ज्‍यल्‍का 4:6 - कोन्छ्‌योककी सुङ

⁶ तमा ग्‍येल्‍ठिककी चिप्‍ला शेल दोके ठछ्‍येली थोङ्‍गुप ग्‍येम्‍छो चेङ्‍गा यी नोक। ग्‍येल्‍ठिककी छो ज्‍यीला उ वोतुप सेम्‍ज्‍येन ज्‍यी चोके नोक। ती सेम्‍ज्‍येनतिवी गोमाला ताङ तिङ्‍ला ल्‍हाप मिक बङी नोक।

ज्‍यल्‍का 4:6 Iomraidhean Croise

ज्‍यल्‍का 14:3

तमा ते १,४४,००० मीतिवी ति ग्‍येल्‍ठिक ताङ सेन्‍बु वोतुप सेम्‍ज्‍येन ज्‍यी ताङ गोमा कितुप मी छ्‍ये मिरा खल ज्‍यिक ताङ ज्‍यीकी दोङ्‍ला लानी लु सम्‍बा यी लासुङ। ती लु ति दी जम्‍बुलिङ ने थर्वा ङ्‍येतुप १,४४,००० मीतिवी मिसिन यम्‍बा सी साङ लोप मुथुप्‍नोक।

ज्‍यल्‍का 15:2

येलुङ ते मे र्‍हेवु शेलकी ग्‍येम्‍छो दोके वोतुप ति ङे थोङ्‍सुङ। ती शेलकी ग्‍येम्‍छो गारीला सेम्‍ज्‍येन ताङ तीकी कु ताङ तीकी मिङकी अङ्‍टङ वोतुप तीला ग्‍येलुपतिवा तेरी लानी देन्‍नोक। तिवी लकला कोन्‍छ्‍योककी नङ्‍गुप डम्‍ङ्‍याङतिवा खुर्नी नोक।

ज्‍यल्‍का 15:7

ती सेन्‍बु वोतुप सेम्‍ज्‍येन ज्‍यीकी नाङ्‍ला च्‍यिककी सेरकी कोरा दिन ति देवाच्‍येनकी लेन क्‍योलुप थु दिनतिवाला तेसुङ। ती सेरकी कोरा नाङ्‍ला नरीकी नरी ङोसु ज्‍युवु कोन्‍छ्‍योककी ङ्‍यिर्मुकी क्‍येङ्‍गुप नोक।

ज्‍यल्‍का 19:4

तमा गोमा कितुप मी छ्‍ये मिरा खल ज्‍यिक ताङ ज्‍यीतिवा ताङ सेन्‍बु वोतुप सेम्‍ज्‍येन ज्‍यीतिवा खवुतुङ्‍मा देनी ग्‍येल्‍ठिकला ज्‍यु वोतुप कोन्‍छ्‍योकला “आमिन, हल्‍लेलूयाह!” सिनी सिक्‍यासुङ।

ज्‍यल्‍का 21:11

ती ग्‍येसा ति कोन्‍छ्‍योककी मोवाकी ठछ्‍येली गल्‍नी नोक। ती वोसिर ति ङ्‍यिमा दोके छासे वो ग्‍यकुप ताङ शेल दोके नाङ्‍ला थोङ्‍गुप छासे सल्‍वु नोक।

ज्‍यल्‍का 21:18

ती दोकर ती बिल्‍लौर सिरुप यु थ्‍वोनी जोवु नोक। तमा ग्‍येसा ति शेल दोके सल्‍वु थोङ्‍गुप सेर ङोमा थ्‍वोनी जोवु नोक।

ज्‍यल्‍का 21:21

ती गो च्‍यिङ्‍ङीतिवा ति मोती च्‍यिङ्‍ङी नेसुर जोवु नोक। तमा गो रे रेला मोती रे रे जोनी नोक। ती ग्‍येसाकी लामतिवा ति शेल दोके सल्‍वु थोङ्‍गुप सेर ङोमा थ्‍वोनी जोवु नोक।

ज्‍यल्‍का 22:1

येलुङ देवाच्‍येनकी लेन क्‍योलुप थु तीकी ङला शेल दोके सल्‍वु वोतुप मिजीकी चङ्‍बु च्‍यिक छ्‍या तेन्‍सुङ। ती चङ्‍बु ति कोन्‍छ्‍योक ताङ लुक रुककी ग्‍येल्‍ठिक नेमा थेन्‍नी

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।

ज्‍यल्‍का 5:11

ती पेला बुङ छेबुङ चोयी देवाच्‍येनकी लेन क्‍योलुप थुतिवा ङे थोङ्‍सुङ। तिवा ग्‍येल्‍ठिक ताङ सेन्‍बु वोतुप सेम्‍ज्‍येनतिवा ताङ गोमा कितुप मी छ्‍येतिवी गारी गुरीला लानी थोर ग्‍यप्‍नी दुक सिनी लु लावु ति ङे थोसुङ,

ज्‍यल्‍का 5:14

ती ज्‍युक्‍ला ग्‍येल्‍ठिककी गारी गुरीला वोतुप सेम्‍ज्‍येन ज्‍यिकरकी “आमिन” सिक्‍यासुङ। तमा गोमा कितुप मी छ्‍येतिवा ति पुमुङ सला चुनी सोवा तेक्‍सुङ।

ज्‍यल्‍का 5:6

तमा ते ग्‍येल्‍ठिककी दोङ्‍ला लुक रुक च्‍यिक लानी नोक। ती ति गोमाला के सेतुप दोके थोङ्‍गिनोक, यिन्‍सिनाङ तन्‍दा ति सेन्‍बु राङ नोक। तीकी गारी गुरीला सेम्‍ज्‍येन ज्‍यी चोके नोक, तमा सेम्‍ज्‍येन ज्‍यीतिवी गारी गुरीला गोमा कितुप मी छ्‍ये मिरा खल्‍ज्‍यिक ताङ ज्‍यी नोक। ती लुक रुक तीकी ति अर्क्योक दिन ताङ मिक दिन नोक। ती मिक दिन ति तेरी जम्‍बुलिङला तङ्‍गुप कोन्‍छ्‍योककी थु दिन यिनोक।

ज्‍यल्‍का 5:8

ती बिटप ति लासिमा सेन्‍बु वोतुप सेम्‍ज्‍येन ज्‍यी ताङ गोमा कितुप मी छ्‍ये खल्‍ज्‍यिक ताङ ज्‍यीतिवा लुक रुककी चिप्‍ला वानी खवुतुङ्‍मा देसुङ। तिवा तेरीकी लकला डम्‍ङ्‍याङ ताङ पो क्‍येङ्‍गुप सेरकी पोकेतिवा खुर्नी नोक। ती पो ति कोन्‍छ्‍योकला तेपा कितुपतिवी क्‍यावु मोपोर यिनोक।

ज्‍यल्‍का 6:1

तमा ती लुक रुक तीकी लज्‍युर दिनकी नाङ्‍ला लज्‍युर च्‍यिक ति तोलुप थोङ्‍सुङ। तमा सेन्‍बु वोतुप सेम्‍ज्‍येन ज्‍यीकी नाङ्‍ला च्‍यिक तीकी सम्‍डुक ग्‍यकुप दोके वोरु तेन्‍नी “दे शोक!” सिनी सिक्‍यावु ति ङे थोसुङ।

ज्‍यल्‍का 6:6

ती सेन्‍बु वोतुप सेम्‍ज्‍येन ज्‍यीकी पर्ला दुक सिरुप वोरु यी ङे थोसुङ, “ङ्‍यिम्‍ज्‍यिक लाका क्‍यावु ल नेसुर ट किलो च्‍यिक याङ्‍ना जवु किलो सुम ङ्‍यो थुप्‍किवी। यिने जैतुन दोङ्‍बु ताङ गुन्‍डुम दोङ्‍बुला ति ना मातोङ।”

ज्‍यल्‍का 7:11

तमा देवाच्‍येनकी लेन क्‍योलुपतिवा तेरी ग्‍येल्‍ठिक ताङ गोमा कितुप मी छ्‍येतिवा ताङ सेन्‍बु वोतुप सेम्‍ज्‍येन ज्‍यीतिवी गारी गुरीला लासुङ। तमा ग्‍येल्‍ठिककी चिप्‍ला खवुतुङ्‍मा देनी दुक सिनी कोन्‍छ्‍योकला सोवा तेक्‍सुङ,

ज्‍यल्‍का 7:17

च्‍यिलासिसिन ग्‍येल्‍ठिककी पर्ला ज्‍यु वोतुप लुक रुक ति तिवी गोठाला च्‍युङ्‍गिवी। तमा खोकी तिवाला मिजी तेरुप छ्‍यी पुङतिवाला क्‍योल्‍गिवी। तमा कोन्‍छ्‍योककी तिवी मिककी मिक्‍च्‍युर तेरी पिनी तेर्किवी।”