ज्‍यल्‍का 5:6 - कोन्छ्‌योककी सुङ

⁶ तमा ते ग्‍येल्‍ठिककी दोङ्‍ला लुक रुक च्‍यिक लानी नोक। ती ति गोमाला के सेतुप दोके थोङ्‍गिनोक, यिन्‍सिनाङ तन्‍दा ति सेन्‍बु राङ नोक। तीकी गारी गुरीला सेम्‍ज्‍येन ज्‍यी चोके नोक, तमा सेम्‍ज्‍येन ज्‍यीतिवी गारी गुरीला गोमा कितुप मी छ्‍ये मिरा खल्‍ज्‍यिक ताङ ज्‍यी नोक। ती लुक रुक तीकी ति अर्क्योक दिन ताङ मिक दिन नोक। ती मिक दिन ति तेरी जम्‍बुलिङला तङ्‍गुप कोन्‍छ्‍योककी थु दिन यिनोक।

ज्‍यल्‍का 5:6 Iomraidhean Croise

लूका 1:69

खोकी खोरो लावा दाऊदकी गिपा नेमा दाक्‍पुला दिक्‍पा ने थर ज्‍यितुप ओङ छ्‍येवु मिरा च्‍यिक ताङ वे।

यूहन्‍ना 1:29

ती सला तीला यूहन्‍नाकी येशू खोरो चाला फेपिन कितुप थोङ्‍नी, “ल्‍हो ताङ, जम्‍बुलिङ तेरीकी मीतिवाला दिक्‍पा ने थर ज्‍यितुप कोन्‍छ्‍योककी लुक रुक!

यूहन्‍ना 1:36

येशू तिवी चा नेसुर फेपिन कितुप थोङ्‍नी तीकी “ल्‍हो ताङ, कोन्‍छ्‍योककी लुक रुक ति दी राङ यिन!” सिनी सिक्‍यासुङ।

लोमा छ्‍येतिवी लाका 8:32

ती मी छ्‍ये तीकी रकिन कितुप सुङ ति दी नोक, “लुक सेतुपला टि गलुप दोके याङ्‍ना पाल टेकुप पेला लुक खरक्‍पा सोके देतुप दोके खोकी काङ साङ मासुङ।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।

ज्‍यल्‍का 12:11

तेपा कितुप दाक्‍पी अच्‍युनुपतिवी थर्वा नङ्‍गुप लुक रुककी ठक ताङ कोन्‍छ्‍योककी कोर्ला पङ्‍बु बिन्‍दुप सुङ नेसुर तिवाला क्‍येन तेरुप शैतानकी खला ग्‍येलुप यिन। च्‍यिलासिसिन पङ्बु तेरुपला तिवा शिराङ गोसिनाङ खोप्‍रे जुकी थोक्‍ला पप माक्‍या।

ज्‍यल्‍का 13:8

तुक क्‍यानी सेतुप लुक रुककी मिजीकी थेप नाङ्‍ला जम्‍बुलिङ ज्‍येङ्‍गुप गोमाला के मिङ टिनी वोतुप मीतिवा मिसिन यम्‍बा जम्‍बुलिङला वोतुप मीतिवा तेरीकी ती सेम्‍ज्‍येनला राङ ताङ्‍देन किवी।

ज्‍यल्‍का 14:1

येलुङ ङे ल्‍हासालेन्‍सिन सियोन पम्‍दोकला ती लुक रुक ति लानी देतुप थोङ्‍सुङ। तीकी मुला मी बुङ च्‍यिक ताङ तोङ्‍डा खल ङ्‍यी ताङ ज्‍यी लानी नोक। तिवी टली लोला थर्वा नङ्‍गुप लुक रुक ताङ खोकी पपी मिङ टिनी नोक।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 21:22

ती ग्‍येसाला कनी साङ ल्‍हङाङ माथोङ। च्‍यिलासिसिन तेकी ल्‍हङाङ ति ङार छ्‍येवु चोवो कोन्‍छ्‍योक ताङ खोकी सेवु लुक रुक राङ यिनोक।

ज्‍यल्‍का 21:23

ती ग्‍येसा ति ठछ्‍येली जोपला ङ्‍यिमा उला काङ साङ मोगोनोक। च्‍यिलासिसिन कोन्‍छ्‍योककी मोवाकी राङ तेकी ग्‍येसा ति ठछ्‍येली डिनोक। तमा ते ठछ्‍येली जोप दिप्‍ली ति लुक रुक राङ यिनोक।

ज्‍यल्‍का 22:1

येलुङ देवाच्‍येनकी लेन क्‍योलुप थु तीकी ङला शेल दोके सल्‍वु वोतुप मिजीकी चङ्‍बु च्‍यिक छ्‍या तेन्‍सुङ। ती चङ्‍बु ति कोन्‍छ्‍योक ताङ लुक रुककी ग्‍येल्‍ठिक नेमा थेन्‍नी

ज्‍यल्‍का 22:3

ती ग्‍येसाला नाम्‍साङ कोन्‍छ्‍योककी मोताप मिन्‍दुक। ते कोन्‍छ्‍योक ताङ खोकी लुक रुककी ग्‍येल्‍ठिक नोक। तमा खोला शब्‍ज्‍यी कितुप मीतिवी खोला सोवा बुल्‍गिनोक।

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”

ज्‍यल्‍का 5:11

ती पेला बुङ छेबुङ चोयी देवाच्‍येनकी लेन क्‍योलुप थुतिवा ङे थोङ्‍सुङ। तिवा ग्‍येल्‍ठिक ताङ सेन्‍बु वोतुप सेम्‍ज्‍येनतिवा ताङ गोमा कितुप मी छ्‍येतिवी गारी गुरीला लानी थोर ग्‍यप्‍नी दुक सिनी लु लावु ति ङे थोसुङ,

ज्‍यल्‍का 5:12

“सेतुप लुक रुक ति ओङ छ्‍येवु ताङ छ्‍युक्‍पु वोतुप ताङ रिक्‍पा वोतुप ताङ ङार वोतुप ताङ ताङ्‍देन वोतुप ताङ मोवा वोतुप ताङ सोवा लङ छ्‍योवु वे।”

ज्‍यल्‍का 5:13

तमा देवाच्‍येनला वोतुप तेरी ताङ जम्‍बुलिङला वोतुप तेरी ताङ जम्‍बुलिङकी वोक्‍ला वोतुप तेरी ताङ ग्‍येम्‍छोला वोतुप उ वोतुप सेम्‍ज्‍येन थम्‍ज्‍येनतिवी दुक सिक्‍यावु ति ङे थोसुङ, “ग्‍येल्‍ठिकला ज्‍यु वोतुप कोन्‍छ्‍योक ताङ लुक रुकला सोवा ताङ ताङ्‍देन ताङ मोवा ताङ ओङ्‍ज्‍येन ति नरीकी नरी वुङ्‍शी।”

ज्‍यल्‍का 5:14

ती ज्‍युक्‍ला ग्‍येल्‍ठिककी गारी गुरीला वोतुप सेम्‍ज्‍येन ज्‍यिकरकी “आमिन” सिक्‍यासुङ। तमा गोमा कितुप मी छ्‍येतिवा ति पुमुङ सला चुनी सोवा तेक्‍सुङ।

ज्‍यल्‍का 6:16

तमा तिवी टक ताङ दो ग्‍येर्पुतिवाला दुक सिक्‍यासुङ, “ङ्‍यिरा खला उप्‍नी ग्‍येल्‍ठिकला ज्‍यु वोतुप तीकी थोङ्‍दाङ नेसुर ताङ लुक रुककी ङ्‍यिर्मु नेसुर ङ्‍यिराङला र्‍होक!