ज्‍यल्‍का 4:9 - कोन्छ्‌योककी सुङ

⁹ ते वोतुप सेम्‍ज्‍येन ज्‍यिकरतिवी ग्‍येल्‍ठिकला ज्‍यु वोतुप ताङ नरी ङोसु ज्‍युवु तीला मोवा ताङ ताङ्‍देन ताङ थुचिछे पुल पुल्‍वा देकिनोक।

ज्‍यल्‍का 4:9 Iomraidhean Croise

हिब्रू 7:25

तुक क्‍यानी खोला तेपा क्‍यानी कोन्‍छ्‍योककी चिप्‍ला वुङ्‍गुपतिवा तेरीला खोकी वुतुङ के दिक्‍पा ने थर ज्‍यिकिवी। च्‍यिलासिसिन तेपा कितुपतिवी थोक्‍ला कोन्‍छ्‍योकला मोपोर ताङ गोङ्‍बा शोपला खो नरी ङोसु ज्‍युकिवी।

हिब्रू 7:8

माङ्‍शोक मीतिवी च्‍यिथम्‍बा नाङ्‍ला च्‍यिक ति कोङ्‍यारला बुल्‍गिवी, यिने तेरी कोङ्‍यारतिवी नाङ्‍ला मल्‍कीसेदेक मिसिन तेरी कोङ्‍यारतिवा शिवी। च्‍यिलासिसिन कोन्‍छ्‍योककी सुङला खो ति सेन्‍बु वे सिनी सुङ वे।

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।

ज्‍यल्‍का 10:6

तमा नाम ताङ ती नाङ्‍ला वोतुप तेरी च्‍यालकतिवा ताङ, जम्‍बुलिङ ताङ जम्‍बुलिङला वोतुप तेरी च्‍यालकतिवा ताङ, ग्‍येम्‍छो ताङ ती नाङ्‍ला वोतुप तेरी च्‍यालकतिवा ज्‍ये नङ्‍गुप नरीकी नरी ङोसु ज्‍यु वोतुप कोन्‍छ्‍योककी मिङला दुक सिनी तीकी थाक्‍छ्‍येसुङ, “तफेन्‍ला नाम्‍साङ फिमु क्‍या मनङ्‍गिवी।

ज्‍यल्‍का 15:7

ती सेन्‍बु वोतुप सेम्‍ज्‍येन ज्‍यीकी नाङ्‍ला च्‍यिककी सेरकी कोरा दिन ति देवाच्‍येनकी लेन क्‍योलुप थु दिनतिवाला तेसुङ। ती सेरकी कोरा नाङ्‍ला नरीकी नरी ङोसु ज्‍युवु कोन्‍छ्‍योककी ङ्‍यिर्मुकी क्‍येङ्‍गुप नोक।

ज्‍यल्‍का 21:5

तमा ग्‍येल्‍ठिकला ज्‍यु वोतुप तीकी ङला सुङ्‍सुङ। “ल्‍होसा, त याङ ङ देवाच्‍येन ताङ जम्‍बुलिङला वोतुपतिवा तेरी सम्‍बा जोयिनो।” येलुङ खोकी ङला सुङ्‍सुङ, “दी ताम्‍ङेतिवा टिसा। दिवा छासे खोङ्‍तेर्मु ताङ टेङ्‍बु वे।”

ज्‍यल्‍का 4:2

तमा कोन्‍छ्‍योककी थु चाङ्‍माकी ङला क्‍येङ्‍नी ङे देवाच्‍येनला ग्‍येल्‍ठिक यी वोतुप थोङ्‍सुङ। ती ग्‍येल्‍ठिककी खला मिरा च्‍यिक ज्‍युनोक।

ज्‍यल्‍का 4:8

ती सेम्‍ज्‍येन ज्‍यिकरकी ति पुशोक टुक टुक नोक। तमा ती पुशोककी गारी गुरीला ताङ जु तेरीला मिक बङी नोक। तिवा ङ्‍यी ताङ नुप्‍ज्‍या दुक सिनी लु ला लावा देकिनोक, “चाङ्‍मा, चाङ्‍मा, चाङ्‍मा! चोछ्‍येवु चोवो कोन्‍छ्‍योक, खो गोमाला ज्‍युन वे, तमा तसाम साङ ज्‍यु वे, ज्‍युक्‍ला सेक नरीकी नरी ज्‍युकिवी।”

ज्‍यल्‍का 5:1

येलुङ ग्‍येल्‍ठिकला ज्‍यु वोतुप तीकी छ्‍याक यावाला ति फिला नाङ्‍ला यिकी टिवु शुकी बिटप च्‍यिक वोतुप ति ङे थोङ्‍सुङ। ती शुकी बिटप ति लज्‍युर दिन ग्‍यप्‍नी ज्‍याक्‍नोक।

ज्‍यल्‍का 6:16

तमा तिवी टक ताङ दो ग्‍येर्पुतिवाला दुक सिक्‍यासुङ, “ङ्‍यिरा खला उप्‍नी ग्‍येल्‍ठिकला ज्‍यु वोतुप तीकी थोङ्‍दाङ नेसुर ताङ लुक रुककी ङ्‍यिर्मु नेसुर ङ्‍यिराङला र्‍होक!

ज्‍यल्‍का 7:15

तुक क्‍यानी तिवा कोन्‍छ्‍योककी ग्‍येल्‍ठिककी चिप्‍ला वे। तिवा ङ्‍यी ताङ नुप्‍ज्‍या खोकी ल्‍हङाङला देनी खोला शब्‍ज्‍यी बुल्‍गिवी। तमा ग्‍येल्‍ठिकला ज्‍यु वोतुप तीकी तिवी मुला ज्‍युनी तिवाला र्‍होक्‍टे किवी।