ज्‍यल्‍का 7:3 - कोन्छ्‌योककी सुङ

³ “कोन्‍छ्‍योककी थोक्‍ला शब्‍ज्‍यी कितुपतिवी टलाला दाक्‍पी लज्‍युर माग्‍यपा सेक्‍ला जम्‍बुलिङ ताङ ग्‍येम्‍छो ताङ दोङ्‍बुतिवाला काङ साङ ना मातोङा!” सिनी सिक्‍यासुङ।

ज्‍यल्‍का 7:3 Iomraidhean Croise

मत्ती 24:22

कोन्‍छ्‍योककी ती छेटाङकी तुजेतिवा ङ्‍युङ्‍मु माजोवु यिन्‍सिन सु साङ सेन्बु लु मुथुपी। यिने खोरे पेतुप मीतिवी थोक्‍ला खोकी ती तुजेतिवा ङ्‍युङ्‍मु जेवी।

मत्ती 24:31

ती पेला ङ मी पुज्‍युङकी ग्‍येलिङ पुतुप वोरु ताङ मुला ङे देवाच्‍येनकी लेन क्‍योलुप थुतिवा तोङ्‍गिवी। तमा तिवी जम्‍बुलिङ तेरी नेमा ङे पेतुप मीतिवाला जोम ज्‍यिकिवी।”

यूहन्‍ना 12:26

चुका मी तीकी ङला शब्‍ज्‍यी कितुप नो किवे, ती ति ङे तिङ्‍ला तिङ्‍योक गोकिवी। तमा ङ कनी नोके, ङला शब्‍ज्‍यी कितुप ती साङ ङे मुला राङ तेराङ गिवितो। सी ङला शब्‍ज्‍यी किवे, तीला ङे पपी छ्‍ये जेवितो।”

यूहन्‍ना 3:33

यिने सी खोकी पङ्‍बुला तेपा किवे, तीकी कोन्‍छ्‍योक ति टेङ्‍बु वे सिनी तेन्‍तेन किवी।

रोमी 6:22

यिने त याङ ख्‍यिराङ दिक्‍पा ने थर्नी कोन्‍छ्‍योककी थोक्‍ला शब्‍ज्‍यी कितुप च्‍युङ्‍गुप तप्‍की ख्‍यिराङ कोन्‍छ्‍योककी थोङ्‍दाङला टेङ्‍बु ङ्‍येनी ख्‍यिराङला नाम्‍साङ मिशिवु मिजी थोप्‍नी वे।

ज्‍यल्‍का 13:16

तमा तीकी मी छ्‍ये ताङ छ्‍युङा यिन्‍शी, छ्‍युक्‍पु ताङ पेराङ्‍बु यिन्‍शी, योक्‍पु ताङ रङ्‍ज्‍येन वोतुप यिन्‍शी, तेरीला लाक्‍पा यावाला याङ्‍ना टली लोला लज्‍युर ग्‍यक च्‍यिसुङ।

ज्‍यल्‍का 13:17

ती लज्‍युर ति ग्‍येम्‍छो नाङ ने थेन्‍दुप सेम्‍ज्‍येनकी मिङ याङ्‍ना तीकी मिङ छ्‍या देन्‍दुप अङ्‍टङ यिन। ती लज्‍युर माग्‍यपुपतिवा ति सु साङ चोङ्‍गुप ताङ ङ्‍योप मेङ्‍येवु च्‍युङ्‍सुङ।

ज्‍यल्‍का 14:1

येलुङ ङे ल्‍हासालेन्‍सिन सियोन पम्‍दोकला ती लुक रुक ति लानी देतुप थोङ्‍सुङ। तीकी मुला मी बुङ च्‍यिक ताङ तोङ्‍डा खल ङ्‍यी ताङ ज्‍यी लानी नोक। तिवी टली लोला थर्वा नङ्‍गुप लुक रुक ताङ खोकी पपी मिङ टिनी नोक।

ज्‍यल्‍का 14:9

येलुङ देवाच्‍येनकी लेन क्‍योलुप मी सुम्‍बा तीकी कशेन थोर ग्‍यप्‍नी तिवी तिङ तिङ्ला दुक सियी लेसुङ। “चुका मी तीकी ती सेम्‍ज्‍येन ताङ तीकी कुला तेन्‍नी टला याङ्‍ना लाक्‍पाला तीकी लज्‍युर ग्‍यप वे,

ज्‍यल्‍का 19:2

खोकी मी सुला साङ ख्‍ये मापेनी ठिम टेङ्‍बु क्‍या नङ्‍गिवी। तमा तेरी जम्‍बुलिङकी मीतिवाला खोरो मुला शम्‍डेन कि च्‍यिनी ना तोङ्‍गुप छासे छ्‍येमु तीला खोकी पर्च्या नाङ वे। तीकी खोला शब्‍ज्‍यी कितुपतिवाला सेनी ठक तेन्‍दुप थोक्‍ला खोकी तीला ङ्‍येन लासुङ।”

ज्‍यल्‍का 20:4

येलुङ गेल्‍ठिकतिवा ताङ तिवी खला देतुपतिवाला ङे थोङ्‍सुङ। तिवाला ठिम कितुप ओङ बिन नोक। ते येशूकी कोर्ला पङ्‍बु बिन्‍दुप थोक्‍ला ताङ कोन्‍छ्‍योककी सुङगी थोक्‍ला सेतुपतिवी नम्‍शिङ साङ ङे थोङ्‍सुङ। तिवा ति सेम्‍ज्‍येन ताङ तीकी कुतिवाला सोवा मेदेकुप ताङ ती सेम्‍ज्‍येनकी लज्‍युर टला याङ्‍ना लाक्‍पी लोला मग्‍यपुपतिवा यिन। तिवा येलुङ सेन्‍बु लानी ख्रीष्‍ट ताङ मुला राङ लो तोङ्‍डा च्‍यिक ग्‍येला क्‍यासुङ।

ज्‍यल्‍का 22:4

तिवी कोन्‍छ्‍योककी शाल ति थोङ्‍गिवी। तमा खोकी मिङ ति टली लोला टिवु नोक।

ज्‍यल्‍का 6:6

ती सेन्‍बु वोतुप सेम्‍ज्‍येन ज्‍यीकी पर्ला दुक सिरुप वोरु यी ङे थोसुङ, “ङ्‍यिम्‍ज्‍यिक लाका क्‍यावु ल नेसुर ट किलो च्‍यिक याङ्‍ना जवु किलो सुम ङ्‍यो थुप्‍किवी। यिने जैतुन दोङ्‍बु ताङ गुन्‍डुम दोङ्‍बुला ति ना मातोङ।”

ज्‍यल्‍का 7:1

ती ज्‍युक्‍ला देवाच्‍येनकी लेन क्‍योलुप थु मिरा ज्‍यी जम्‍बुलिङ ताङ ग्‍येम्‍छो ताङ दोङ्‍बुतिवाला वुर्तुक मग्‍यक्‍शी सिनी जम्‍बुलिङकी छो ज्‍यीकी वुङ्‍ला लानी छो ज्‍यी नेसुर वुङ्‍गुप वुर्तुकतिवा क्‍येक्‍नी देतुप ति ङे थोङ्‍सुङ।

ज्‍यल्‍का 7:2

तमा यम्‍बा देवाच्‍येनकी लेन क्‍योलुप थु च्‍यिक ङोसु वोतुप कोन्‍छ्‍योककी लज्‍युर खुर्नी शरकी थाका नेसुर जेनी वावु ति ङे थोङ्‍सुङ। तीकी जम्‍बुलिङ ताङ ग्‍येम्‍छोला ना तोङ्‍गुप ओङ वोतुप देवाच्‍येनकी लेन क्‍योलुप थु मिरा ज्‍यीला थोर ग्‍यप्‍नी,

ज्‍यल्‍का 9:4

तमा तिवाला “जम्‍बुलिङकी च ताङ दोङ्‍बु ताङ चुशिङतिवाला काङ साङ ना मातोङा, यिने टली लोला कोन्‍छ्‍योककी लज्‍युरकी त मेतुप मीतिवाला तिराङ फेनी छ्‍येर्पा बिन!” सिनी क बिन्‍सुङ।