ज्‍यल्‍का 7:11 - कोन्छ्‌योककी सुङ

¹¹ तमा देवाच्‍येनकी लेन क्‍योलुपतिवा तेरी ग्‍येल्‍ठिक ताङ गोमा कितुप मी छ्‍येतिवा ताङ सेन्‍बु वोतुप सेम्‍ज्‍येन ज्‍यीतिवी गारी गुरीला लासुङ। तमा ग्‍येल्‍ठिककी चिप्‍ला खवुतुङ्‍मा देनी दुक सिनी कोन्‍छ्‍योकला सोवा तेक्‍सुङ,

ज्‍यल्‍का 7:11 Iomraidhean Croise

मत्ती 4:10

तमा येशूकी तीला “शैतान, ख्‍युरुङ ग्‍युक! च्‍यिलासिसिन कोन्‍छ्‍योककी सुङला दुक सिनी टि वे, ‘ख्‍योरो चोवो कोन्‍छ्‍योकला तिराङ सोवा तेक, खोला तिराङ शब्‍ज्‍यी पुल।’” सिनी सुङ्‍सुङ।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

हिब्रू 1:6

यिने खोकी खोरे पुज्‍युङ छ्‍येला जम्‍बुलिङला तोङ्‍गुप पेला दुक सुङ्‍सुङ, “कोन्‍छ्‍योककी तेरी देवाच्‍येनकी लेन क्‍योलुप थुतिवी तीला राङ सोवा देक्‍शी।”

ज्‍यल्‍का 11:16

ती ज्‍युक्‍ला कोन्‍छ्‍योककी चिप्‍ला दाक दाक्‍पी ग्‍येल्‍ठिकला देतुप गोमा कितुप मी छ्‍ये खल ज्‍यिक ताङ ज्‍यीतिवा सला खवुतुङ्‍मा देनी दुक सिनी कोन्‍छ्‍योकला सोवा तेक्‍सुङ,

ज्‍यल्‍का 15:4

ओ चोवो कोन्‍छ्‍योक, चोवोला सी ज्‍यिवा मिकिवी रो? सी चोवोकी मिङला मोवा मिकिवी रो? च्‍यिलासिसिन चाङ्‍मा वोतुप ति चोवो तिराङ यिन। मिरिक तेरीकी मीतिवी चोवोला राङ सोवा बुल्‍गिवी। च्‍यिलासिसिन चोवोकी क्‍या नङ्‍गुप लाका टेङ्‍बुतिवा तेरीकी ठछ्‍येली थोङ्‍नी वे।”

ज्‍यल्‍का 22:9

यिने तीकी ङला “ख्‍योरो ङला दुक क्‍यानी शावा कितुप मेवी। ङ साङ ख्‍युरुङ ताङ ख्‍योरो अच्‍युनुप लुङ्‍तेम्‍बातिवा ताङ दी थेपला वोतुप सुङला युकुपतिवा दोके कोन्‍छ्‍योककी लावा तिराङ यिन। तुक क्‍यानी कोन्‍छ्‍योकला तिराङ शावा की।” सिनी सिक्‍यासुङ।

ज्‍यल्‍का 4:10

ती पेला ते वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीतिवा ग्‍येल्‍ठिकला ज्‍यु वोतुप तीकी दोङ्‍ला खवुतुङ्‍मा देनी नरीकी नरी ङोसु ज्‍युवु तीला सोवा देकिनोक। तमा खोप्‍रे उशाकतिवा ग्‍येल्‍ठिक चिप्‍ला पिन ज्‍याक्‍नी दुक सियी सिक्‍यासुङ,

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।

ज्‍यल्‍का 4:6

तमा ग्‍येल्‍ठिककी चिप्‍ला शेल दोके ठछ्‍येली थोङ्‍गुप ग्‍येम्‍छो चेङ्‍गा यी नोक। ग्‍येल्‍ठिककी छो ज्‍यीला उ वोतुप सेम्‍ज्‍येन ज्‍यी चोके नोक। ती सेम्‍ज्‍येनतिवी गोमाला ताङ तिङ्‍ला ल्‍हाप मिक बङी नोक।

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”