ज्‍यल्‍का 5:1 - कोन्छ्‌योककी सुङ

¹ येलुङ ग्‍येल्‍ठिकला ज्‍यु वोतुप तीकी छ्‍याक यावाला ति फिला नाङ्‍ला यिकी टिवु शुकी बिटप च्‍यिक वोतुप ति ङे थोङ्‍सुङ। ती शुकी बिटप ति लज्‍युर दिन ग्‍यप्‍नी ज्‍याक्‍नोक।

ज्‍यल्‍का 5:1 Iomraidhean Croise

ज्‍यल्‍का 10:2

तीकी लकला पेनी वोतुप शुकी बिटप टिक्‍पे यी नोक। तीकी काङ्‍बा यावा ति ग्‍येम्‍छो खला ताङ काङ्‍बा येन्‍बा ति सला ज्‍याक्‍सुङ।

ज्‍यल्‍का 4:3

ती ग्‍येल्‍ठिककी खला ज्‍यु वोतुप तीकी जुजम ति ङोर्मु ताङ मर्वु वोतुप वो ग्‍यकुप यु दोके थोङ्‍गिनोक। ती ग्‍येल्‍ठिककी गारी गुरीला वो ग्‍यकुप यु ङोर्मु दोके ज्‍य फुकुप नोक।

ज्‍यल्‍का 4:9

ते वोतुप सेम्‍ज्‍येन ज्‍यिकरतिवी ग्‍येल्‍ठिकला ज्‍यु वोतुप ताङ नरी ङोसु ज्‍युवु तीला मोवा ताङ ताङ्‍देन ताङ थुचिछे पुल पुल्‍वा देकिनोक।

ज्‍यल्‍का 5:13

तमा देवाच्‍येनला वोतुप तेरी ताङ जम्‍बुलिङला वोतुप तेरी ताङ जम्‍बुलिङकी वोक्‍ला वोतुप तेरी ताङ ग्‍येम्‍छोला वोतुप उ वोतुप सेम्‍ज्‍येन थम्‍ज्‍येनतिवी दुक सिक्‍यावु ति ङे थोसुङ, “ग्‍येल्‍ठिकला ज्‍यु वोतुप कोन्‍छ्‍योक ताङ लुक रुकला सोवा ताङ ताङ्‍देन ताङ मोवा ताङ ओङ्‍ज्‍येन ति नरीकी नरी वुङ्‍शी।”

ज्‍यल्‍का 5:7

तमा ती लुक रुक ति वानी ग्‍येल्‍ठिकला ज्‍यु वोतुप तीकी छ्‍याक यावा नेसुर ती शुकी बिटप ति लासुङ।

ज्‍यल्‍का 6:1

तमा ती लुक रुक तीकी लज्‍युर दिनकी नाङ्‍ला लज्‍युर च्‍यिक ति तोलुप थोङ्‍सुङ। तमा सेन्‍बु वोतुप सेम्‍ज्‍येन ज्‍यीकी नाङ्‍ला च्‍यिक तीकी सम्‍डुक ग्‍यकुप दोके वोरु तेन्‍नी “दे शोक!” सिनी सिक्‍यावु ति ङे थोसुङ।

ज्‍यल्‍का 6:16

तमा तिवी टक ताङ दो ग्‍येर्पुतिवाला दुक सिक्‍यासुङ, “ङ्‍यिरा खला उप्‍नी ग्‍येल्‍ठिकला ज्‍यु वोतुप तीकी थोङ्‍दाङ नेसुर ताङ लुक रुककी ङ्‍यिर्मु नेसुर ङ्‍यिराङला र्‍होक!

ज्‍यल्‍का 8:1

येलुङ लुक रुककी लज्‍युर दिन्‍बा ति तोल्‍सुङ। ती पेला ते तो मिसिन छ्‍युजी फेका सेक देवाच्‍येन ति कुसुमी देसुङ।