ज्‍यल्‍का 7:10 - कोन्छ्‌योककी सुङ

¹⁰ तिवा कशेन थोर ग्‍यप्‍नी, “थर्वा ति ग्‍येल्‍ठिकला ज्‍यु वोतुप दाक्‍पी चोवो कोन्‍छ्‍योक ताङ लुक रुक नेसुर गिवी।” सिनी वोरु तेन्‍सुङ।

ज्‍यल्‍का 7:10 Iomraidhean Croise

लूका 3:6

तमा तेरी मीतिवी कोन्‍छ्‍योककी थर्वा नङ्‍गुप ति थोङ्‍गिवी।’”

यूहन्‍ना 1:29

ती सला तीला यूहन्‍नाकी येशू खोरो चाला फेपिन कितुप थोङ्‍नी, “ल्‍हो ताङ, जम्‍बुलिङ तेरीकी मीतिवाला दिक्‍पा ने थर ज्‍यितुप कोन्‍छ्‍योककी लुक रुक!

यूहन्‍ना 1:36

येशू तिवी चा नेसुर फेपिन कितुप थोङ्‍नी तीकी “ल्‍हो ताङ, कोन्‍छ्‍योककी लुक रुक ति दी राङ यिन!” सिनी सिक्‍यासुङ।

यूहन्‍ना 4:22

ख्‍यिराङ सामरीतिवी याङ ङो मेशेवु तीला सोवा देकिवी, यिने ङ्‍यिराङ यहूदीतिवा ति ङो शेवु तीला सोवा देकिवी, च्‍यिलासिसिन दिक्‍पा ने थर ज्‍यितुप ति यहूदीतिवा नेसुर राङ गिवी।

एफिसी 2:8

च्‍यिलासिसिन दाक्‍पी खोला तेपा क्‍यानी खोकी कटिनकी राङ दाक्‍पु दिक्‍पा ने थरुप यिन। दी ति दाक्‍पी ङारकी ङ्‍येतुप मिन, यिने कोन्‍छ्‌योक नेमा थोपुप ङ्‍येम्‍बा यिन।

ज्‍यल्‍का 12:10

ती पेला देवाच्‍येनला दुक सिक्‍यावु वोरु ग्‍येर्पु यी ङे थोसुङ। “त याङ दाक्‍पी कोन्‍छ्‍योककी तेरी मीतिवाला थर्वा नङ्‍गुप ताङ खोकी ङार ताङ ग्‍येल्‍खाप ताङ खोकी पेन नङ्‍गुप ख्रीष्‍टकी ओङ्‍ज्‍येन ति वा वे। च्‍यिलासिसिन तेपा कितुप दाक्‍पी अच्‍युनुपतिवाला ङ्‍यी ताङ नुप्‍ज्‍या कोन्‍छ्‍योककी दोङ्‍ला क्‍येन तेरुप शैतान ति देवाच्‍येन नेमा तेन्‍नी क्‍युर्नी वे।

ज्‍यल्‍का 19:1

ती ज्‍युक्‍ला येलुङ देवाच्‍येनला मी माङ्‍छ्‍योककी कशेन वोरु तेन्‍दुप दोके दुक सिक्‍यावु ति ङे थोसुङ। “हल्‍लेलूयाह! कोन्‍छ्‍योक दाक्‍पुला थर्वा नङ्‍गुप कोन्‍छ्‍योक यिन। खोला तिराङ मोवा ताङ ओङ्‍ज्‍येन वे।

ज्‍यल्‍का 21:5

तमा ग्‍येल्‍ठिकला ज्‍यु वोतुप तीकी ङला सुङ्‍सुङ। “ल्‍होसा, त याङ ङ देवाच्‍येन ताङ जम्‍बुलिङला वोतुपतिवा तेरी सम्‍बा जोयिनो।” येलुङ खोकी ङला सुङ्‍सुङ, “दी ताम्‍ङेतिवा टिसा। दिवा छासे खोङ्‍तेर्मु ताङ टेङ्‍बु वे।”

ज्‍यल्‍का 22:3

ती ग्‍येसाला नाम्‍साङ कोन्‍छ्‍योककी मोताप मिन्‍दुक। ते कोन्‍छ्‍योक ताङ खोकी लुक रुककी ग्‍येल्‍ठिक नोक। तमा खोला शब्‍ज्‍यी कितुप मीतिवी खोला सोवा बुल्‍गिनोक।

ज्‍यल्‍का 4:6

तमा ग्‍येल्‍ठिककी चिप्‍ला शेल दोके ठछ्‍येली थोङ्‍गुप ग्‍येम्‍छो चेङ्‍गा यी नोक। ग्‍येल्‍ठिककी छो ज्‍यीला उ वोतुप सेम्‍ज्‍येन ज्‍यी चोके नोक। ती सेम्‍ज्‍येनतिवी गोमाला ताङ तिङ्‍ला ल्‍हाप मिक बङी नोक।

ज्‍यल्‍का 5:7

तमा ती लुक रुक ति वानी ग्‍येल्‍ठिकला ज्‍यु वोतुप तीकी छ्‍याक यावा नेसुर ती शुकी बिटप ति लासुङ।