ज्‍यल्‍का 7:14 - कोन्छ्‌योककी सुङ

¹⁴ तमा ङे तीला दुक सिक्‍यायी, “चोवो, ख्‍युरुङला राङ छ्‍या वे।” तमा तीकी दुक सिक्‍यासुङ, “दिवा ति छेटाङ ग्‍येर्पु ने थर्नी वावु यिन। दिवी कोन्‍दुप मज्‍यातिवा लुक रुककी ठकला टुनी कर्मु जोवु यिन।

ज्‍यल्‍का 7:14 Iomraidhean Croise

मत्ती 24:21

च्‍यिलासिसिन ती पेला कशेन छेटाङ ग्‍येर्पु ख्‍येल्‍गितो। तुका छेटाङ याङ कोन्‍छ्‍योककी जम्‍बुलिङ थल्‍मा ज्‍येङ्‍गुप पे नेज्‍युन तन्‍दा सेक नाम्‍साङ माच्‍युङ वे, तिङ्‍ला साङ मेङ्‍गिवी।

मर्कूस 13:19

च्‍यिलासिसिन ती ङ्‍यिमाला छासे छेटाङ ग्‍येर्पु ख्‍येल्‍गिवी, दुका छेटाङ ति कोन्‍छ्‍योककी जम्‍बुलिङ ज्‍येङ्‍गुप थल्‍मा नेज्‍युन तन्‍दा सेक नाम्‍साङ माच्‍युङ वे, ज्‍युक्‍थमाला साङ मेङ्‍गिवी।

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

लोमा छ्‍येतिवी लाका 14:22

तमा लोकुप पेला तेकी लोमातिवाला “ख्‍यिराङ हम क्‍या दे गोकिवी, तेपा रम्‍बु क्‍या दे गोकिवी, तमा कोन्‍छ्‍योककी ग्‍येल्‍खापला लेपुपला ङ्‍यिराङ दुक्‍पा बङी खुर गोकिवी।” सिनी टोङ्‍गु बिन्‍सुङ।

रोमी 5:3

तोजो तिराङ मिन, दाक्‍पु छेटाङला ख्‍येलुप पेला साङ गा क्‍यानी दे थुप्‍किवी। च्‍यिलासिसिन छेटाङ ख्‍येल्‍सिमा ती छेटाङकी राङ दाक्‍पुला हम क्‍या दे थुपुप जेवी।

१ कोरिन्‍थी 6:11

गोमाला याङ ख्‍यिराङ साङ ललाइ तुकै राङ नोक। यिने त याङ चोवो येशू ख्रीष्‍ट ताङ दाक्‍पी कोन्‍छ्‍योककी थु चाङ्‍मा नेमा ख्‍यिरा दिक्‍पातिवा तानी ख्‍यिराङ टेङ्‍बु ताङ चाङ्‍मा च्‍युङ वे।

२ थेसलोनिकी 1:4

ख्‍यिराङ चो छेटाङ ताङ शैतानकी खोक्‍पा ल्‍हाप ताम्‍ङेतिवा ख्‍येल्‍सिनाङ येशूला तेपा रम्‍बु क्‍या देतुप ताङ हम क्‍यानी देतुप तप्‍की ङ्‍यिराङ कोन्‍छ्‍योकला तेपा कितुप चर्चकी मीतिवी पर्ला तेके कियी वे।

हिब्रू 13:12

तुक क्‍यानी येशू ख्रीष्‍ट साङ ग्‍येसाकी फिला छेटाङ खुर्सुङ। ती ति खोकी ठक नेसुर दाक्‍पुला दिक्‍पा ने थर च्‍यिनी टेङ्‍बु जोपला यिन।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

१ पत्रुस 1:19

यिने काङ साङ मडी मेतुप ताङ चाङ्‍मा वोतुप लुक रुक येशू ख्रीष्‍टकी गोङ छ्‍येर्मु ठक नेसुर गोङ तेनी ख्‍यिराङला थोपुप यिन।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 12:11

तेपा कितुप दाक्‍पी अच्‍युनुपतिवी थर्वा नङ्‍गुप लुक रुककी ठक ताङ कोन्‍छ्‍योककी कोर्ला पङ्‍बु बिन्‍दुप सुङ नेसुर तिवाला क्‍येन तेरुप शैतानकी खला ग्‍येलुप यिन। च्‍यिलासिसिन पङ्बु तेरुपला तिवा शिराङ गोसिनाङ खोप्‍रे जुकी थोक्‍ला पप माक्‍या।

ज्‍यल्‍का 15:2

येलुङ ते मे र्‍हेवु शेलकी ग्‍येम्‍छो दोके वोतुप ति ङे थोङ्‍सुङ। ती शेलकी ग्‍येम्‍छो गारीला सेम्‍ज्‍येन ताङ तीकी कु ताङ तीकी मिङकी अङ्‍टङ वोतुप तीला ग्‍येलुपतिवा तेरी लानी देन्‍नोक। तिवी लकला कोन्‍छ्‍योककी नङ्‍गुप डम्‍ङ्‍याङतिवा खुर्नी नोक।

ज्‍यल्‍का 17:6

ती पुम्‍पेजा ति येशूला तेपा कितुप मीतिवा ताङ खोकी थोक्‍ला पङ्‍बु तेरुप मीतिवाला सेतुप ठक थुनी जिन वोतुप ति ङे थोङ्‍सुङ। तीला थोङ्‍सिमा ङला छासे हलेवा लासुङ।

ज्‍यल्‍का 2:9

ख्‍युरुङ छेटाङला ख्‍येलुप ताङ पेराङ्‍बु वोतुप ति ङला छ्‍या वे। यिने ख्‍युरुङ याङ पेराङ्‍बु मिन, छ्‍युक्‍पु यिन। ख तिराङकी ङ यहूदी यिन सिरुप मीतिवी ख्‍यिराङला क्‍येन बिन्‍नी ख्‍यिरा तेन्‍दोकला लावु साङ ङला छ्‍या वे। तिवा ति शैतानकी छ्‍योक्‍पाकी मीतिवा यिन।

ज्‍यल्‍का 22:14

मिजीकी दोङ्‍बी डेलु थोपुप ताङ ग्‍येसाकी गे नाङ्‍ला शुकुप ओङ थोपुपला खोप्‍रे मज्‍या टुवु दोके क्‍यानी सेम टेङ्‍बु जोपतिवा मोलाम थोपुप यिनो।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।

ज्‍यल्‍का 7:9

ती ज्‍युक्‍ला ङे ल्‍हासालेन्‍सिन ङोनी साङ ङो मुथुपुप मी माङ्‍छ्‍योक जोम्‍नी नोक। तिवा ति तेरी लुङ्‍बा ताङ गिपा ताङ मिरिक ताङ ग्‍येताम कुतुक कुतुक लपुप मी माङ्‍छ्‍योक यिनोक। तमा तिवा ग्‍येल्‍ठिक ताङ लुक रुककी दोङ्‍ला मज्‍या कर्मु कोन्‍नी लकला खजूरकी येल्‍का खुर्नी लानी देन्‍नोक।