ज्‍यल्‍का 4:2 - कोन्छ्‌योककी सुङ

² तमा कोन्‍छ्‍योककी थु चाङ्‍माकी ङला क्‍येङ्‍नी ङे देवाच्‍येनला ग्‍येल्‍ठिक यी वोतुप थोङ्‍सुङ। ती ग्‍येल्‍ठिककी खला मिरा च्‍यिक ज्‍युनोक।

ज्‍यल्‍का 4:2 Iomraidhean Croise

मत्ती 22:43

येलुङ येशूकी तिवाला सुङ्‍सुङ, “दाऊद ति कोन्‍छ्‍योककी थु चाङ्‍माकी क्‍येङ्‍नी खोला चोवो सिनी दुक सुङ्‍सुङ,

हिब्रू 8:1

त ङ्‍यिरा सिक्‍यावु खक्‍छ्‍येवु ताम्‍ङे ति दी राङ यिन, दाक्‍पी थोक्‍ला तेरी सिनाङ कोङ्‍यार छ्‍ये मिरा च्‍यिक ज्‍यु वे। खो देवाच्‍येनकी चोछ्‍येवु कोन्‍छ्‍योककी ग्‍येल्‍ठिककी यावी थाकाला ज्‍यु वे।

ज्‍यल्‍का 1:10

ते चोवोकी ङ्‍यिमाला कोन्‍छ्‍योककी थु चाङ्‍मा ङला फेप्‍नी ङ खोकी ओङला वोतुप पेला कशेन क्‍यानी ग्‍येलिङ पुवु दोके वोरु ग्‍येर्पु ग्‍यप्‍सुङ। तमा ङे तिङ्‍ला दुक सिरुप वोरु यी थोसुङ।

ज्‍यल्‍का 12:5

तमा ती पुम्‍पेजा तीकी लुङ्‍बा तेरीकी मीतिवाला च्‍याङ्‍युङ थ्‍वोनी च्‍युरुवु क्‍यानी ग्‍येला कितुप पुज्‍युङ यी क्‍येसुङ। यिने ती पुज्‍युङ तीला शार्क्येक लङ्‍नी कोन्‍छ्‍योक ताङ खोकी ग्‍येल्‍ठिकला टि गाल्‍सुङ।

ज्‍यल्‍का 17:3

तमा देवाच्‍येनकी लेन क्‍योलुप थु तीकी ङला कोन्‍छ्‍योककी थु चाङ्‍माकी ओङला दासा पाङ्‍थेरीला टिसुङ। ते गो दिन ताङ अर्क्योक च्‍यिथम्‍बा वोतुप सेम्‍ज्‍येन मर्वु यीकी खला शेन्‍दुप पुम्‍पेजा यी नोक। ती सेम्‍ज्‍येनकी जुला ति कोन्‍छ्‍योकला मारे तोङ्‍गुप मिङ बङी टिनी नोक।

ज्‍यल्‍का 19:4

तमा गोमा कितुप मी छ्‍ये मिरा खल ज्‍यिक ताङ ज्‍यीतिवा ताङ सेन्‍बु वोतुप सेम्‍ज्‍येन ज्‍यीतिवा खवुतुङ्‍मा देनी ग्‍येल्‍ठिकला ज्‍यु वोतुप कोन्‍छ्‍योकला “आमिन, हल्‍लेलूयाह!” सिनी सिक्‍यासुङ।

ज्‍यल्‍का 20:11

येलुङ ग्‍येल्‍ठिक कर्मु ग्‍येर्पु यी ताङ तीकी खला ज्‍युवु तीला ङे थोङ्‍सुङ। तमा खोकी दोङ नेमा स ताङ नाम ति तोर्नी गल्‍नी चेयी साङ लुनी वोतुप ति माथोङ।

ज्‍यल्‍का 21:10

तमा तीकी ङला कोन्‍छ्‍योककी थु चाङ्‍माकी ओङला छासे री थेन्‍बुकी गोला टिनी कोन्‍छ्‍योक ज्‍यु वोतुप देवाच्‍येन नेमा चाङ्‍मा वोतुप ग्‍येसा यरूशलेम ति मर पपिन कितुप छ्‍या तेन्‍सुङ।

ज्‍यल्‍का 21:5

तमा ग्‍येल्‍ठिकला ज्‍यु वोतुप तीकी ङला सुङ्‍सुङ। “ल्‍होसा, त याङ ङ देवाच्‍येन ताङ जम्‍बुलिङला वोतुपतिवा तेरी सम्‍बा जोयिनो।” येलुङ खोकी ङला सुङ्‍सुङ, “दी ताम्‍ङेतिवा टिसा। दिवा छासे खोङ्‍तेर्मु ताङ टेङ्‍बु वे।”

ज्‍यल्‍का 3:21

सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।

ज्‍यल्‍का 4:10

ती पेला ते वोतुप गोमा कितुप मी छ्‍ये मिरा खल्‍ज्‍यिक ताङ ज्‍यीतिवा ग्‍येल्‍ठिकला ज्‍यु वोतुप तीकी दोङ्‍ला खवुतुङ्‍मा देनी नरीकी नरी ङोसु ज्‍युवु तीला सोवा देकिनोक। तमा खोप्‍रे उशाकतिवा ग्‍येल्‍ठिक चिप्‍ला पिन ज्‍याक्‍नी दुक सियी सिक्‍यासुङ,

ज्‍यल्‍का 4:5

तमा ती ग्‍येल्‍ठिक नेमा चिलाम ग्‍यकुप ताङ सम्‍डुक ग्‍यकुप ताङ टेक्‍च्‍या ग्‍यकिनोक। तमा ती ग्‍येल्‍ठिककी चिप्‍ला बाशिङ दिन चोके च्‍येनी नोक। ती बाशिङ ति कोन्‍छ्‍योककी थु दिन यिनोक।

ज्‍यल्‍का 4:9

ते वोतुप सेम्‍ज्‍येन ज्‍यिकरतिवी ग्‍येल्‍ठिकला ज्‍यु वोतुप ताङ नरी ङोसु ज्‍युवु तीला मोवा ताङ ताङ्‍देन ताङ थुचिछे पुल पुल्‍वा देकिनोक।

ज्‍यल्‍का 5:1

येलुङ ग्‍येल्‍ठिकला ज्‍यु वोतुप तीकी छ्‍याक यावाला ति फिला नाङ्‍ला यिकी टिवु शुकी बिटप च्‍यिक वोतुप ति ङे थोङ्‍सुङ। ती शुकी बिटप ति लज्‍युर दिन ग्‍यप्‍नी ज्‍याक्‍नोक।

ज्‍यल्‍का 5:13

तमा देवाच्‍येनला वोतुप तेरी ताङ जम्‍बुलिङला वोतुप तेरी ताङ जम्‍बुलिङकी वोक्‍ला वोतुप तेरी ताङ ग्‍येम्‍छोला वोतुप उ वोतुप सेम्‍ज्‍येन थम्‍ज्‍येनतिवी दुक सिक्‍यावु ति ङे थोसुङ, “ग्‍येल्‍ठिकला ज्‍यु वोतुप कोन्‍छ्‍योक ताङ लुक रुकला सोवा ताङ ताङ्‍देन ताङ मोवा ताङ ओङ्‍ज्‍येन ति नरीकी नरी वुङ्‍शी।”

ज्‍यल्‍का 6:16

तमा तिवी टक ताङ दो ग्‍येर्पुतिवाला दुक सिक्‍यासुङ, “ङ्‍यिरा खला उप्‍नी ग्‍येल्‍ठिकला ज्‍यु वोतुप तीकी थोङ्‍दाङ नेसुर ताङ लुक रुककी ङ्‍यिर्मु नेसुर ङ्‍यिराङला र्‍होक!