ज्‍यल्‍का 4:5 - कोन्छ्‌योककी सुङ

⁵ तमा ती ग्‍येल्‍ठिक नेमा चिलाम ग्‍यकुप ताङ सम्‍डुक ग्‍यकुप ताङ टेक्‍च्‍या ग्‍यकिनोक। तमा ती ग्‍येल्‍ठिककी चिप्‍ला बाशिङ दिन चोके च्‍येनी नोक। ती बाशिङ ति कोन्‍छ्‍योककी थु दिन यिनोक।

ज्‍यल्‍का 4:5 Iomraidhean Croise

मत्ती 25:1

येलुङ येशूकी सुङ्‍सुङ, “देवाच्‍येनकी ग्‍येल्‍खाप ति दाक दाक्‍पी लकला दिप्‍ली खुर्नी माक्‍पा ठे गलुप जेन्‍दी माक्‍यावु पुम्‍पेजा मिरा च्‍यिथम्‍बाकी पे दोके यिन।

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

लोमा छ्‍येतिवी लाका 2:3

तमा ते मे मेवुर च्‍यिन्‍दै वावु ति तिवी थोङ्‍सुङ। ती मेवुर ति छो छो गल्‍नी तिवा रे रेकी गो खला देसुङ।

ज्‍यल्‍का 1:4

एशिया लुङ्‍बाकी चर्च दिन्‍करला वोतुप तेपा कितुप मीतिवाला ङ यूहन्‍नाकी छ्‍योक नेमा टसी देलेक! थल्‍माला ज्‍यु वोतुप ताङ तसाम साङ ज्‍यु वोतुप ताङ तिङ्‍ला फेपुप चोवो कोन्‍छ्‍योक नेमा ख्‍यिराङला कटिन ताङ लोदिमु वुङ्‍शिता। खोकी ग्‍येल्‍ठिककी दोङ्‍ला वोतुप थु दिन्‍कर नेसुर साङ कटिन ताङ लोदिमु वुङ्‍शिता।

ज्‍यल्‍का 10:3

ती ज्‍युक्‍ला तीकी सेङ्‍गी वुरुप दोके क्‍यानी कशेन वोरु तेन्‍सुङ। तीकी वोरु देन्‍दुप पेला सम्‍डुक ग्‍यपुप दोके वोरु थेङ्‍मा दिन थेन्‍सुङ।

ज्‍यल्‍का 11:19

तमा देवाच्‍येनला कोन्‍छ्‍योककी ल्‍हङाङ पेसिमा ती नाङ्‍ला खोकी थाक्‍छ्‍येन नङ्‍गुप तेर्गाम ति थोङ्‍सुङ। ते चिलाम ग्‍यपुप ताङ सम्‍डुक ग्‍यकुप वोरुतिवा थोसुङ। तमा सयी ग्‍यकुप ताङ सेर बोम्‍बु बोम्‍बुतिवा ग्‍यप्‍सुङ।

ज्‍यल्‍का 3:1

“सार्डिसला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति कोन्‍छ्‍योककी थु दिन ताङ लाक्‍पा यावाला कर्मा दिन वोतुप तीकी सुङ्‍गुप यिन। ख्‍योरो लाकातिवा ङला छ्‍या वे। मीतिवी थोङ्‍दाङला ख्‍यिराङ सेन्‍बु वोतुप थोङ्‍सिनाङ ख्‍यिराङ ति शिन वे।

ज्‍यल्‍का 5:6

तमा ते ग्‍येल्‍ठिककी दोङ्‍ला लुक रुक च्‍यिक लानी नोक। ती ति गोमाला के सेतुप दोके थोङ्‍गिनोक, यिन्‍सिनाङ तन्‍दा ति सेन्‍बु राङ नोक। तीकी गारी गुरीला सेम्‍ज्‍येन ज्‍यी चोके नोक, तमा सेम्‍ज्‍येन ज्‍यीतिवी गारी गुरीला गोमा कितुप मी छ्‍ये मिरा खल्‍ज्‍यिक ताङ ज्‍यी नोक। ती लुक रुक तीकी ति अर्क्योक दिन ताङ मिक दिन नोक। ती मिक दिन ति तेरी जम्‍बुलिङला तङ्‍गुप कोन्‍छ्‍योककी थु दिन यिनोक।

ज्‍यल्‍का 8:5

ती ज्‍युक्‍ला देवाच्‍येनकी लेन क्‍योलुप थु तीकी पोके ति लानी छोठीकी मे ति पोके नाङ्‍ला लुक्‍नी जम्‍बुलिङला क्‍युर्सुङ। तमा सम्‍डुक ग्‍यकुप वोरु ताङ चिलाम ग्‍यपुप ताङ सयी ग्‍यप्‍सुङ।