ज्‍यल्‍का 6:11 - कोन्छ्‌योककी सुङ

¹¹ तमा ती ज्‍युक्‍ला तिवा तेरीला मज्‍या कर्मु रे रे बिन्‍नी दुक सिक्‍यासुङ, “ख्‍यिरा मुला शब्‍ज्‍यी कितुप मीतिवा ताङ तेपा कितुप अच्‍युनुपतिवा साङ ख्यिराङला सेतुप दोके तेरी शिनी टङ्‍गा माछेवा सेक ङासोनी देता।”

ज्‍यल्‍का 6:11 Iomraidhean Croise

मत्ती 10:21

मीतिवी खोरो अच्‍युनुपला सेतुपला चेक तेकितो, तमा पपी खोरो पेजातिवाला ताङ पेजातिवी खोरो पपाआमी तेन्‍दोकला लानी तिवाला से ज्‍यिकितो।

लूका 15:22

यिने पपा तीकी लावातिवाला सिक्‍यासुङ, ‘ङमु गल्‍नी तेरी सिनाङ मज्‍या ल्‍यामु ति खुन वानी दीला कोन बिन, थेप्‍तोकला सोर्तुक तान बिन, तमा काङ्‍बाला काचा कोन बिन।

यूहन्‍ना 16:2

मीतिवी ख्‍यिराङला यहूदी छ्‍योखाङ नेमा तेन तोङ्‍गितो। वुतुङ के तुजे यी गितो, ती तुजेला ख्‍यिराङला सेतुपतिवी तुकै कितुप ति कोन्‍छ्‍योकला शब्‍ज्‍यी कितुप लाका यिन सिनी नासाम तोङ्‍गिवी।

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

२ थेसलोनिकी 1:7

तमा ख्‍यिराङ खोकी थोक्‍ला दुक्‍पा खुरुपतिवा ताङ ङ्‍यिराङला ति सेम किर्मु नङ्‍गिवी। चोवो येशू देवाच्‍येन नेमा बरुप मे ताङ ङार छ्‍येवु ओङ वोतुप देवाच्‍येनकी लेन क्‍योलुप थुतिवी मुला फेपुप पेला

२ तिमोथी 4:7

ख्रीष्‍टकी थोक्‍ला ङे कि गोवु लाकातिवा तेरी क्‍यानी सिन वे। त याङ ङे छ्‍योङ्‍बाल ग्‍यक गोवु लाका ति तेरी छेसुङ। ङे क्‍यावु तेपा साङ ङे र्‍होक्‍नी ज्‍यकिन।

हिब्रू 11:40

च्‍यिलासिसिन खोकी दाक्‍पी थोक्‍ला ती सिनाङ खक्‍छ्‍येवु ताम्‍ङे ल्‍यामु यी टडिक क्‍यानी वे। खोकी नोवा ति काङ यिन सिसिन तिवा साङ दाक्‍पी मुला राङ तेरी दिक्‍पा ने थर्नी खोकी चिप्‍ला डोप ङ्‍येशी सिरुप यिन।

हिब्रू 12:23

तमा ख्‍यिराङ याङ गोमाला क्‍येवु पुज्‍युङ दोके वोतुप तेपा कितुप मीतिवा तेरी जोम्‍बुप चर्चला वानी वे। तिवी मिङ तेरी ति देवाच्‍येनला टिनी ज्‍याङ वे। तमा ख्‍यिराङ याङ तेरी मीतिवाला ठिम क्‍या नङ्‍गुप कोन्‍छ्‍योक ताङ खोकी खोरे मोवा वोतुप दोके क्‍यानी टेङ्‍बु जोवु मीतिवी थुतिवा वोतुप दासाला वानी वे।

हिब्रू 4:10

कोन्‍छ्‍योककी खोरे छ्‍यक्‍लेन नेसुर ङप्‍सु तङ्‍गुप दोके खोकी ङप्‍सु ङ्‍येतुप मीतिवी साङ खोप्‍रे लाका नेसुर ङप्‍सु ङ्‍येकिवी।

ज्‍यल्‍का 10:6

तमा नाम ताङ ती नाङ्‍ला वोतुप तेरी च्‍यालकतिवा ताङ, जम्‍बुलिङ ताङ जम्‍बुलिङला वोतुप तेरी च्‍यालकतिवा ताङ, ग्‍येम्‍छो ताङ ती नाङ्‍ला वोतुप तेरी च्‍यालकतिवा ज्‍ये नङ्‍गुप नरीकी नरी ङोसु ज्‍यु वोतुप कोन्‍छ्‍योककी मिङला दुक सिनी तीकी थाक्‍छ्‍येसुङ, “तफेन्‍ला नाम्‍साङ फिमु क्‍या मनङ्‍गिवी।

ज्‍यल्‍का 13:15

ती गोमी सेम्‍ज्‍येनकी कु तीकी ताम्‍ङे लप्‍शी, तमा ती कुला मेतेन्‍दुप मीतिवा तेरी सेशी सिनी ती कुला उ लुकुप ओङ साङ सेम्‍ज्‍येन ङ्‍यिवाला बिन्‍नोक।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”

ज्‍यल्‍का 17:6

ती पुम्‍पेजा ति येशूला तेपा कितुप मीतिवा ताङ खोकी थोक्‍ला पङ्‍बु तेरुप मीतिवाला सेतुप ठक थुनी जिन वोतुप ति ङे थोङ्‍सुङ। तीला थोङ्‍सिमा ङला छासे हलेवा लासुङ।

ज्‍यल्‍का 7:14

तमा ङे तीला दुक सिक्‍यायी, “चोवो, ख्‍युरुङला राङ छ्‍या वे।” तमा तीकी दुक सिक्‍यासुङ, “दिवा ति छेटाङ ग्‍येर्पु ने थर्नी वावु यिन। दिवी कोन्‍दुप मज्‍यातिवा लुक रुककी ठकला टुनी कर्मु जोवु यिन।

ज्‍यल्‍का 7:9

ती ज्‍युक्‍ला ङे ल्‍हासालेन्‍सिन ङोनी साङ ङो मुथुपुप मी माङ्‍छ्‍योक जोम्‍नी नोक। तिवा ति तेरी लुङ्‍बा ताङ गिपा ताङ मिरिक ताङ ग्‍येताम कुतुक कुतुक लपुप मी माङ्‍छ्‍योक यिनोक। तमा तिवा ग्‍येल्‍ठिक ताङ लुक रुककी दोङ्‍ला मज्‍या कर्मु कोन्‍नी लकला खजूरकी येल्‍का खुर्नी लानी देन्‍नोक।