर्सुङ।

ज्‍यल्‍का 20:10

तमा तिवाला लुतुप डे ति मे ताङ तुसोक कशेन वोतुप चो दोके वोतुप ते क्‍युर्सुङ। ते ती सेम्‍ज्‍येन ताङ लुङ्‍तेम्‍बा मेटेङ्‍बुतिवा गोमाला के क्‍युर्नी नोक। ते तिवी ङ्‍यी ताङ नुप्‍ज्‍या नरीकी नरी छेटाङ खुर्किवी।

ज्‍यल्‍का 21:20

डम्‍ज्‍यी ङवा ति आनिक्‍सा सिरुप यु नेसुर जोवु नोक। डम्‍ज्‍यी टुक्‍पा ति लालमणि सिरुप यु नेसुर जोवु नोक। डम्‍ज्‍यी दिन्‍बा ति पीतमणि सिरुप यु नेसुर जोवु नोक, डम्‍ज्‍यी ग्‍येवा ति बेरूज सिरुप यु नेसुर जोवु नोक। डम्‍ज्‍यी गुवा ति पुष्‍पराज सिरुप यु नेसुर जोवु नोक। डम्‍ज्‍यी च्‍युवा ति लसुने सिरुप यु नेसुर जोवु नोक। डम्‍ज्‍यी च्‍युच्‍यिक ति नीलमणि सिरुप यु नेसुर जोवु नोक। डम्‍ज्‍यी च्‍यिङ्‍ङी ति कटेला सिरुप यु नेसुर जोवु नोक।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 9:18

तिवी ख नेमा थेन्‍दुप मे ताङ तुता ताङ गन्‍धक तीकी छेटाङ सुम नेसुर मी मिरिक छो सुमला छो च्‍यिक सेसुङ।

ज्‍यल्‍का 9:9

तिवी छेकोकला ति च्‍याकी लिङ ग्‍यप्‍नोक। तिवी पुशोककी वोरु ति थमु ग्‍यक डोपला छ्‍योङ्‍बाल ग्‍यकुप त ताङ तखुरतिवा बङीकी वोरु दोके देन्‍गिनोक।