ज्‍यल्‍का 8:7 - कोन्छ्‌योककी सुङ

⁷ देवाच्‍येनकी लेन क्‍योलुप थु तङ्‍बु तीकी ग्‍येलिङ पुसुङ। तमा जम्‍बुलिङला ठक र्‍हेवु सेर ताङ मे पाप्‍सुङ। तीकी जोसालेन्‍सिन जम्‍बुलिङ छो सुमला छो च्‍यिक ताङ दोङ्‍बुतिवा छो सुमला छो च्‍यिक ताङ ङोर्मु वोतुप नम्‍बा तेरीकी चतिवा छिक्‍सुङ।

ज्‍यल्‍का 8:7 Iomraidhean Croise

याकूब 1:11

ङ्‍यिमा छेन्‍दी शर्नी नाम्‍खर क्‍यासिमा च साङ रेर्पा डिवी, मेन्‍दोक साङ ङ्‍यिल्‍गिवी, तमा तीकी थोङ्‍दाङ ल्‍यामु साङ तोर्किवी। ती दोके मी छ्‍युक्‍पुतिवा साङ तुकै राङ यिन, चो लाका क्‍यानी नोर टोङ्‍बा शम्‍सिनाङ ङ्‍यिम्‍ज्‍यिक ती ना डिवी।

१ पत्रुस 1:24

तुक क्‍यानी कोन्‍छ्‍योककी सुङला दुक सिनी टि वे, “तेरी मीतिवा च दोके यिन, मीतिवा चोछ्‍ये वोसिनाङ तिवा ति चे मेन्‍दोक दोके यिन। च रेर्पा गल्‍सिमा मेन्‍दोक ङ्‍यिल्‍गिवी,

ज्‍यल्‍का 12:4

तीकी ङमा थ्‍वोनी नामगी कर्मा छो सुमला छो च्‍यिक ति रुनी जम्‍बुलिङला क्‍युर्सुङ। तमा ती पुम्‍पेजाला आङा केलुङ्‍मे ती आङाला मिता तोङ्‍गुप सिनी ती ति आङा क्‍येप छलुप पुम्‍पेजी चिप्‍ला गुनी देसुङ।

ज्‍यल्‍का 16:2

तमा देवाच्‍येनकी लेन क्‍योलुप थु तङ्‍बु ति लानी खोरो कोरा ति जम्‍बुलिङला पुसुङ। तीकी जोसालेन्‍सिन सेम्‍ज्‍येनकी लज्‍युर वोतुप ताङ तीकी कुला तेन्‍दुप मीतिवा तेरीकी जुला छासे सुक मेलोवा वोतुप कुर्मुतिवा थेन्‍सुङ।

ज्‍यल्‍का 16:21

ती ज्‍युक्‍ला नाम नेमा किलो खल ङ्‍यी चोयी वोतुप सेर बोम्‍बुतिवा मीतिवी गोला पाप्‍सुङ। तुका छेटाङ ख्‍येलुप तप्‍की मीतिवी कोन्‍छ्‍योकला मारे ताङ्‍सुङ। च्‍यिलासिसिन ती सेर ग्‍यकुप छेटाङ ति छासे ज्‍यिवा लङ्‍गुप नोक।

ज्‍यल्‍का 6:8

तमा ङे ल्‍हासियाङ त सेर्वु यी साङ थोङ्‍सुङ। ती ते खला शेन्‍दुप तीकी मिङ ति “शेप” यिन्‍नोक। “ङ्‍येला” ति तीकी तिङ तिङ्‍ला डिनोक। तमा तिवाला जम्‍बुलिङ फेकाकी फेका सेककी मीतिवाला खुर्पा ताङ ल्‍होवारे ताङ नेजु मेलोक्‍पा ताङ रितकतिवा नेसुर सेतुप ओङ बिन्‍नोक।

ज्‍यल्‍का 7:1

ती ज्‍युक्‍ला देवाच्‍येनकी लेन क्‍योलुप थु मिरा ज्‍यी जम्‍बुलिङ ताङ ग्‍येम्‍छो ताङ दोङ्‍बुतिवाला वुर्तुक मग्‍यक्‍शी सिनी जम्‍बुलिङकी छो ज्‍यीकी वुङ्‍ला लानी छो ज्‍यी नेसुर वुङ्‍गुप वुर्तुकतिवा क्‍येक्‍नी देतुप ति ङे थोङ्‍सुङ।

ज्‍यल्‍का 9:15

ती ज्‍युक्‍ला ती देवाच्‍येनकी लेन क्‍योलुप थु ज्‍यीतिवा पि ताङ्‍सुङ। तिवा ति जम्‍बुलिङला वोतुप मी छो सुमला छो च्‍यिक सेतुपला टेके तुजे ताङ ङ्‍यिमा ताङ ल ताङ लोकी थोक्‍ला टडिक क्‍या ज्‍याक्‍नोक।

ज्‍यल्‍का 9:18

तिवी ख नेमा थेन्‍दुप मे ताङ तुता ताङ गन्‍धक तीकी छेटाङ सुम नेसुर मी मिरिक छो सुमला छो च्‍यिक सेसुङ।

ज्‍यल्‍का 9:4

तमा तिवाला “जम्‍बुलिङकी च ताङ दोङ्‍बु ताङ चुशिङतिवाला काङ साङ ना मातोङा, यिने टली लोला कोन्‍छ्‍योककी लज्‍युरकी त मेतुप मीतिवाला तिराङ फेनी छ्‍येर्पा बिन!” सिनी क बिन्‍सुङ।