ज्‍यल्‍का 5:9 - कोन्छ्‌योककी सुङ

⁹ तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।

ज्‍यल्‍का 5:9 Iomraidhean Croise

मत्ती 20:28

ङ मी पुज्‍युङ ति मीतिवा नेमा शब्‍ज्‍यी ङ्‍येतुपला वावु मिन, यिने शब्‍ज्‍यी कितुपला ताङ मी बङीला दिक्‍पा ने थर ज्‍यितुपकी थोक्‍ला ङरा मिजी तेरुपला वावु यिन।”

मत्ती 26:28

ती ति मी बङीकी थोक्‍ला दिक्‍पा ने थर ज्‍यितुपला देन्‍दुप कोन्‍छ्‍योककी थाक्‍छ्‍येन नङ्‍गुप ङे ठक यिन।

लोमा छ्‍येतिवी लाका 20:28

तुक क्‍यानी ख्‍यिराङ गोमा कितुप मी छ्‍येतिवा रङगी थोक्‍ला ल्‍यामो क्‍यानी नासाम तोङ, तमा तेपा कितुप ख्‍यिरा मीतिवाला साङ ल्‍यामो क्‍यानी ल्‍होसा। च्‍यिलासिसिन कोन्‍छ्‍योककी थु चाङ्‍माकी ख्‍यिराङला तेपा कितुप मीतिवा ल्‍हाटे कितुपला चेक तेतुप ताङ खोकी खोरो सेवुकी ठककी ङ्‍योनी नङ्‍गुप चर्च ल्‍यामो क्‍यानी ल्‍हापला पेतुप यिन।

१ कोरिन्‍थी 6:20

ख्‍यिराङ ति खोकी गोङ तेनी ङ्‍योवु यिन। तुक क्‍यानी ख्‍यिरा रङगी मिजी ने कोन्‍छ्‍योकला मोवा की।

१ कोरिन्‍थी 7:23

कोन्‍छ्‍योककी ख्‍यिराङला येशू ख्रीष्‍टकी ठककी गोङ तेनी ङ्‍योवु तप्‍की ख्‍यिराङ मीतिवी योक्‍पुला मादे।

एफिसी 1:7

तमा खोकी ग्‍यक्‍चेकी कटिन नेसुर येशू ख्रीष्‍ट दाक्‍पी दिक्‍पी थोक्‍ला टुङ्‍नी खोकी ठककी दाक्‍पी दिक्‍पा ता च्‍यिनी दाक्‍पुला थर्वा ङ्‍येन वे।

एफिसी 5:19

च्‍यिककी च्‍यिकला कोन्‍छ्‌योककी थु चाङ्‍मा नेसुर वुङ्‍गुप खोला सोवा देकुप तेरी परकी लुतिवा लोसा। तमा दाक दाक्‍पी सेमगी दिङ नेज्‍युनी दातिवा तेन्‍नी चोवो येशूला सोवा तेक।

कलस्सी 1:14

ती खोकी सेवुकी राङ दाक्‍पुला दिक्‍पा ने थर्वा नङ्‍नी दाक्‍पी दिक्‍पातिवा तेरी ता च्‍यिनी वे।

कलस्सी 1:23

तुक कितुपला वुतुङ के ख्‍यिराङ तेपाला येर मर माक्‍यानी नरी डेकला दे गोकिवी। तमा ख्‍यिरा थोवु लेन ल्‍यामुला रेवा क्‍यावु ति क्‍युर्नी माज्‍योक। ती लेन ल्‍यामु ति देवाच्‍येनकी वोक्‍ला वोतुप तेरी मीतिवाला ख्‍याप्‍टाक क्‍यावु यिन। ङ पावल साङ ती लेन ल्‍यामु ख्‍याप्‍टाक कितुप लावा च्‍युङ वे।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 11:14

खोप्‍राङला छ्‍यिग्‍यपकी मी यिन सिनी सिरुप मीतिवा खोप्‍रे लुङ्‍बा च्‍यिक वे, ती लुङ्‍बाला देतुप ङ्‍येकिवी सिनी लाम ल्हानी देतुप ति हाक्‍कोकिवी।

२ पत्रुस 2:1

गोमाला इस्राएलकी मीतिवी पर्ला लुङ्‍तेम्‍बा मेटेङ्‍बुतिवा वोतुप दोके ख्‍यिरा पर्ला साङ गेकेन मेटेङ्‍बुतिवा थेन्‍गितो। तिवी ख्‍यिराङला छ्‍याकला ना डोप येन्‍देन मेटेङ्‍बुतिवा लोप्‍किवी, तमा येशू ति दिक्‍पा ने थर्वा नङ्‍गुप चोवो मिन सिनी तिवा खोप्‍राङ ङमु राङ ना डोप लाका कितो।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

१ यूहन्‍ना 2:2

खो ति दाक्‍पी दिक्‍पी थोक्‍ला कोन्‍छ्‍योकला जिन्‍बा तोङ्‍गुपला खुरुङ राङ टुङ्‍गुप यिन। दाक्‍पी दिक्‍पी थोक्‍ला तिराङ मिन्‍दाला, जम्‍बुलिङला वोतुप तेरी मीतिवी दिक्‍पी थोक्‍ला यिन।

ज्‍यल्‍का 10:11

ती ज्‍युक्‍ला तिवी ङला “ख्‍योरो येलुङ मी बङी ताङ मिरिक बङी ताङ ग्‍येतामतिवा बङी ताङ ग्‍येल्‍वुतिवा बङीकी थोक्‍ला ज्‍युक्‍ला काङ काङ च्‍युङ्‍गिवी सिरुप कोर्ला नम्‍दर शे गोकितो!” सिनी सिक्‍यासुङ।

ज्‍यल्‍का 11:9

ङ्‍यिमा सुम ताङ फेका सेक गिपा कुतुककी मीतिवा ताङ मिरिक कुतुककी मीतिवा ताङ ग्‍येताम कुतुककी मीतिवा ताङ लुङ्‍बा लुङ्‍बाकी मीतिवी तिवी रोतिवाला ल्‍हेवी। तमा सुला साङ ती रो ति मुक्‍तुम ग्‍यक मिज्‍यिवी।

ज्‍यल्‍का 13:7

कोन्‍छ्‍योकला तेपा कितुप मीतिवी मुला थमु ग्‍यकुप ताङ तिवी खला ग्‍येलुप ओङ्‍ज्‍येन साङ कोन्‍छ्‍योककी तीला नाङ्‍सुङ। तमा तेरी गिपातिवा ताङ मीतिवा ताङ ग्‍येतामतिवा ताङ मिरिकतिवाला ग्‍येला कितुप ओङ साङ नाङ्‍सुङ।

ज्‍यल्‍का 13:8

तुक क्‍यानी सेतुप लुक रुककी मिजीकी थेप नाङ्‍ला जम्‍बुलिङ ज्‍येङ्‍गुप गोमाला के मिङ टिनी वोतुप मीतिवा मिसिन यम्‍बा जम्‍बुलिङला वोतुप मीतिवा तेरीकी ती सेम्‍ज्‍येनला राङ ताङ्‍देन किवी।

ज्‍यल्‍का 14:6

येलुङ यम्‍बा देवाच्‍येनकी लेन क्‍योलुप थु मिरा च्‍यिक नामगी पर्ला फुरिन वोतुप ति ङे थोङ्‍सुङ। तीकी मुला जम्‍बुलिङला वोतुप तेरी मिरिक ताङ गिपा ताङ ग्‍येताम ताङ लुङ्‍बाकी मीतिवाला ख्‍याप्‍टाक कितुप नरीकी नरी लुवु कोन्‍छ्‍योककी लेन ल्‍यामु नोक।

ज्‍यल्‍का 15:3

तमा तिवा दुक सिनी कोन्‍छ्‍योकला शब्‍ज्‍यी कितुप मोशाकी लु ताङ लुक रुकला सोवा देकुप लु लङ्‍गिनोक। “ओ ङार छ्‍येवु चोवो कोन्‍छ्‍योक, चोवोकी क्‍या नङ्‍गुप लाकातिवा चोछ्‍येवु ताङ हलेवु वे। चोवोकी क्‍या नङ्‍गुप लाकातिवा तेरी टेके ताङ टेङ्बु वे। चोवो याङ नरी ग्‍येला कितुप ग्‍येल्‍वु यिन।

ज्‍यल्‍का 17:15

ती देवाच्‍येनकी लेन क्‍योलुप थु तीकी येलुङ ङला दुक सिक्‍यासुङ, “ख्‍योरो थोङ्‍गुप ती पुम्‍पेजा छ्‍येमु देन वोतुप छ्‍यु ति लुङ्‍बातिवा ताङ मिरिकतिवा ताङ गिपातिवा ताङ ग्‍येताम कुतुक कुतुकतिवा यिन।

ज्‍यल्‍का 4:11

“ओ ङ्‍यिरा चोवो कोन्‍छ्‍योक, चोवो याङ ङ्‍यिरा मोवा ताङ ताङ्‍देन कि छ्‍योवु ताङ ङार वोतुप कोन्‍छ्‍योक यिन। च्‍यिलासिसिन तेरी च्‍यालकतिवा चोवोकी राङ ज्‍ये नङ्‍गुप यिन। चोवोकी नोवा नेमा ती च्‍यालकतिवा तेरी च्‍युङ्‍नी तिवाला मिजी साङ नाङ्‍सुङ।”

ज्‍यल्‍का 5:12

“सेतुप लुक रुक ति ओङ छ्‍येवु ताङ छ्‍युक्‍पु वोतुप ताङ रिक्‍पा वोतुप ताङ ङार वोतुप ताङ ताङ्‍देन वोतुप ताङ मोवा वोतुप ताङ सोवा लङ छ्‍योवु वे।”

ज्‍यल्‍का 5:6

तमा ते ग्‍येल्‍ठिककी दोङ्‍ला लुक रुक च्‍यिक लानी नोक। ती ति गोमाला के सेतुप दोके थोङ्‍गिनोक, यिन्‍सिनाङ तन्‍दा ति सेन्‍बु राङ नोक। तीकी गारी गुरीला सेम्‍ज्‍येन ज्‍यी चोके नोक, तमा सेम्‍ज्‍येन ज्‍यीतिवी गारी गुरीला गोमा कितुप मी छ्‍ये मिरा खल्‍ज्‍यिक ताङ ज्‍यी नोक। ती लुक रुक तीकी ति अर्क्योक दिन ताङ मिक दिन नोक। ती मिक दिन ति तेरी जम्‍बुलिङला तङ्‍गुप कोन्‍छ्‍योककी थु दिन यिनोक।