ज्‍यल्‍का 8:10 - कोन्छ्‌योककी सुङ

¹⁰ येलुङ देवाच्‍येनकी लेन क्‍योलुप थु सुम्‍बा तीकी खोरो ग्‍येलिङ पुसुङ। तमा नाम नेमा बाशिङ च्‍येतुप दोके कर्मा ग्‍येर्पु यी जम्‍बुलिङला पाप्‍सुङ। ती ति चङ्‍बुतिवा छो सुमला छो च्‍यिक ताङ छ्‍यी पुङतिवा वोतुप दासाला पाप्‍सुङ।

ज्‍यल्‍का 8:10 Iomraidhean Croise

मत्ती 25:1

येलुङ येशूकी सुङ्‍सुङ, “देवाच्‍येनकी ग्‍येल्‍खाप ति दाक दाक्‍पी लकला दिप्‍ली खुर्नी माक्‍पा ठे गलुप जेन्‍दी माक्‍यावु पुम्‍पेजा मिरा च्‍यिथम्‍बाकी पे दोके यिन।

लूका 10:18

तमा खोकी तिवाला सुङ्‍सुङ, “शैतानला देवाच्‍येन नेमा चिलाम दोके क्‍यानी लुम्‍बुप ति ङे थोङ्‍सुङ।

यहूदा 1:13

तिवा ग्‍येम्‍छो नङगी ज्‍यिवा लङ्‍गुप छ्‍यी बालाप दोके वे। तमा रङगी ङोजु मेतुप लाका ति ग्‍येम्‍छोकी बोवा दोके क्‍यानी छ्‍या देन्‍गिवी। तमा तिवा ख्‍यम्‍नी गलुप कर्मा दोके गल वे। तिवा नरीकी नरी सेक ज्‍यिवा लङ्‍गुप नक्‍तोमी दासाकी थोक्‍ला सानी ज्‍याङ वे।

ज्‍यल्‍का 1:20

दी ङे लाक्‍पा यावाला थोङ्‍गुप कर्मा दिनकी तेन्‍दोक ताङ ती शाप च्‍यिक राङ वोतुप सेरकी मेलाङ दिनकी छ्‍याकला वोतुप तेन्‍दोक ति ङ ख्‍युरुङला सिरिन, कर्मा दिन ति चर्च दिनकी थोक्‍ला लेन क्‍योलुप देवाच्‍येनकी थुतिवा यिन। तमा मेलाङ दिन ति चर्च दिनतिवा यिन।”

ज्‍यल्‍का 12:4

तीकी ङमा थ्‍वोनी नामगी कर्मा छो सुमला छो च्‍यिक ति रुनी जम्‍बुलिङला क्‍युर्सुङ। तमा ती पुम्‍पेजाला आङा केलुङ्‍मे ती आङाला मिता तोङ्‍गुप सिनी ती ति आङा क्‍येप छलुप पुम्‍पेजी चिप्‍ला गुनी देसुङ।

ज्‍यल्‍का 14:7

तीकी थोर ग्‍यप्‍नी “कोन्‍छ्‍योकला ज्‍यिवा किसा, खोला मोवा किसा। च्‍यिलासिसिन खोकी ठिम कितुप तुजे वा वे। देवाच्‍येन ताङ जम्‍बुलिङ ताङ ग्‍येम्‍छो ताङ छ्‍यु दोलुप दासा तेरी जो नङ्‍गुप कोन्‍छ्‍योकला मोवा की।” सिनी सिक्‍यासुङ।

ज्‍यल्‍का 16:4

येलुङ देवाच्‍येनकी लेन क्‍योलुप थु सुम्‍बा तीकी खोरो कोरा ति चङ्‍बु ताङ छ्‍यी पुङतिवी खला पुसुङ। तमा ती चङ्‍बु ताङ छ्‍यी पुङतिवा तेरी ठकला गाल्‍सुङ।

ज्‍यल्‍का 6:13

तमा अन्‍जीरकी दोङ्‍बुला वुर्तुककी योनी माछोवु डेलुतिवा ङ्‍यिलुप दोके क्‍यानी नामगी कर्मातिवा साङ जम्‍बुलिङला लुम्‍सुङ।

ज्‍यल्‍का 8:7

देवाच्‍येनकी लेन क्‍योलुप थु तङ्‍बु तीकी ग्‍येलिङ पुसुङ। तमा जम्‍बुलिङला ठक र्‍हेवु सेर ताङ मे पाप्‍सुङ। तीकी जोसालेन्‍सिन जम्‍बुलिङ छो सुमला छो च्‍यिक ताङ दोङ्‍बुतिवा छो सुमला छो च्‍यिक ताङ ङोर्मु वोतुप नम्‍बा तेरीकी चतिवा छिक्‍सुङ।

ज्‍यल्‍का 9:1

येलुङ देवाच्‍येनकी लेन क्‍योलुप थु ङवा तीकी खोरो ग्‍येलिङ पुसुङ। तमा नाम नेमा कर्मा च्‍यिक पापुप ति ङे थोङ्‍सुङ। ती कर्मा तीला छासे तिङ्‍मु वोतुप मुक्‍तुमकी गो बेतुप लिमी ति तेसुङ।

ज्‍यल्‍का 9:15

ती ज्‍युक्‍ला ती देवाच्‍येनकी लेन क्‍योलुप थु ज्‍यीतिवा पि ताङ्‍सुङ। तिवा ति जम्‍बुलिङला वोतुप मी छो सुमला छो च्‍यिक सेतुपला टेके तुजे ताङ ङ्‍यिमा ताङ ल ताङ लोकी थोक्‍ला टडिक क्‍या ज्‍याक्‍नोक।

ज्‍यल्‍का 9:18

तिवी ख नेमा थेन्‍दुप मे ताङ तुता ताङ गन्‍धक तीकी छेटाङ सुम नेसुर मी मिरिक छो सुमला छो च्‍यिक सेसुङ।