ज्‍यल्‍का 7:2 - कोन्छ्‌योककी सुङ

² तमा यम्‍बा देवाच्‍येनकी लेन क्‍योलुप थु च्‍यिक ङोसु वोतुप कोन्‍छ्‍योककी लज्‍युर खुर्नी शरकी थाका नेसुर जेनी वावु ति ङे थोङ्‍सुङ। तीकी जम्‍बुलिङ ताङ ग्‍येम्‍छोला ना तोङ्‍गुप ओङ वोतुप देवाच्‍येनकी लेन क्‍योलुप थु मिरा ज्‍यीला थोर ग्‍यप्‍नी,

ज्‍यल्‍का 7:2 Iomraidhean Croise

मत्ती 16:16

तमा सिमोन पत्रुसकी “गेकेन याङ ङोसु वोतुप कोन्‍छ्‍योककी सेवु ख्रीष्‍ट यिन।” सिनी सिक्‍यासुङ।

मत्ती 26:63

यिने येशू खरक्‍पा ज्‍युसुङ। येलुङ तेरी सिनाङ कोङ्‍यार छ्‍ये तीकी येशूला “ख्‍युरुङ ङोसु वोतुप कोन्‍छ्‍योकला न क्‍यल्‍नी ङ्‍यिराङला टेङ्बु सी। काङ ख्‍युरुङ कोन्‍छ्‍योककी सेवु ख्रीष्‍ट राङ यिन?” सिनी टिसुङ।

यूहन्‍ना 6:27

ख्‍यिराङ रुल्‍नी डोप समी थोक्‍ला लाका माकी, बोरु नाम्‍साङ मिशिवु मिजी तेरुप समी थोक्‍ला लाका की। ती मिजी ति ङ मी पुज्‍युङकी ख्‍यिराङला तेर्किवी, च्‍यिलासिसिन पपा कोन्‍छ्‍योककी ती मिजी तेरुप ओङ ति ङला नाङ्‍सुङ।”

२ कोरिन्थी 1:22

दाक्‍पुला खोरे ति यिन सिनी त ग्‍यम वे। तमा दाक्‍पुला थाक्‍छ्‍येतुपकी थोक्‍ला दाक्‍पी सेमला खोकी थु चाङ्‍मा नङ्‍नी वे।

एफिसी 1:13

ती ख्रीष्‍ट नेसुर दाक्‍पु साङ कोन्‍छ्‌योककी सुङ टेङ्‍बु थोनी खोकी थाक्‍छ्‌येन नङ्‍गुप थु चाङ्‍माकी त ग्‍यप्‍नी वे। ती सुङ टेङ्‍बु ति ख्‍यिराङला दिक्‍पा ने थर ज्‍यितुप लेन ल्‍यामु यिन।

एफिसी 4:30

तमा कोन्‍छ्‌योककी थु चाङ्‍माला सेम्‍दुक मालोङ, ती थु चाङ्‍माकी राङ ख्‍यिराङला दिक्‍पा ने थर ज्‍यितुप तुजे मालेपा सेक्‍ला ख्‍यिराङ खोकी ति यिन सिनी त ग्‍यप्‍नी वे।

१ थेसलोनिकी 1:9

तमा ङ्‍यिराङ ख्‍यिरा पर्ला वुङ्‍गुप पेला ख्‍यिरा ङ्‍यिराङला गासो शुवु ताङ कुतिवाला शब्‍ज्‍यी बुलुप क्‍युर ज्‍याक्‍नी ङोसु ताङ टेङ्‍बु वोतुप कोन्‍छ्‍योकला सोवा पुलुप ताम्‍ङे ति माकेडोनिया ताङ अखैयाकी मीतिवी खोप्‍रे राङ लप्‍किवी।

२ तिमोथी 2:19

यिन्‍सिनाङ कोन्‍छ्‍योककी डम्‍ज्‍यी रम्‍बु जोसुङ। ती डम्‍ज्‍यीला “कोन्‍छ्‍योककी खोरे पेतुप मीतिवाला ङो शेकिवी।” सिनी टि वे। तमा “चोवो कोन्‍छ्‍योकला तेपा किवी सिनी सिरुप मी तेरीकी दिक्‍पा कितुप क्‍युर गोकिवी।” सिनी टि वे।

हिब्रू 12:22

यिने ख्‍यिराङ वावु दासा ति सियोन री ताङ देवाच्‍येनकी यरूशलेमला राङ यिन। ती दासा ति ङोसु वोतुप कोन्‍छ्‍योककी ग्‍येसा यिन। ख्‍यिराङ तोङ्‍डा बङी देवाच्‍येनकी लेन क्‍योलुप थुतिवा जोम्‍नी लोदिमुकी तुछ्‍येन तेन्दुप दासाला वानी वे।

ज्‍यल्‍का 1:3

मीतिवाला दी थेपकी नाङ्‍ला वोतुप कोन्‍छ्‍योककी लुङ्‍तेम्‍बाकी सुङतिवा रानी तेरुप मी ताङ दी सुङतिवा ङ्‍येन्‍दुप मीतिवा ताङ ती सुङला सिक्‍यावु दोके क्‍यानी मिजी क्‍योङ्‍गुप मीतिवाला मोलाम थोपुप यिनो। च्‍यिलासिसिन दी थेप नाङ्‍ला वोतुप ताम्‍ङेकी तुजे ति ङमु राङ छेकिवी।

ज्‍यल्‍का 10:1

येलुङ यम्‍बा ङार छ्‍येवु देवाच्‍येनकी लेन क्‍योलुप थु च्‍यिक देवाच्‍येन नेमा पाम वुङ्‍यिन कितुप ति ङे थोङ्‍सुङ। तीकी जु ति मुक्‍पी कोरुप ताङ गोला ति ज्‍य सुकुप दोके नोक। तीकी ङुतुङ ति ङ्‍यिमा दोके नोक, काङ्‍बातिवा ति कज्‍यु दोके मे मेलाप नोक।

ज्‍यल्‍का 10:4

ती सम्‍डुक ग्‍यपुप वोरु दिनतिवी वोरु ति मी ताम्‍ङे क्‍यावु दोके कुतुक कुतुक तेन्‍सुङ। ती पेला ङ ति ती ताम्‍ङेतिवा टिकुपला टडिक क्‍यायी। यिने तोजो पेला राङ देवाच्‍येन नेमा “ती सम्‍डुक ग्‍यकुप वोरु दिनतिवी कोर्ला ति छ्‍याकला राङ ज्‍योक। ती ति माटिक!” सिरुप वोरु यी ङे थोसुङ।

ज्‍यल्‍का 16:12

तमा देवाच्‍येनकी लेन क्‍योलुप थु टुक्‍पा तीकी खोरो कोरा ति युफ्रेटिस सिरुप चङ्‍बु ग्‍येर्पुकी नाङ्‍ला पुसुङ। तमा ती चङ्‍बी नाङगी छ्‍यु ति तेरी कम्‍नी शरकी थाका नेसुर वुङ्‍गुप ग्‍येल्‍वुतिवी थोक्‍ला लाम टडिक क्‍यासुङ।

ज्‍यल्‍का 5:2

तमा ङे देवाच्‍येनकी लेन क्‍योलुप थु रम्‍बु मिरा च्‍यिक थोङ्‍सुङ। तीकी कशेन वोरु थोर ग्‍यप्‍नी “दी लज्‍युरतिवा तोल्‍नी शुकी बिटप डोल थुपुप ति सु वे?” सिनी सिक्‍यासुङ।

ज्‍यल्‍का 8:3

ती ज्‍युक्‍ला सेरकी पोके लकला खुरुप यम्‍बा देवाच्‍येनकी लेन क्‍योलुप थु मिरा च्‍यिक वानी छोठी चिप्‍ला लासुङ। तमा ग्‍येल्‍ठिककी चिप्‍ला वोतुप सेरकी छोठी खला कोन्‍छ्‍योकला तेपा कितुप तेरी मीतिवी क्‍यावु मोपोरकी मुला देकुपला पो बङी तेसुङ।

ज्‍यल्‍का 9:14

ती ग्‍येलिङ खुरुप देवाच्‍येनकी लेन क्‍योलुप थु टुक्‍पा तीला “चङ्‍बु ग्‍येर्पु यूफ्रेटिसला टानी ज्‍यकुप देवाच्‍येनकी लेन क्‍योलुप थु ज्‍यीला पि तोङ!” सिनी सिक्‍यासुङ।

ज्‍यल्‍का 9:4

तमा तिवाला “जम्‍बुलिङकी च ताङ दोङ्‍बु ताङ चुशिङतिवाला काङ साङ ना मातोङा, यिने टली लोला कोन्‍छ्‍योककी लज्‍युरकी त मेतुप मीतिवाला तिराङ फेनी छ्‍येर्पा बिन!” सिनी क बिन्‍सुङ।