ज्‍यल्‍का 7:1 - कोन्छ्‌योककी सुङ

¹ ती ज्‍युक्‍ला देवाच्‍येनकी लेन क्‍योलुप थु मिरा ज्‍यी जम्‍बुलिङ ताङ ग्‍येम्‍छो ताङ दोङ्‍बुतिवाला वुर्तुक मग्‍यक्‍शी सिनी जम्‍बुलिङकी छो ज्‍यीकी वुङ्‍ला लानी छो ज्‍यी नेसुर वुङ्‍गुप वुर्तुकतिवा क्‍येक्‍नी देतुप ति ङे थोङ्‍सुङ।

ज्‍यल्‍का 7:1 Iomraidhean Croise

मत्ती 24:31

ती पेला ङ मी पुज्‍युङकी ग्‍येलिङ पुतुप वोरु ताङ मुला ङे देवाच्‍येनकी लेन क्‍योलुप थुतिवा तोङ्‍गिवी। तमा तिवी जम्‍बुलिङ तेरी नेमा ङे पेतुप मीतिवाला जोम ज्‍यिकिवी।”

मर्कूस 13:27

तमा ङ मी पुज्‍युङकी देवाच्‍येनकी लेन क्‍योलुप थुतिवा ताङ्‍नी जम्‍बुलिङ तेरी दासाकी छो ज्‍यी नेसुर ङे पेतुपतिवाला जोम ज्‍यिकिवी।”

ज्‍यल्‍का 20:8

तमा ती ति जम्‍बुलिङकी छो ज्‍यीला वोतुप लुङ्‍बा लुङ्‍बाकी मीतिवाला जिनोक जोपला डिवी। ती लुङ्‍बातिवा ति गोग ताङ मागोग यिन। तिवाला लुनी थमु ग्‍यकुपला तिवा जोम्‍गिवी। तिवा ति ग्‍येम्‍छो गारीकी पेमा सिनाङ मङ्‍मु गिवी।

ज्‍यल्‍का 6:6

ती सेन्‍बु वोतुप सेम्‍ज्‍येन ज्‍यीकी पर्ला दुक सिरुप वोरु यी ङे थोसुङ, “ङ्‍यिम्‍ज्‍यिक लाका क्‍यावु ल नेसुर ट किलो च्‍यिक याङ्‍ना जवु किलो सुम ङ्‍यो थुप्‍किवी। यिने जैतुन दोङ्‍बु ताङ गुन्‍डुम दोङ्‍बुला ति ना मातोङ।”

ज्‍यल्‍का 7:3

“कोन्‍छ्‍योककी थोक्‍ला शब्‍ज्‍यी कितुपतिवी टलाला दाक्‍पी लज्‍युर माग्‍यपा सेक्‍ला जम्‍बुलिङ ताङ ग्‍येम्‍छो ताङ दोङ्‍बुतिवाला काङ साङ ना मातोङा!” सिनी सिक्‍यासुङ।

ज्‍यल्‍का 8:7

देवाच्‍येनकी लेन क्‍योलुप थु तङ्‍बु तीकी ग्‍येलिङ पुसुङ। तमा जम्‍बुलिङला ठक र्‍हेवु सेर ताङ मे पाप्‍सुङ। तीकी जोसालेन्‍सिन जम्‍बुलिङ छो सुमला छो च्‍यिक ताङ दोङ्‍बुतिवा छो सुमला छो च्‍यिक ताङ ङोर्मु वोतुप नम्‍बा तेरीकी चतिवा छिक्‍सुङ।

ज्‍यल्‍का 9:14

ती ग्‍येलिङ खुरुप देवाच्‍येनकी लेन क्‍योलुप थु टुक्‍पा तीला “चङ्‍बु ग्‍येर्पु यूफ्रेटिसला टानी ज्‍यकुप देवाच्‍येनकी लेन क्‍योलुप थु ज्‍यीला पि तोङ!” सिनी सिक्‍यासुङ।

ज्‍यल्‍का 9:4

तमा तिवाला “जम्‍बुलिङकी च ताङ दोङ्‍बु ताङ चुशिङतिवाला काङ साङ ना मातोङा, यिने टली लोला कोन्‍छ्‍योककी लज्‍युरकी त मेतुप मीतिवाला तिराङ फेनी छ्‍येर्पा बिन!” सिनी क बिन्‍सुङ।