ज्‍यल्‍का 5:11 - कोन्छ्‌योककी सुङ

¹¹ ती पेला बुङ छेबुङ चोयी देवाच्‍येनकी लेन क्‍योलुप थुतिवा ङे थोङ्‍सुङ। तिवा ग्‍येल्‍ठिक ताङ सेन्‍बु वोतुप सेम्‍ज्‍येनतिवा ताङ गोमा कितुप मी छ्‍येतिवी गारी गुरीला लानी थोर ग्‍यप्‍नी दुक सिनी लु लावु ति ङे थोसुङ,

ज्‍यल्‍का 5:11 Iomraidhean Croise

हिब्रू 12:22

यिने ख्‍यिराङ वावु दासा ति सियोन री ताङ देवाच्‍येनकी यरूशलेमला राङ यिन। ती दासा ति ङोसु वोतुप कोन्‍छ्‍योककी ग्‍येसा यिन। ख्‍यिराङ तोङ्‍डा बङी देवाच्‍येनकी लेन क्‍योलुप थुतिवा जोम्‍नी लोदिमुकी तुछ्‍येन तेन्दुप दासाला वानी वे।

यहूदा 1:14

तीकी कोर्ला आदमकी गिपा दिन्‍बा हनोककी साङ दुक सिनी नम्‍दर शेन वे, “ल्‍होसा, छासे देवाच्‍येनकी लेन क्‍योलुप थु मङ्‍मुकी मुला चोवो फेपिन वोतो।

ज्‍यल्‍का 19:6

ती ज्‍युक्‍ला मी माङ्‍छ्‍योक च्‍यार ग्‍यप्‍नी वोरु तेन्‍दुप दोके ताङ छ्‍यु बङी ज्‍युङ्‍गुप वोरु ग्‍येर्पु दोके ताङ छासे सम्‍डुक ग्‍यपुप दोके वोरु ङे थोसुङ। ती वोरु तीकी “हल्‍लेलूयाह! च्‍यिलासिसिन चोछ्‍ये वोतुप दाक्‍पी चोवो कोन्‍छ्‍योककी दी जम्‍बुलिङला ग्‍येला क्‍या नङ्‍गिवी।

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।

ज्‍यल्‍का 4:6

तमा ग्‍येल्‍ठिककी चिप्‍ला शेल दोके ठछ्‍येली थोङ्‍गुप ग्‍येम्‍छो चेङ्‍गा यी नोक। ग्‍येल्‍ठिककी छो ज्‍यीला उ वोतुप सेम्‍ज्‍येन ज्‍यी चोके नोक। ती सेम्‍ज्‍येनतिवी गोमाला ताङ तिङ्‍ला ल्‍हाप मिक बङी नोक।

ज्‍यल्‍का 5:14

ती ज्‍युक्‍ला ग्‍येल्‍ठिककी गारी गुरीला वोतुप सेम्‍ज्‍येन ज्‍यिकरकी “आमिन” सिक्‍यासुङ। तमा गोमा कितुप मी छ्‍येतिवा ति पुमुङ सला चुनी सोवा तेक्‍सुङ।

ज्‍यल्‍का 5:6

तमा ते ग्‍येल्‍ठिककी दोङ्‍ला लुक रुक च्‍यिक लानी नोक। ती ति गोमाला के सेतुप दोके थोङ्‍गिनोक, यिन्‍सिनाङ तन्‍दा ति सेन्‍बु राङ नोक। तीकी गारी गुरीला सेम्‍ज्‍येन ज्‍यी चोके नोक, तमा सेम्‍ज्‍येन ज्‍यीतिवी गारी गुरीला गोमा कितुप मी छ्‍ये मिरा खल्‍ज्‍यिक ताङ ज्‍यी नोक। ती लुक रुक तीकी ति अर्क्योक दिन ताङ मिक दिन नोक। ती मिक दिन ति तेरी जम्‍बुलिङला तङ्‍गुप कोन्‍छ्‍योककी थु दिन यिनोक।

ज्‍यल्‍का 5:8

ती बिटप ति लासिमा सेन्‍बु वोतुप सेम्‍ज्‍येन ज्‍यी ताङ गोमा कितुप मी छ्‍ये खल्‍ज्‍यिक ताङ ज्‍यीतिवा लुक रुककी चिप्‍ला वानी खवुतुङ्‍मा देसुङ। तिवा तेरीकी लकला डम्‍ङ्‍याङ ताङ पो क्‍येङ्‍गुप सेरकी पोकेतिवा खुर्नी नोक। ती पो ति कोन्‍छ्‍योकला तेपा कितुपतिवी क्‍यावु मोपोर यिनोक।

ज्‍यल्‍का 7:11

तमा देवाच्‍येनकी लेन क्‍योलुपतिवा तेरी ग्‍येल्‍ठिक ताङ गोमा कितुप मी छ्‍येतिवा ताङ सेन्‍बु वोतुप सेम्‍ज्‍येन ज्‍यीतिवी गारी गुरीला लासुङ। तमा ग्‍येल्‍ठिककी चिप्‍ला खवुतुङ्‍मा देनी दुक सिनी कोन्‍छ्‍योकला सोवा तेक्‍सुङ,

ज्‍यल्‍का 9:16

ते त शेन्‍दुप मक्‍मीतिवा छेबुङ खल ज्‍यिक चोयी वे सिरुप ति ङे थोसुङ।